" အားလုံးပဲဧည့်ခန်းထဲကိုလိုက်ခဲ့ကြ။ "
ခင်လွန်းသူတစ်ယောက် မိသားစုဝင်အားလုံးကို ဧည့်ခန်းသို့ခေါ်လိုက်တယ်။ သူမအခန်းထဲကနေ တလှမ်းချင်းပဲ အိန္ဒြေရစွာဆင်းသက်လာပေမယ့် သူမ၏ချွေးမလတ်နဲ့ သားငယ်လင်မယားတို့ကတော့ မျက်စိပျက်မျက်နာပျက်လို့ပေါ့။
" ထိုင်ကြ။ "
ဧည့်ခန်း၏ခုံပေါ်တွင်အသီးသီးနေရာယူကာ ဒေါ်ခင်လွန်းသူ၏ စကားအဓိပ္ပါယ်ကို သဘောမပေါက်တဲ့ နတ်ဆေးတို့ကတော့ အူလည်လည်ပင်။
" ခနနေမိသားစုရှေ့နေလာလိမ့်မယ်။ ဒီနေ့မှာမင်းတို့အားလုံးကို ငါအမွေခွဲပေးရလိမ့်မယ်။ "
တိကျပြတ်သားစွာဆိုလာတဲ့ မိခင်ဖြစ်သူ၏စကားကို ခေါင်းခါရမ်းကာ မလိုအပ်ဘူးဆိုတဲ့အကြောင်းကိုပြောလာသူက ဒေါ်သူသူလှပင်။ သူမဒီအမွေတွေကို လိုချင်လို့ဒီအိမ်ကိုပြန်လာခဲ့တာမဟုတ်ဘူးလေ။ အမေအသည်းအသန်နေမကောင်းလို့ဆိုတဲ့ စကားကြောင့်သာ သူမတို့သားအမိဒီအိမ်က်ိုပြန်ရောက်ခဲ့ရတဲ့အကြောင်းအရင်းတစ်ခုသာ။
" ကျွန်မတို့သားအမိအတွက်တော့စိတ်မပူပါနဲ့။ အမေပေးမယ့်အမွေတွေကို ကျွန်မတို့သားအမိမလိုချင်ဘူးအမေ။ အမေ့ကျန်းမာရေးမကောင်းဘူးဆိုလို့သာ ဒီကိုရောက်လာခဲ့တာ။ "
အမေကသက်ရှိထင်ရှားရှိနေတာကိုတောင် သူမတို့မောင်နှမကိုအမွေခွဲဝေပေးမယ်ဆိုတဲ့စကားက အဓိပ္ပါယ်မဲ့မနေဘူးလား။
" ကျွန်တော်တို့ရောက်ပါပြီသူဋ္ဌေး။ "
လူနှစ်ယောက် တနည်းဖြင့်သူမနဲ့အသက်အရွယ်တူအမျိုးသားနှစ်ယောက်က သူမတို့ထိုင်ရာနေရာကို ဦးတည်လာကာအမေ့ကိုခေါ်လိုက်တာမျိုး။
" လာခဲ့မောင်မျိုးသူ။ မောင်သူရအောင်လဲအတူထိုင်လေ။ "
ထိုအမျိုးသားနှစ်ယောက်ကို သူသူလှမတွေ့ဖူးတာမို့ ဘယ်သူဘယ်ဝါဆိုတာမသိပေမယ့် မောင်အငယ်ဆုံးလင်မယားနဲ့ ယောင်းမဖြစ်သူကတော့ ဟန်ဆောင်မရအောင် ပျက်ယွင်းနေတဲ့မျက်နာဟာအတိုင်းသား။
" မြေးနတ်ဆေး။ ဒီဘက်ကမောင်မျိုးသူကရှေ့နေ။ မောင်သူရအောင်ကတော့ ဒေါက်တာပေါ့။ ဖွားရဲ့ကျန်းမာရေးအခြေအနေကိုသူကအသိဆုံးပဲ။ "
YOU ARE READING
ပျို (Complete)
Romanceဂျစ်ကန်ကန်ကောင်လေးနဲ့ ဆရာဝန်ရိုးရိုးအေးအေးကောင်လေးတို့နှစ်ယောက်အကြားက အချစ်။ Sart.3.12.2022 End date.9.5.2023
