"ဆရာ။ "
မနေ့ကတာဝန်ကျတဲ့ဆရာမလေးရဲ့ခေါ်သံ။
" ဘာဖြစ်လို့လဲဆရာမလေး"
မြတ်ထားပျိုဆေးကောင်တာရှေ့ရောက်ခါစရှိသေး နပ်စ်မလေးရဲ့ခေါ်သံ။ မျက်နာကပျက်ယွင်းနေတာကသိသိသာသာ။ ပြီးတော့ဆရာမလေးက သူ့ကိုပြောရမှာမဝံ့မရဲဖြစ်နေပုံရသည်။
" ပြောပါ။ မနေ့ကလူနာကော သတိပြန်လည်လာပြီလား။ "
ဆရာမလေးကပြောရခက်နေတာမို့ သူကပဲစကားလမ်းကြောင်းပေးတော့မှ ဆရာမလေးကဝမ်းသာတဲ့မျက်နာဟာဝင်းပလျှက်ရှိလာသည်။
" လူနာကသတိရပါပြီဆရာ။ ဒါပေမယ့်လေ သူသတိရပြီးကတည်းက အော်ဟစ်သောင်းကျန်းနေတာ အချိန်အကြာကြီးပဲ။ အိပ်ဆေးတစ်လုံးထိုးလိုက်ရတယ်။ သူ့မှာဒဏ်ရာကသွေးတွေပြန်ထွက်လာလို့လေ။ မဟုတ်ရင်ချုပ်ရိုးကွဲသွားနိုင်တယ်မဟုတ်လားဆရာ။ "
" ဆရာမလေးက အခြေအနေအရိပ်အကဲတော့ မြန်သားပဲ။ သင်တန်းသေချာပို့ချလိုက်ပုံရတယ်။ ဆရာမလေးတော်တယ်။ "
မနေ့ကလူနာရှင်တွေရောက်မလာသေးတာကြောင့် သူကပဲနပ်စ်မလေးတစ်ယောက်ကိုခေါ်ပြီး လူနာကိုညစောင့်ခိုင်းရလေသည်။ သန္တာကလဲလူနာရဲ့အုပ်ထိန်းသူတွေပေါ်မလာတာမို့ထင်တယ် ညကသူ့ကိုမဆက်သွယ်။
" ဆရာ "
" ဗျာ"
ညကလူနာကပြန်နိုးလာပြီဆရာ။ အဲ့တာသူ့ကိုကုပေးတဲ့ဆရာဝန်ကိုတွေ့ချင်သတဲ့လေ။ ဆရာမရောက်သေးဘူးလို့ပြောတာလဲ ဘယ်လိုမှပြောမရဘူး။ ကျွန်မကိုလဲတွေ့တဲ့အရာနဲ့ကောက်ပေါက်နေတော့တာပဲ။ "
နပ်စ်မလေးက ညီးညူစွာနဲ့ပြောလာတာမို့ ဆရာမလေးကိုရှေ့ကသွားခိုင်းလိုက်ရသည်။ သူကတော့ဂျူတီကုတ်ဝတ်ကာ ချက်ချင်းပဲညကလူနာရှိရာ အခန်းကိုသာဝင်လာတော့သည်။ မြတ်ထားပျိုမဝင်ခင် တံခါးပေါက်နားအရောက်တွင် အခန်းထဲမှာကြားလိုက်ရတဲ့ ဒေါသထွက်နေတဲ့လူနာ။
" မင်းကိုထွက်သွားလို့ပြောနေတာလေ။ အဲ့ဒီဆရာဝန်ကိုသာ ငါ့ကိုခေါ်ပေး။ အဲ့ဆရာဝန်နဲ့ငါတွေ့ချင်တယ်။ "
မြတ်ထားပျိုအချိန်ဆွဲမနေတော့ဘဲ တံခါးလက်ကိုင်ဘုကို တွန်းဖွင့်ကာချက်ချင်းပဲအခန်းထဲဝင်လာရတော့သည်။
DU LIEST GERADE
ပျို (Complete)
Romantikဂျစ်ကန်ကန်ကောင်လေးနဲ့ ဆရာဝန်ရိုးရိုးအေးအေးကောင်လေးတို့နှစ်ယောက်အကြားက အချစ်။ Sart.3.12.2022 End date.9.5.2023
