" ဟယ်လိုမမ"
" အင်း မေမေရှိတယ်လေ။ "
" ဟုတ်ကဲ့"
မမကညပိုင်းဆိုဖုန်းခေါ်တက်တာမို့ မြတ်ထားပျိုဆေးစာအုပ်အချို့ကိုဖတ်နေပြီး မမဆီကဖုန်းခေါ်နေတာမို့ ဘေးနားချထားတဲ့ဖုန်းကိုကောက်ကာကိုင်လိုက်သည်။
သူဖုန်းကိုင်လိုက်တာနဲ့မမက မေမေ့ကိုတမ်းမေးတော့သည်။
" အင်း ကျွန်တော်မေမေ့ကိုဖုန်းပေးလိုက်မယ်လေ။ "
ဒီလိုနဲ့မြတ်ထားပျိုအခန်းထဲကနေထွက်ကာ ဖုန်းကိုင်ရင်းမေမေ့အခန်းဆီကို ကူးပြောင်လိုက်သည်။ သူနဲ့မေမေတောင် ဟိုရက်ကပြဿနာကြောင့် မေမေကလဲသူ့ကိုစကားမပြောသလို၊ သူကလဲမေမေ့ကိုရှောင်နေခဲ့သည်။ အရင်ရက်တွေကတော့ မမကမေမေ့ဖုန်းကိုခေါ်ပေမယ့် ဒီနေ့တော့ထူးဆန်းစွာနဲ့ သူ့ဖုန်းကိုခေါ်ကာ မေမေ့က်ုသွားပေးခိုင်းသည်။
" မေမေ မမကဖုန်းပြောချင်လို့တဲ့။ "
မေမေ့အခန်းရှေ့ရပ်ကာ သူပြောလိုက်ပေမယ့် မေမေ့ဆီကတုန့်ပြန်သံမကြားရတာမို့ သူတံခါးခေါက်လိုက်သည်။
" ဒေါက် ဒေါက်"
ထိုအခါမှမေမေက သူ့ကိုအခန်းထဲဝင်လာခိုင်း၏။
" မမကဖုန်းပြောချင်လို့တဲ့။ "
မေမေလဲသူ့စိတ်ကြောင့်နဲ့ထင်ပါရဲ့ အခုရက်ပိုင်းအတွင်းတောင် အပြင်ကိုအရင်ကလိုမသွားပဲ အိမ်ထဲမှာသာနေ,နေသည်။
" အေး သမီးပြောကွယ်။ "
ဒေါ်စိတ်ထားမြတ် သမီးဖြစ်သူကိုတမင် စိတ်ဓာတ်ကျနေတဲ့ပုံစံနဲ့ ညိုးငယ်အားလျော့စွာပြောလိုက်သည်။
" မေမေအရမ်းပိန်သွားတယ်နော်။ "
မမကမေမေ့ကိုကြည့်ကာ ပြောလိုက်သည်။ ဒီရက်ပိုင်းမေမေဘာမှသိပ်မစားတာတော့ သူလဲသိပါသည်။ ဒါပေမယ့်မမပြောသလိုတော့ မေမေကပိန်ကျမသွားတာကို သူလဲတွေ့ပါတယ်။
" ညည်းမောင်စိတ်နဲ့ ငါလဲအိပ်ယာပေါ်လဲနေရတာသာပဲကြည့်တော့။ "
မေမေနဲ့မမပြောတဲ့စကားသံတွေကို သူမကြားချင်တော့တာမို့ ခြံထဲကိုသာလမ်းဆင်းလျှောက်မိတော့သည်။
ESTÁS LEYENDO
ပျို (Complete)
Romanceဂျစ်ကန်ကန်ကောင်လေးနဲ့ ဆရာဝန်ရိုးရိုးအေးအေးကောင်လေးတို့နှစ်ယောက်အကြားက အချစ်။ Sart.3.12.2022 End date.9.5.2023
