نادر بحده: فاااااارس
فارس: لا اطالع بالنظرات هذي
نادر: امش امش
مشينا وبدينا نلف وندور ع الشقق ادور لي شقه تناسبني و لقيت لي شقه اقدر اقول انها تناسبني فعلا كانت تتكون من غرفتين ومطبخ
فارس: اشوفها تناسبني هذي شرايك؟
نادر: حلووو فيها غرفتين يوميا بتحصلني عندك
فارس: يوه ماحسيت من الله افتك منك وتقول تنشب لي
نادر: ايوه بنشب
فارس: يلا زين خلاص بعتمدها
وطلعت بطاقتي بدفع لكن انصدمت!
يقولي " تم الرفض "
فارس: غرييييبه متاكد انه فيها فلوس
نادر: عادي خلني انا لي بدفع خل بطاقتك
فارس: لا والله تصبر خلني اتاكد مره ثانيه
ورجعت وحطيتها لكن يطلع لي نفس الشي
نادر: خلاااص خلني انا لي بدفع
فارس: تتوقع أبوي سكر بطاقتي؟
نادر: اتوقع كل شييي يسويها والله
وقتها رن تلفون نادر
: ابوي لي يدق
فارس: رد شوفه و امانه حط سبيكر
نادر: الووو
ابو راشد: ناااادر انت وييييين ليكون مع فارس
نادر: واذا معاه؟
ابو راشد: لاتعصب فيني تراه ضغطي صك السقف وقولي انك مو معاه
نادر بتحدي: ايوه معاه
دزيت كتفه و انا اتكلم بهمس " لاتسوي مشاكل قوله انك مو معاي"
ابو راشد: الحييييين ترجع البيت سمعتني خله مايعرف لنفسه خلها تصك فيه الدنيا عشان مره ثانيه يفكر قبل لا يسوي اي شي يفكر مليون مره ويتعلم من غلطه وتراني قفلت كل البطايق لي عنده
نادر: ابوي كيف تسوي هالشي تراه ولدك مو عدوك
ابو راشد: اقول انطم والحين ترجع البيت ولا ياتلحق اخوك
نادر: زين زين
وسكر التلفون والتفت لي
: ابوي من صدقه؟ يبا يبعدني عنك؟ صدقني اخر شي بنطرد مثلك وبتحصلني عندك فالشقه
فارس: نادر ترا هالشي مافي مزح لاتقعد تسوي هالحركات و أسمع كلامه لين ربك يحلها
نادر: محد يقدر يبعدنا عن بعض حتى ابوي
فارس: خلك من هذا والله انه بالي مشغول كيف هالشي طلع بسيارتي! كيف ودي أعرف معقوله في حد ناوي يضرني هالمضره الشينه
نادر: توقع كل شي من الناس محد منه امان هاليومين
و انا أتكي على الكنبه
: اهخ قسم بالله ان جسمي التعن
نادر بضحك: ياريال انت شوف ويهك ابوي ماقصر فيك صدق
فارس: انت ماخذني مصخره من اليوم لاتخليني اقوم و العنك
نادر: اذا هالشي بيريحك تعال وطلع ضيقتك
فارس: ياخيييي نادر قلبي معورني! تخيل انه روان كانت موجوده و انا أنضرب سمعت كل شي روان الوحيده لي ماتمنيتها تشوفني بالحال هذا ليش ياربي
نادر: بذمتك؟ شافت كل شي
فارس: والله وقبل لا أطلع من البيت كنت معاها
نادر: مرات احسك صدق مب صاحي تخيل ابوي شافكم؟ والله عادي تموت بين إيديه خاصه انه هي بس خطيبتك ماصار شي للحين
فارس: عارف بس ترا ماغلطت بشي
نادر: وجودكم مع بعض اكبر غلط فارس انتبه تكفى و انا اخوك
فارس: نادر لي يسمعك يقول دومني مطيح معاها ومقابلها اساسا ماظن اشوفها الحين اكيد السوالف هذي بتطلع لعمومتي وبتصير سوالف لا صارت ولا استوت
نادر: باذن الله بيتعدل كل شي.. هذي مريوم ادق خلني اشوفها
: الوووو
نادر: هلا مريوم
مريم: نادر انت وين؟
نادر: موجود مريوم انتي تصيحين؟
اول ماسمعته قال " تصيحين؟ "فز قلبي ورفعت رأسي اشوفه وانتبهت لكلامهم اكثر
نادر: مريوم اكلمج شصار؟
مريم: ابوي يا نادر توني كنت اكلمه و أفهمه انه فارس مايسوي كذا قام يصارخ علي ويهددني لو بس فكرت اتواصل معاه ياويلي وقمت أعانده لين عصب علي ناااااادر انا اعرف فارس والله أعرفه مستحيل يكون كذا مستحيل يكون من النوع الوسخ!
خذت التلفون من ايده و أنا انادي باسمها
: مريييوم اسمعيني مريوم انتبهي تسوين شي ممكن يضرج انا ريال وماعلي خوف لاتشيلين همي انتي و امي بس كونوا بخير انا مابا شي منكم غير انكم تكونون بخير ولا تعاندين
مريم بصوت عالي: فااااارسسس حبيبي
فارس: اشش لايسمعج ابوي
وفجاه سمعت فتحت الباب عندها وسمعت صوت ابوي وهو يصارخ
