Nakapinid na Damdamin

|12| H U N G K A G

Ang boses ng kumakanta sa Videoke-han,
Ang mga yapak ng naglalakad na tao, ang tunog ng electric fan
Ang tunog ng nilamukos na isang papel, ng isa pa, ng isa pa ulit
At maya-maya'y itatapon na sa basurahan

Paulit-paulit,
Ilalapat ang dulo ng panulat sa blangkong papel
Aangat at baba, luluha ng tinta
Ngunit pag nalihis o nawala sa guhit, tiyak na uulit

Paulit-ulit,
Naghahanap ng tamang salita
Upang sa isipan ay makawala ang nakaliliyong mga letra,
Upang maisaletra ang mga nakakabaliw na kahungkagan

Ngunit pati ang pagsusulat ay tinalikuran
Nilisan ang papel sa mesa, maski ang panulat
Nilimot? Nilimot nga bang balikan ang naging mundo?
HINDI, may humahadlang lamang at iyon ay ang kahungkagan ng kaluluwa.

*********

040720
19:34