In Another Lie

Chapter 14: Pretentious love

"Shiiit! Bakit kasi hindi ko pwedeng sabihin sa'yo ang totoo, Regina? Bakit hindi ko pwedeng aminin sa'yo na ako ang nagbigay ng promise ring na 'yon sa'yo?" 

Nakatitig lang s'ya dito habang busy ito sa pagbibigay ng instructions kay Ali. Nasa tabi lang s'ya, standby daw sakaling may iuutos ito sa kanya.

Buong byahe silang walang kibuan kanina. Nakahawak naman ito sa bewang n'ya pero halos ayaw nitong madikit sa kanya dahil panay ang usog nito palikod para siguraduhing may distansya lagi sa pagitan nilang dalawa.

Nakarinig sila ng katok sa pinto.

"Pwede pakitingnan kung sino ang nasa labas, Narda? Please?" Utos ni Ali.

"Sure, sir."

Naglakad papuntang pinto si Narda. Ang laki ng ngiti n'ya sa pag-aakalang si Xandra 'the sexytary' lang ang may kailangan sa amo n'ya.

"Uy, miss sexyta-..." naputol ang sasabihin n'ya at nawala ang ngiti sa labi n'ya ng mapagsino ang nasa pinto.

Nagkagulatan pa sila at kapwa napatitig nalang sa isa't isa habang kapwa din naiistatwa sa kinakatayuan nila.

"Sino'ng andyan, Narda?" Untag ni Ali sa kanya.

Ngunit ng walang sagot galing kay Narda ay tinungo nalang din ni Ali ang pintuan.

"Couz! You're here."

"Oo eh. Hindi na ako nakatawag. I just dropped by to say hi since nasa area naman  ako. Can I come in?"

"Sure, sure. Mabuti at andito na rin si Regina. I'm sure matutuwa 'yon kapag nakita ka."

Nilagpasan na si Narda ng dalawang lalaki na wala ng nagawa kundi isara ang pinto at tiningnan nalang ang mga ito na papalapit kay Regina. 

Tumaas naman ang kilay ni Regina ng makalapit na ang dalawa. "Who's he, Ali? Is it that urgent na kailangan mong papasukin s'ya? We're in the middle of something here. I think your guest can wait?"

"Ma'am Regina, si Brian Robles, s'ya 'yong sinasabi kong..."

Hindi pa natatapos ni Ali ang sasabihin, biglang lumapit si Brian kay Regina saka niyakap n'ya ito ng mahigpit.

"Babe, I miss you." Hindi naman nakahuma si Regina sa biglaan nitong pagyakap dito.

Si Ali naman ay pagkagulat at pagkagalak ang nakarehistro sa mukha.

Samantalang si Narda ay nakakuyom ang kamao at matalim ang titig sa dalawa.

"Woah! Babe? Who are you?" Tinanggal ni Regina ang kamay ni Brian na nakayakap dito.

"Brian, your fiancè. Don't you remember me?"

Napaupo sa swivel chair si Regina. Tumitig ito kay Brian with confused eyes. Tapos biglang bumaling ang titig nito sa kanya. Iniwas ni Narda ang tingin mula dito. Hindi rin n'ya alam kung paano magrereact sa mga pangyayari.

"F-fiancè? I don't believe you. Who are you really? Is this some kind of a joke, Ali?" Baling nito kay Ali.

"No, Regi. S'ya 'yong sinasabi ko sa'yo sa phone kagabi. S'ya 'yong nagbigay ng promise ring sa'yo. I was lucky na nagkita kami sa mall. Natanong ka n'ya sa akin, I was curious kung paano ka n'ya nakilala so kinwentuhan n'ya ako ng kaunti at kinonfirm n'ya na s'ya ang nagbigay ng singsing na 'yan sa'yo."

Bigla namang napahawak si Regina sa kwentas kung nasaan nakalagay ang promise ring n'ya.

"I-ikaw ang nagbigay nito sa akin?"

"Yes, babe. I'm sorry ngayon lang ako nakabalik from New York. Doctor na ako ngayon, Regina. And i'm back to fulfill my promise to you."

"W-what promise?"

"Remember what I told you ng binigay ko 'yang promise ring na hawak mo? Iniwan ko 'yan sa'yo bago ako lumipad pumuntang New York para mag-aral. I promised you na kapag wala ka pang boyfriend at ako kapag wala pang girlfriend sa pagbalik ko, magpapakasal tayong dalawa. Hindi na ako nakipagcommunicate sa'yo after kong umalis kasi napag-usapan natin na 'di natin ikukulong ang isa't isa sa isang untimely na relasyon. I needed my focus and ikaw din. Busy ka rin naman sa businesses n'yo at ayoko namang maging sagabal at maging dagdag sa isipin mo kaya kita binitawan."

"So ikaw talaga ang nagbigay nito sa akin? Bakit hindi kita matandaan?"

Huminga ng malalim si Brian. "Sorry, babe. I lost my connection sa inyo dito kaya hindi ko alam ang nangyari sa'yo, kaya rin hindi ako nakabalik agad. Pero nandito na ako. I'll help you regain your memories."

Niyakap nito ulit si Regina saka hinalikan sa noo.

"I don't know. Hindi talaga kita matandaan."

"Hindi bale. I'm here now. Ipapaalala ko sa'yo ang lahat ng nakalimutan mo. Hindi na kita iiwan pa ulit, Regina. Hindi ka na ulit maagaw ng iba pa sa akin."

***
Pasipol-sipol pa si Brian habang naglalakad pabalik sa kotse nito ng abangan s'ya ni Narda para komprontahin.

"Ang galing mo ring gumawa ng kwento eh 'no?"

Kinwelyuhan n'ya ito saka ibinalya sa sarili nitong kotse.

"Woah! Easy, bro!" Nakataas pa ang kamay ni Brian habang patawa-tawa. "Ganyan ba ang bati-an ng matagal ng hindi nagkitang magkakilala?"

"Shit ka, Brian! Bakit ka pa bumalik dito? Bakit mo ba ginugulo si Regina ngayon? Bakit mo tinitake advantage na wala s'yang maalala?" Mas lalo n'yang hinigpitan ang pagkakahawak sa kwelyo nito.

"Relax, Narda. Wala naman ng kayo 'di ba? Kasi kung meron pa, hindi ko 'to ginagawa ngayon. Wala ako dito ngayon."

"Wala kang alam, Brian! Hindi ka dapat nandito. Matagal na kayong hiwalay ni Regina. Huwag mo s'yang ifeed ng mga kasinungalingan! Lalo lang macoconfuse 'yong tao sa ginagawa mo, Brian!"

"Binabawi ko lang ang dapat na sa akin, Narda. She just mistaken your friendship as love. Kami ang para sa isa't-isa. At gagawin ko lahat para mas mahalin n'ya ako kaysa kung paano ka n'ya minahal noon. And if I can use her amnesia to my advantage, so be it. 'Wag ka ng umepal pa."

"Kapag sinaktan mo s'ya, sinasabi ko talaga sa'yo, may kalalagyan ka, Brian." Pagbabanta n'ya pa.

"Bakit ko naman sasaktan ang taong mahal na mahal ko, Narda? Hindi ako kagaya mo na hinahayaan mo lang s'yang mag-isang buuin ang sarili n'ya. 'Yong may magagawa ka naman sana para makatulong pero hindi mo ginawa."

Natahimik si Narda at binitawan si Brian. Lumayo s'ya dito.

"Now let me be. Hayaan mo ako sa gusto kong gawin, Narda. Give me a chance to help her find herself again. Ikaw ngayon ang 'wag ng umepal pa."