حَسناء مِن نَسل النجوم
تَفتحت بوَسط الأنوَار
رَقيقة مُبتسمَة الثغر
لامعَة الحَدق
حارَبت الأوبَاش بوَسط سيكويَا
تَعرفوا مَعي عَلى بطَلتي الفَريدَة
وگفت بنص الشارع دنيا غروب والجو صافي مابي هواء رفعت راسي باوعت للسماء ودمعت عيوني
اي وبعدين ؟ اظل اراوغ بهذا مكاني مااتحرك ؟ أبقى بهذا المستنقع ؟
نزلت عيني حتى مااتجرئت أدعي وأناجي ربي مـااستـاهـل
نزلت راسي وكملت طريقي وصلت للشقة فتحتها ودخلت شغلت الاضوية نزعت حذائي وشاردة بتفكيري وفزيت على صوت الموبايل مديت ايدي بجيب بنطروني الوره باوعت للاسم وجريت نفس وفتحت خط
-هـا زنـو ؟
زنـو: وينج أنتِ شو ما اجيتـي ؟
-تعبانة زنـو والله مابيه حيل
زنـو: يمعودة هذا خبص الدنيا عليج اليوم لود بالشغل دتعالي لايبطلج وتديحين
-خوش خوش هسه نص ساعة وأجي
سديته منها بدون مااسمع ردها جريت نفس أهدي نفسي ومشيت للغرفة غيرت ملابسي ورفعت شعري كعكعة ومسحت شكو قطرة مكياج بوجهي واخذت اغراضي وطلعت
وصلت للمطعم باوعت للشكولات لعبت نفسي بوجهي دخلت جوة للمطبخ لبست ملابس الشغل بنطرون أسود وقميص ابيض لاگتني زنـو تمشي وتهز بجسمها
زنـو: امشي طلعي استلمي الطلبات هذا الخايس حرك الجو علينا خبصنا جايين ضيوف وجايين ضيوف
هزيت راسي وطلعت افتر على الطاولات أستلم طلبات وصلت لطاولة كلها رياجيل ضحكهم وصوتهم يرن
نظراتهم تقرف اخذت طلبهم ودرت وجهي وصاح واحد بيهم التفتت باوعتله
-ارگيلة وحطي اصبعج عليها اريدها تشرگ من الحلا
خزرته وهمَ يضحكون حچة الثاني ويباوعلي من فوك لجوة
-أول مرة اشوفج هنا شنو جديدة أنتِ ؟
جاوبته برفعة حاجب
-مو شغلك ميخصك تمام ؟
تركتهم ومشيت بسرعة انطيت طلبهم للكابتن واتحرگن لو بيدي احط اصابعي بعيونهم بـس اخخ يالعازة
ساعتين على نفس الوگفة مخلصتها بين المطبخ والقاعات
وگفت يم طاولة بنات انطيتهن الارگيلة والتفتت على صوت عالي
- سَـنـار
مشيت بسرعة المدير شهرني وصلت يمه صاح بعصبية
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
