گودني لگلبك وأخذنـي،
النـاس مـَا بيهم وطن.
&&&
گاعدين كلنا على أعصابنا والمستشفى تروش بالناس والمرضى منظر يقشعر البدن اتبرعنه بالدم لان گالوا فاقدة دم هواي
وأبوها سكران ومانعرف شلون صار الحادث والجوارين ساعفينها للمستشفى
أمي گلبها راح يوگف من الخوف وبس تبجي واني ابجي وياها اجة محمد گال بهدوء
محمد: يوم والله خوش دكتور ديشتغل العملية گولي ياالله حرام تأيسين من رحمة الله
باسمة:ونعم بالله ونعم بالله بس اريد واحد يطمن گلبي
محمد:هسة يطلع صاحبي ممرض وصيته يشوفلي الأخبار
طلع الولد وأمي چلبت بملابسه تكسر الگلب
-خالة الدكتور دقايق ويطلع كملت العملية
باسمة:بس ريح گلبي وگلي عايشة
- الحمدلله عايشة
متنه لحد ماطلع الدكتور وأبد مايبشر بخير
-وجها تضرر حيل وكسور ونزيف داخلي سيطرنا عليه ومنتظرين تگعد حتى نسوي كل الفحوصات ونتأكد من حالتها أدعولها
باسمة: دكتور فدوة رحتلك تعيش مو
-ان شاءالله ، ولاتقنطوا من رحمة الله
امي أنهارت ارتفع ضغطها وتخربطت احتارينه بيها ومنا إيلاف بعدها نايمة لاحس ولانفس على الاجهزة ظاله
أيام مرة عشناها والقهر أبوها تحسه غريب ولامتلهف ولاخايف بس يشمر بالحچي لو كل شوية يذكر خالة بالسوء و مُناف گوة لازمينه يريد يهد عليه
ومن نسئله شلون اندعمت يكول ماادري بيها طالعة ومدعومة مدري صدك مدري جذب ماينعرف
أسبوع كامل مر وهيَ على نومتها نشوفها من بعيد وجها ملفلف وايدها اليمنى مكسورة رضوض بكل جسمها
اروح يوميا للمستشفى وأبقى ويه ماما لليل ويبات وياها لو محمد لو مُناف الي كلش مكسور عليها والدمعة بعينه لان هم اصدقاء ويحبها كلش رغم سوالفه بس احلى شي بي حِنين كلش بسرعة يبجي اذا انقهر ابو دميعة
چنت بالدوام وبنص المحاضرة مسوية الفون اهتزاز فزيت من صفنتي على رجة الموبايل طلعته من الجنطة أمي تتصل گلبي رجف بس لا صار شي لإيلاف رفضته ودزيتلها رسالة بسرعة
يَـشـم:ها ماما اني بالمحاضرة صاير شي ؟
وصلتني رسالة منها خلتني اگمز بمكاني واعيط من الفرح ايلاف كعدت لهناك وحسيت على گرصات لولي بيدي انتبهت لروحي وانصبغ وجهي احممر الطلاب كلها صافنة عليه والدكتور يباوعلي
نخرست اريد احجيلي كلمة ماكو والدكتور استلمني
-اني كم مرة اعيد واكول الموبايل أريده مقفول بالمحاضرة گايل لو لا ؟ بعدين حضرتج ماتكولين محاضرة واحترام شو انتوا كلش بايعين ومخلصين ؟
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
