خَير الأمور مَلامحك .
**
سَـنار
أمشي أمشي وأهرول خطوتين وارجع امشي بأستعجال اريد أضيعهم خبلوني ذول الولد أعمارهم ب16 سنة صارلهم أسبوع من اطلع من الصالون واگفيلي ويوصلوني للعمارة بالبداية عبالي متوهمة بس من البارحة ركزت بيهم وفعلاً يتبعوني ويلحگوني
هسه لو كبار اگول ديتحرشون بس صغار وحتى ما حاولوا يسوون شي بس لاحگيني ويتعمدون يخلوني اشوفهم !
طبيت للعمارة صعدت ع الدرج فحطانة فتحت الشقة ودخلت نزعت حذائي وطبيت اشمر بجنطتي وغراضي ع التخم وذبيت روحي وراهن تمددت وعلگت رجلي ارفع بشعري وافكر بسالفة ذول الزوج
معقولة ابو المطعم دازهم عليه عود يهددني ويخوفني ؟
شلون اني بهاي السوالف شوكت أرتاح ياربي شوكت ، بس يحاولون يسوون شي أتصل بالأفندي لو بس بالأسم أسمه زوجي والله معلية يطلعني من هاي النگرة لـ حطيت روحي بيها
هوَ وينه سَـنار ؟ ههههههههه اووف اووف
رفعت أيدي غميت گصتي أمداج بسرعة تقشمرتي وحبيتي بس ضحك بوجهج أستاهل اني وحدة أستاهل وحدة ادبسزز وزعطوطة
بس چنت زعطوطة ياربي والله چنت وكبرت وعقلت ساعدني حتى لو ما أستاهل وما أصلي ولا أصوم وما محجبة وكل السوالف العوجة بيه بس أنتَ أرحم الراحمين ربي
گلبت روحي نمت على بطني ومديت أيدي للگاع اخطط بأصبعي ع الكاشي
سَـنار: مُـنقـذ السيبندي شوكت اشوف بيك يوم يا فالت يا ابو النسوان
رگعت راسي بالكوشة محترك گلبي متزوج الحقير متزوج بسيطة والله
اريد اگوم للغرفة أبدل اسبح مابيه حيل سنحت ع التخم والنعوسة الحلوة أجتني ما قاومتها وغفيت
وووين يله فزيت على صوت أشعارات توصلني مديت ايدي للموبايل باوعت أشعارات من اسياسيل مو وكتكم والله
باوعت للساعة ب12 بليل اخخ يمه جسمي متكسر شلت روحي گوة للمطبخ غسلت وجهي بالسنك وصبيت مَي شربت
فتحت الثلاجة أخذت تفاحة غسلتها وعضيتها وگوة أشوف بعيوني اريد اصحصح ماكو
طلعت من المطبخ اريد اروح للغرفة وأجاني صوت الباب يندك على كيف خفيف لعب گلبي أخاف من هيج دگة لأن عندي جرس ويشتغل
رحت على كيف باوعت من المرايا الصغيرة بالباب وأشوف بس ظهر عريض يتحرك يمنى يسرى والتفت ناحية الباب ملثم !
أحس گلبي وگع بين رجلي ركضت مثل المخبلة أدور على موبايلي وأرجف أرجف نرعبت والله منو ذول شيردون مني شيردون
دگيت عليه بدون تردد أريده هسه بهاي الدقيقة أريده راح امووت من الخوووف گلبي صار يووجعني ، جاوبني بنفس الرنة عطت واريد لساني يربط الكلمات ماكو
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
