ممكن نختلف بس نفترگ صعبة !
انا وياك سيف مچلب برگبة ...
- فتحي الباب مستعجلين باباتي
محمد: منووو ؟
فزيت بسرعة ودرت وجهي باوعتله واگف بباب المطبخ وعاگد حاجبه مدري شلون تجرئت ونطقت بصوت عالي أسمع البره
إيلاف: هذاااا ابوووو الكهربااااء
بعدني احچي وسمعت شخطة السيارة رجلي ما حملتني من الخرعة والصدمة گعدت بالگاع افرك بصدري اريد أجر النفس
أجه بسرعة عليه گعد گدامي ركبة ونص يحچي
محمد: شبيج بابا تنفسي
رفع وجهي بيده ويحرك أبهامه على خدي ويهدي بيه بس اني ما ببالي غير شكل السلاح
محمد: شبيج بس فهميني جري نفس ماكو شي
جر الصوندة غسل وجهي واني لزمت أيده واحچي فد جرة
إيلاف: لازم سلاح والله شفته بعيني لازم سلاح ويريدني افتح الباب ويگلي اني ابو الكهرباء
فتح عيونه على وسعهن وفـزّ من مكانه وتوجه للباب بسرعة فتحه وطلع يباوع منا ومنا ومبين راح من سمعت شخطة سيارته
رجع عليه گومني وما حچى شي گعدني بالصالة وجابلي گلاص مي وظل واگف فوك راسي
محمد: لاتخافين اني يمج
أشرلي بيده بمعنى أهدئي وراد يروح گمزت وراه وصحت
ايلاف: وييين
محمد: هنا بس أشوف الكامرات
إيلاف: أخذني وياك
محمد: تعالي
رحت بسرعة مشيت بصفه دخل لغرفة خالة أخذ اللابتوب وفتح التسجيل وطلع شلون طبكت السيارة ونزل منها وچان اكو واحد ثاني يسوق چانوا ملثمين ومن سمع صوت محمد بسرعة باوع للكامرة وسوة حركة بيده رفعها وقبض أصابعه وركض صعد بالسيارة وراحوا
درت وجهي باوعتله
إيلاف: شنو هاي الحركة لسواها بيده شفته
هـزّ راسه وعلامات الحيرة متجسدة على وجهه طلع موبايله باوعت دخل لجهات الاتصال وبحث اسم "عمي"
أتصل بي وما حچى شي بس گله تعال للبيت ، سد اللابتوب ودار وجهه عليه
محمد: اريد اصعد أبدل
انتبهتله چان بالشورت وفانيلة داخلية سودة رفعت وجهي وگتله
إيلاف: وياك
محمد: متأكدة ؟
ايلاف: ها لا، بس اني أخاف
محمد: منين
إيلاف: ابو الكهرباء
أبتسم ودنك عليه يهمس بنبرة مليانة خباثة
أنت تقرأ
تَباريح العشق
Romansaغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
