أبتسمت و انا أفتح الرسالة
" شفتك دقيت لي.. ترا كانت عندي محاظره
ماقدرت أرد "
فارس: بس كنت بطمن عليج شو صحتج الحين
شهد: الحمدلله
فارس: خوفتيني اليوم تحسبت بتموتين عندي
شهد: شكلك تبي تموتني
فارس: لا بسم الله عليج .. الا أمج شخبارها؟
شهد: الحين راجعه البيت بطمن عليها
فارس: انتي قاعده تسوقين و تكتبين؟
شهد: اكتب بأيد و الأيد الثانيه ارد فيها
دقيت لها دون ما فكر أنه نادر جنبي و ممكن أنه يسمعني وردت علي
: تستهبلين تردين علي و أنتي تسوقين ماتخافين على نفسج
شهد: تبي تقنعني انك ماتسويها؟
فارس: انا ماعندي حد يخاف علي
شهد: و منو قال أنه ماعندك؟
فارس: ليش انتي تخافين علي
شهد بارتباك واضح : نادر يخاف عليك
فارس: و انتي؟
شهد بهمس: اخاف
فارس: يا حلو لي يخافون بس
نادر من بعيد و هو يصفق : ياحلاااااوه ياعييييني نحن هناااا
شهد: فااااارس يا حيوان نادر عندك
و سكرت بوجهي أبتسمت و أنا أتنهد بصوت واضح
نادر: والله انه شهد مو بسيطه اذا هي رسمت هالابتسامة و التنهيدة لي ماكان يرسمها غير روان شرايك تكملها و تتزوج معاي و تصير الفرحه فرحتين؟
فارس: انت شفيك سويت قصه في عقلك؟ و بعدين لاعاد تجيييب سيرة روان لا عاد تجيبه يا نادر ولا بنتدافن انا و انت هنيه
نادر: مب قصدي والله بس حسيت اني مبسوط من حالك
فارس: تحسسني أني كنت ما ضحك ولا أبتسم
نادر: تبا الصدق و لا أكذب؟
فارس: الصدق
نادر: كنت نفسيه والله يافارس بالعافيه أحاول اخليك تبتسم و يتغير مودك
تنهدت و انا انسدح على الكنبه و أتذكر حالي
: يا نادر صح اني كنت في حال يرثى له فعلا لكن هذا مو معناته أني مو قوي مو معناته اني شخص ضعيف انت اكثر واحد كنت تعرف انه لي مريت فيه كيف صعب
نادر: عارف ياخوي و عارف كيف أنت متعلق أمي و انه فراقها كان اصعب شي بالنسبه لك
فارس : اهخ يا امي ياكثر الشوق لها ودي انها تدخل علي بالشقه كذا و تقومني نفس ماكانت تصحيني للدوام! اشتقت اقوم و أصبح على ويهها نادر والله اني ابا ارجع البيت اليوم قبل بكره
نادر: باذن الله ياعين اخوك بترجع و اذا على امي جرب دقلها يا فارس جرب تصدمها كذا و انت تتصل
فارس: خايف ماترد
نادر: جرب منت خسران شي
مسكت التلفون و انا ادور على رقمها لقيته و ضغطت و أنا اتصل و متوتر شوي
: مرحبا أمي
ام راشد: حييي هالصوت يا فارس والله فز قلبي لاتصالك يا امي طمني عنك
توسعت أبتسامتي: من سمعت هالصوت و انا بخير
ام راشد: و كيف الحياه معاك
فارس: والله الحمدلله لكنه الشوق لعب بي
كان نادر مبسوط و هو يشوف ردة فعلي كانت ابتسامته واضحه و هو يشوفني يشوف أخوه و توامه مبسوط . .
مرت الايام بسرعه و كأنها تركض مرت و قربت ملكه نادر و بنفس اليوم بيكون عرسه هذا اليوم لي ينتظره نادر من زمان أبتسمت و أنا أشوفه حايس عندي بالشقه و يجرب البشت و هو مبسوط كان واقف ع المرايه و يستعرض و يجرب كيف بيكون شكله بالبشت و يدور فيه كنت اضحك على وضعه معقوله هذا بيكون حالي و بتكون هذي فرحتي لو كانت روان من نصيبي حسيت أن تفكيري بدا يروح لافكار انا شايلها من بالي تمامًا ولا صرت أفكر فيها قمت أهز راسي و انا أحاول أبعد الافكار عني
