💘💘ချစ်ခြင်းအတ္တတို့၏ ဆုံမှတ်💘💘💘💘ခ်စ္ျခင္းအတၱတို႔၏ ဆုံမွတ္💘💘

10U

💘💘ချစ်ခြင်းအတ္တတို့၏ ဆုံမှတ်💘💘

Part ♡ 10 ♡

"ကားပေါ်တက်မလား ကားနဲ့တိုက်သတ်ရမလားတစ်ခုရွေး"
ခပ်မာမာအသံကြောင့် ပကတိမျက်ဝန်းတို့ဖွင့်ကြည့်မိတော့ ကားကပကတိနဲ့တိုက်မိဖို့သုံးစင်တီမီတာလောက်ပင်ကွာတော့သည်
ပကတိခုမှသက်ပြင်းတို့ချနိုင်ပြီး လန့်ကာခြေထောက်တို့ကလဲယိုင်နဲ့နဲ့
ဓန အမေးကိုမဖြေပါပဲ ရပ်နေသည့်နေရာတွင်ထိုင်ချလိုက်သူကြောင့်
ဓန စိတ်ထဲစိုးရိမ်မိသွားသည်
ဓနကားပေါ်ကဆင်းကာ ပကတိရှေ့ရပ်ရင်း
"ဘာလဲတကယ်မတိုက်ရသေးဘူးနော်"
" ......"
မော့ပင်ကြည့်မလာသူကြောင့်
"ဟိတ်...မင်းဘာဖြစ်နေတာလဲ"
"......"
"ရှင်းပကတိ"
ခဏခဏခေါ်တော့မှ မော့ကြည့်လာပြီး
"လန့်သွားရုံပါ"
ပုံမှန်ထက်ဖြူဖျော့နေသောမျက်နှာကြောင့်
"နေမကောင်းဘူးလား"
"ကောင်းပါတယ်"
သို့ပေမယ့် ဓနစိုးရိမ်စွာဖြင့်
"ရုပ်ကသေတော့မယ့်ရုပ်လိုပဲဖြစ်နေတာကို ကားပေါ်တက်ဆေးခန်းပို့ပေးမယ်"
"ရတယ်...ပကတိဘာသာပဲ..."
ပကတိ အားတင်းကာ မတ်တပ်ရပ်လိုက်တော့
ဓနက စိတ်မရှည်စွာရပ်ကြည့်နေပြီး
"ဆိုပါဦး ဇာတ်ကားတွေထဲကလိုအပွေ့ခံချင်နေတာလား"
"မ...မဟုတ်....အမေ့!!!!!"
ပြောစကားတောင်မဆုံးလိုက် ပကတိကိုယ်အားဆွေ့ကနဲနေအောင်ပွေ့ချီလိုက်သူကြောင့်
"သခင်လေး.... ပကတိကို ချပေးပါ"
ပကတိစကားအားမကြားသကဲ့သို့ပင် ပကတိအားသူ့အားထဲအတင်းထည့်ကာ ကားတံခါးတွေအားLockချလိုက်သူကြောင့် ပကတိအကြပ်ရိုက်သွားရသည်
"သခင်လေး"
"နေမကောင်းဘူးမလားဆေးရုံသွားကြမယ်"
ပကတိအလန့်တကြားဖြင့် ခေါင်းအားခါယမ်းမိသည်
"ဟင့်အင်း"
ဓန စိတ်မရှည်စွာဖြင့်
"မျက်နှာက သရဲလိုပဲဖြူလျော့နေတာ"
"ပကတိအဆင်ပြေတယ်မလို့ ဆေးရုံမသွားလဲဖြစ်ပါတယ်"
ဓန မျက်မှောင်ကြုတ်ကာ ဆေးခန်းသွားဖို့အတင်းငြင်းနေသူအား
'"ဆိုပါဦး မင်းဘာဖြစ်နေတာလဲဆိုတာ"
"ဟင်"
ပကတိ မျက်လုံးပြူးမျက်ဆံပြူးဖြစ်သွားရသည်
ဒီကိစ္စကို ဘယ်လိုပြောထွက်ပါ့မလဲ
"မင်းဘာဖြစ်နေတာလဲသိတယ်ဆို ဆရာဝန်ထက်ပိုသိတယ်မလား ပြော ဘာဖြစ်တာလဲ"
"ဟို...."
"ငါစိတ်မရှည်ဘူး"
"လစဥ်ကိစ္စကြောင့်ပါ"
ပြောပြီးသည်နှင့်တစ်ဖက်သို့လှည့်ထားမိသည်
ပကတိမျက်နှာချင်းမဆိုင်ရဲဘူး