لـ يحبك من صدك لو سهم يتلگاك ..
علي رشم
رجعنا للمستشفى ونحلل ونشخص بيناتنا شبي عمو راسم
إيلاف: خاف بيبي بِنيه متخربطة ؟
محمد: لا هوَ يتصرف ما يلح على عمة سحر تجي
وصلنا للمستشفى لگينا عمة سحر منتظرتنا بالباب لأن خابرنا على خالة وبلغناها تنطيها خبر تنزل ، أجيت أنزل اگعد وره حتى تگعد بالصدر ما قبلت رأساً صعدت وره تفرك بأيدها
سحر: شبي عمك حرگني حرك
محمد: علمي علمج ما گال شي
سحر: اني عايزة هبطات ويهبطني هيج
إيلاف: على كيفج عمتوووو
سحر: سكتي مني عمتو
إيلاف: هههههههه ماكو شي والله لا تخافين لو صاير شي يضمها قابل
سحر: چا غير يگول شكو مو يجيبنه على عمى عيونه تالي الليل وعفت خالتج وحدها وين تگدر للجهال لأمهم
إيلاف: كله من وراك محمد ليش ما عفتني أبات وياها
سحر: طنگر علينا بعد
محمد: صارت براسي هسه
سحر: شعليها بله تنوكل تنلحس غير احنا وياها
إيلاف: يغاااار عليه عمتووووو
ضحكت عمة سحر درت وجهي اباوعله يباوعلي صفح مديت أيدي گرصت أيده اضحك
إيلاف: تغار تغار مو
خزرني يأشر بعيونه على عمته يستحي واني اليوم مدري شبيه مستخفة و أوزع حُب على گولته
إيلاف: عمتو شتگولين خالة طخت لا
سحر: لا وين
إيلاف: زين البنية من تطلع من المستشفى وين تروح
سحر: الدكتورة ماتقبل تطلعها تگول لازم تبقى يومين بعد عدها أبر لازم تاخذهن بالمستشفى دمها مصفر اسم الله
إيلاف: من هيج وجها أصفر خطية
محمد: والأطفال
سحر: باچر نطلعهم مو زين عليهم المستشفى تمرضهم ختولي
إيلاف: شلون نطلعهم بدون أمهم
سحر: هاي بعد شنسوي
إيلاف: نطلعهم لبيتنا غير
سحر: اي طبعاً خالتج تدير بالها عليهم واني اظل ويه البنية خطية تظل وحدها
صفگت أيدي بحمااااس
إيلاف: الله راح يصير صوت بالبيت ونتونس عليهم
محمد: تگابليهم وتگعدين أجتج عدلة حتى تعزلين وتگعدين لا قراية ولا هم يحزنون
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
