" အာ...ခေါင်းတွေကိုက်လိုက်တာ။ "
မြတ်ထားပျိုတစ်ယောက် အိပ်ယာကနေခေါင်းမထောင်နိုင်အောင်ဖြစ်နေသည်။ ထိုးကိုက်နေတဲ့ခေါင်းကို လက်နဲ့နိပ်ကာခေါင်းကိုက်ပြေလိုပြေညားပေါ့။ ခေါင်းကိုက်ကမပြေ။ ဘေးနားကအိပ်ယာကိုစမ်းလိုက်တော့ အရင်လိုပဲတစ်ယောက်ထဲအိပ်နေရတုန်း။ ညကအိပ်မက်လိုလိုနဲ့ မောင့်မျက်နာကိုတွေ့လိုက်ရပါသေးတယ်။ မြတ်ထားပျုမောင့်ကိုအရမ်းလွမ်းနေတာကြောင့်ဖြစ်မည်။ မောင်ကသူ့ကိုငချွဲလေးဆိုပြီး ပါးကိုလဲအကြိမ်ကြိမ်နမ်းသလို၊ သူ့နှုတ်ခမ်းတွေကိုလဲနမ်းနေတာမှအကြာကြီးဖြစ်သည်။
" လွမ်းလိုက်တာမောင်ရာ။ "
အခုလိုအရက်တွေအများကြီးသောက်မိတိုင်း မောင်ကမနက်တိုင်း ခေါင်းကိုက်ပြေစေရန် (အမူးပြေစေရန်) အတွက်ပျားရည်နဲ့သံပုရာသီးကိုဖျော်ကာတိုက်တက်တာကိုလဲ သတိရမိတော့ ငိုချင်တဲ့စိတ်ကထိန်းမရတော့။
တံခါးဖွင့်သံကြောင့်အငိုရပ်သွားပေမယ့် တံခါးဝကလူကိုမြင်တော့ ပိုပြီးငိုချင်လာပြန်သည်။
" အဟီး...မောင့်ကိုပဲငါ့မျက်လုံးတွေကမြင်နေရတယ်။ ငါမောင့်ကိုအရမ်းသတိရနေပြီမောင်ရေ။ အဟီး..."
" ပျိုလေးခေါင်းကအရမ်းကိုက်နေလို့လားဟင်။ နေမကောင်းဖြစ်နေလို့လား။ "
ဟော မောင့်မျက်နာတင်မဟုတ် မောင့်အသံကိုလဲကြားနေရပြန်သည်။ မောင့်ရဲ့ဂရုစိုက်မှု့တွေက အရင်ကလိုပဲနွေးထွေးနေဆဲပဲ။ မောင့်ကိုသတိရလွန်းတဲ့စိတ်တွေကြောင့်ဖြစ်မည်။
တဟီးဟီးနဲ့ အော်ငိုနေတဲ့ပျိုက ကလေးငယ်လေးတစ်ယောက်လိုပင်။ သူ့ကိုမြင်မှပိုငိုတဲ့ငချွဲလေးကြောင့် ခေါင်းတွေအရမ်းကိုက်နေသလားလို့မေးရပြန်သည်။ ညကအမူးအရှိန်ကြောင့် အဖျားများဝင်သလားဆိုတဲ့ စိုးရိမ်မှု့နဲ့နတ်ဆေး ပျို့နဖူးလေးပေါ်လက်တင်ကာစမ်းရင်း သူ့နဖူးပေါ်ကိုလဲလက်တင်ရပြန်သည်။ သူ့ရဲ့ကိုယ်ပူရှိန်နဲ့ပျို့ရဲ့ကိုယ်ပူရှိန်ကိုတိုင်းတာနေတာဖြစ်သည်။
" ကိုယ်လဲမပူပါဘူး။ အဖျားတော့မရှိဘူးထင်တယ်။ ညကအသောက်များသွားလို့ ခေါင်းကိုက်နေတာနေမယ်။ မောင်ပျားသံပုရာရည်လေးဖျော်ထားတယ်။ ဒါလေးသောက်လိုက်နော်ပျို။ "
ESTÁS LEYENDO
ပျို (Complete)
Romanceဂျစ်ကန်ကန်ကောင်လေးနဲ့ ဆရာဝန်ရိုးရိုးအေးအေးကောင်လေးတို့နှစ်ယောက်အကြားက အချစ်။ Sart.3.12.2022 End date.9.5.2023
