- يا نظرتَك تسوهّ كُل ذيچ السَوالف .
إيلاف: اي وخالة گلتلي لاتتقربين منها معليج بيها بس اني ظل عندي فضول تجاها شسوي برأيك ؟
محمد: لا تسوين گعدي وسكتي
إيلاف: گاعدة بس ما أسكت
محمد: شعليج بيها ؟
إيلاف: معليه بس هم أريد أروي فضولي !
محمد: بطلي فضول مايفيدج بشي
إيلاف: ما اگدر أموت من الفضول أفهمني يـ ولد أفهمني
محمد: خوش
إيلاف: شنو خوش؟ يعني اتقرب منها ؟
محمد: يا الله
إيلاف: شبيك محمد مو زين آخذ رأيك غير زوووجي عشتو !
محمد: عشتو ؟
إيلاف: شنو عشتو ؟
محمد: والله ما أدري أنتِ گليلي !
إيلاف: چنك ما سمعتها غلس غلس
محمد: لسانج إيلاف لسانج
إيلاف: اوي شدعواك شحچيت ! اصلاً بعد ما أسولفلك شي
جريت اللحاف تغطيت يمه متت تعب اليوم الله يساعدني ، درت وجهي عليه نايم على ظهره ويحط قطرة لعيونه يتحسسن من الجو تراب
إيلاف: ما گتلك هاي اكو وحدة هناك مسوية وشم وره أذنها عجبني بس هوَ حرام لو حلال ؟
محمد: حرام
إيلاف: صدك ؟
محمد: اممم
ما اقتنعت حسيته يچذب عليه حتى لا اگله أريد أسوي تربعتله وگعدت..
إيلاف: محمد لا تضحك عليه !
محمد: عليمن
إيلاف: ع الوشم
محمد: اذا يشوفه الأجنبي طبعاً حرام
إيلاف: منو هذا الأجنبي ليش عدنا أجانب هنا !؟؟
محمد: ليش ما تدرين ؟
إيلاف: لا
محمد: راح نص عمرج
إيلاف: يا ليش
محمد: ما شفتي الأجانب
إيلاف: الله وووين أشوووفهم !؟؟
محمد: رجعوا لبلدهم بعد
إيلاف: محمد شو أحسك تضحك عليه ؟؟
محمد: إيلاف حتى الأجنبي ماتعرفينه منو ؟
إيلاف: شبيك وياي يـ ولد غير داخلة جديد للدين
محمد: هلا بيج
إيلاف: هسه ما گتلي منو الأجنبي ؟
محمد: الرجال الي مُحرم عليج يسمونه أجنبي
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
