Sinamsam na ng gabi ang kalangitan
Madilim na naman, umpisa na naman ng lagim –ng sakim?
Nagtago na rin ang araw, natakot?
Natakot nga ba kaya nagtago't tumakas?
Hindi, kailanma'y hindi.
Pagsapit ng dilim, ika'y magtago
Huwag papahuli.
Kuryosidad ay putulin at supilin
'Pagkat tuwing gabi, lumalabas ang kanilang tunay na anyo't hitsura
Natatanggal ang kanilang maskara,
Naghahanap ng kalinga at pagtanggap mula sa dilim at gabi.
06.16.2021
Edited: 11.24.2021
BINABASA MO ANG
Nakapinid na Damdamin
PoetryDamdaming 'di maisiwalat, Isinatitik ng panulat. (Kalipunan ng mga tula at prosa) 2019-2023
