မနက်ခင်းရဲ့နေရောင်ခြည်အပိုင်းအစတွေသည်
အခန်းငယ်လေးတစ်ခုအတွင်းကို ဖြန့်ကျက်ထားသည်၊၊ ဈေးဝယ်ထွက်မည်ဆိုတာကြောင့် လိုက်ချင်လွန်းသည့် ပန်းချီသည် ရေချိုးပြီးအရင်ပြင်နေလေပြီ။ပင်ကိုအတိုင်းဖြူနုပြီးလှပလွန်းသည်မို့ အထွေအထူးပြင်ဆင်စရာမလို။မိတ်ကပ်ခပ်ပါးပါးသာ ခြယ်မှုန်းပြီး ဆံနွယ်တွေကိုတော့ ဒီအတိုင်းသာချထားသော်လည်း အတော်ပင်ကြည့်ကောင်းသည်၊၊
ပြင်ဆင်နေသည့် ပန်းချီ့ကို ကြည့်နေသူက မြတ်ပင်။ အချိန်ကြာကြာကြည့်နေသည်ကြောင့် ပန်းချီပင်အနေခက်ရသည်၊၊
ခြယ်သထားတဲ့မိတ်ကပ်နဲ့ဆင်မြန်းထားတဲ့ အဝတ်အစားမှာ လိုက်ဖက်စွာပင်။မိုးပြာရောင်အကျီ ခါးတိုနဲ့ ဒူးဖုံးရုံသာရှိတဲ့ အနက်ရောင်စကပ်လေးကို ဝတ်ဆင်ထားတော့ ကလေးတစ်ယောက်လိုပင်။
မြတ်ဝတ်ဆင်ထားသည့်အပြာရောင်မြန်မာဝမ်းဆက်သည် အပွင့်၊အခက်တွေမပါပဲရှင်းလင်းစွာပင်။အပွင့်အခက်တွေကင်းမဲ့နေသော်လည်း ဘယ်ဘက်ရင်အုံထက်တွင်နေရာယူထားသည့်
တရုတ်စကားပန်းပုံစံရင်ထိုးလေးကြောင့် အသက်ဝင်လွန်းသည်။မှန်တင်ခုံရှေ့မှာ ပန်းချီထိုင်နေသည်မှာ အတော်ကြာနေသည်မို့ စောင့်နေသည့်မြတ်ပင် စိတ်မရှည်ချင်တော့။
"ဟိတ် ပြင်တာမပြီးသေးဘူးလား။တို့က ဈေးဝယ်ထွက်မှာနော်။အလှူတွေ၊မင်္ဂလာဆောင်တွေသွားမှာမဟုတ်ဘူး"
စနောက်သည့်ပုံစံနဲ့ပြောတာသိသော်လည်း ပန်းချီ့စိတ်ထဲ ရှက်ရွံ့မှုက ဝိုးတဝါးဝင်လာသေးသည်။
"ဟာ ပြီးပါပြီ။ဘာလို့အဲ့လောက်အလျင်စလိုဖြစ်နေတာလဲ"
"အလျင်စလိုမဖြစ်ပါဘူး မင်းပြင်တာကြာနေလို့"
"ပြီးပြီ မြန်မြန်ပြင်တော့"
ပန်းချီသည် မှန်တင်ခုံရှေ့မှထပြီး နှုတ်ခမ်းလေးဆူပြီးပြောလိုက်ပုံက ကလေးတစ်ယောက်ထက်ပင် ပိုချစ်စရာကောင်းလွန်းသည်၊၊ကလေးဆန်သည့်ပန်းချီ့ရဲ့အပြုအမူကို မြတ်သဘောကျစွာဖြင့် ပြုံးလိုက်ပုံက သဘောကျစွာကြည့်နေသူအဖို့ အူယားစရာပင်။မှန်တင်ခုံရှေ့တွင်ထိုင်ပြီး ပန်းချီ့ဘက်ကိုလှည့်ကာ မြတ်ကစကားတစ်ခွန်းကိုဆိုလေသည်။
