أنه ليلي بلايا واهـس ما أنام
شلون لو صرت أنتَ واهـس ليلي ؟
جبار رشيد 🖤 ..
سَـنار
سديته بوجهه ودمي يفووور يخابرني يعاركني شلون ترحين لبغداد وتشتغلين بالصالون واني قبل بيوم خابرته وگتله خالة ام خالد راح تروح لبغداد زيارة واريد اروح وياها أغير جو بالصالون و وافق وهسه خابر يتعارك على شنو وليش ؟ ما أدري ! بي جني هل الرجال مو طبيعي
حظرته حتى لا يخابر بعد أريد اشوف شلون يعاركني بدون سبب بسيطة ، باوعت لروحي لابسة صايتي جاي أنزل لخالة ام خالد لحت عليه انزل اتعشى وياها لبست نعالي ونزلت لگيت الباب مفتوح دفعته على كيف ودخلت
سَـنار: خااالة وينج
- فوتي يمه فوتي
سَـنار: ليش تاركه الباب مفتوح
- علمودج
أبتسمت ودخلت عليها للمطبخ مبسطة بالگاع تلف كبة والريحة تمووت رحت تربعت وگعدت يمها
- تعرفين تلفين كبة ؟
سَـنار: لا أبد
- غسلي أيدج وتعالي أعلمج سهلة ما رايدلها شي
غسلت أيدي ورجعت گعدت حطت بيدي عجين تمن وتگلي قلديني شسوي سوي وكلساع تضرب أيدي وتصيح
- موو هيج خايبة العوبة
سَـنار: ههههههههه خالة على كيفج شو عصبية وياي
- ما اتحمل الفاهيات
سَـنار: مو فاهية اني
- اي بالمكياج مو فاهية بس بالطبخ فاهية وعوبة
سَـنار: هههههههههه
- اگول الزلمة ما يجيج ثاري تموتينه من الجوع
سَـنار: هوَ يعرف يطبخ
- هيهييي زلم تالي وكت صارت تطبخ بدال النساوين
سَـنار: ههههههه والله خالة أعرف اطبخ هواي أكلات بس هوَ نفسه طيب بالأكل مع الأسف
- ليش مع الأسف چا من الزينات هاي
سَـنار: خيولي خالة شالع گلبي
- هيَ هاي الزلم محد يشفي الگلب كل واحد بي لولة بگد راسه
سَـنار: اي والله خالة متروس لولات
- وأنتِ مابيج لولة
سَـنار: بيه بس مو مثله هوَ ادبسزز وساقط ومهتلف
- منيله مهتلف هجم راسج شو ذيچ الكشخة
سَـنار: كڤر كڤر الله وكيلج لا يغرچ شكله والله فد واحد مسربت
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
