اضمَك ويَن,مَن يَا عِين؟
هوَ المَثلك شينضَم ؟
يَلـ جَنك بخور هنوَد
مَن سَابع سلف يَنشم .
&&
- أبقي بعد يوم حبابة
يَـشـم: لچ عيني صارلي أسبوع هنا ماشبعتي مني اهلي يردوني
- هاي شنو لعد ذول مو اهلج ؟
يَـشـم: ههههههه الاحتياط ذول خليني أروح اشتاقيت لبنِية ولعمتي وللبنات
- بس ترجعين مو تطولين
يَـشـم: اسبوع بالزايد تلگيني فوك راسج خلصت عمري بالطريق بين البيتين
مُناف: يلااااااا فضيني
يَـشـم: اجيييت ٫ يلا گلبي ديري بالچ على نفسج وكافي مو تظلين خاتلة بغرفتج طلعي وساعدي ماما وگعدي يمها صار بيتج بعد ومعليج بذيج شتحچي غلسي عنها
هزيت راسي حضنتني وراحت ضجت حيل چانت مونستني رجعت جوة خالة گاعدة تشتغل بفايلات نزعت نظارتها وكالت
باسمة: لاتضوجين ماما هيَ هاي يَـشـم تخلينه نتعود عليها وانوب تروح شامرين صرتها ببيت جدها
ايلاف: ليش متعيش هنا
باسمة: ماتگدر تعودت هناك متعلقة بالحجية ومداريتها ومسؤولة عن علاجها وتاخذها للدكتور والبنات هم متعلقة بيهن كبرت هناك بعد
إيلاف: احبها اني لان حـنـينـة مثلج
ابتسمت وفتحتلي ايدها ضحكت ورحت حضنتها حيل وبست خدها دائماً أشوف بيها وجه أمــي
رفعت راسي من حضنها على صوتها تحچي
باسمة: تعال أُمـي صح النوم
چان واگف باب المطبخ بيده گلاص مي وعيونه حمر حيل گالت خالة
- شبيها عيونك ماما ضغطك ؟
هـزّ راسه بـ أي وأجة كعد ع التخم ورفع راسه ليفوك
- أخذت حبوب ؟
محمد: اي مابيه شي لاتخافين وجع خفيف بعيوني
خالة كلش قلقت عليه وراحت كعدت بصفه وخلت راسه بحضنها تفرك بي وهوَ مغمض عيونه متألم
ظليت بس اباوع بعيوني صارت عيني على اوراق خالة اخذتهن أقرا بيهن أسماء طالبات ومواليدهن عرفتها مال طالبات الوزاري
ابتسمت شوكت ارجع للمدرسة اشتاقيت ومقهورة لان ضاعت عليه السنة المفروض اني هاي السنة أمتحن ويه ذني الطالبات واتخرج وأدخل جامعة تنهدت بحسرة الحمدلله على كل حال ...
رفعت راسي باوعت للدرج نزلت ضحى اليوم ابد مشفتها هاي أول شوفة الها
ضحى: مساء الخير
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
