وأندلك وأجيك وأگدر أوصلك
أدورك ما أمل وألگاك وأندلك
ولو حَبة رَمل عنوانك بصحراء
أشمن ريحتك بالگاع وأوصلك
سَـميـر صَبيـح
.........&.........
سمعت صوته يصيح بأسمي انخخطف لوني وعثررت على وجهي اتشخطت ايدي فزيت بسرعة وگفت ودرت وجهي عليه نزل من السيارة بأتجاهي وضحكة خبيثة مرسومة على وجهه
- شلونها سَـنار الوردة
سَـنار: شتريد ؟
- لاه لاه بسرعة تنكرين المعروف بيناتنه زاد وملح
سَـنار: ماتخوفني بهاي حركاتك شكوو لاحگني اصلاً ، چنت اشتغل وياااك وخلص بطلتت فوك ما بگتني بعدك تلحك بيه !؟
- ارجعلج الفلوس أضعاف ورجعي اشتغلي وياي
سَـنار: مااريد مستحيللل وبطلت أشتغل اصلاً وبعد مااريد اشوف وجهك والله اشتكي عليك
- اندليت شقتج
سَـنار: تهددني؟
- تحذير أعتبري
سَـنار: مااخاااف منك وشتسسوي سوي
- زين تدللين عليه اني وياج والدرب طويل
تركته ومشيت بسرعة وگلبي يرجف شيريد مني وشمعنى طلعلي بنفس اليوم لـ أجتني بي زنـو معقولة الها أيد وتوصله أخباري اي أكيد ماكو غيرها واني غبية گعدت احچيلها مثل الثولة ما أتوب
وصلت للشقة طلعت مفتاح من جيبي واباوع لأيدي بيها دم انكردت كرد بالگاع وتسمط بيه فتحت الباب ودخلت فزيت من شفته گاعد وحاط رجل على رجل يدخن
مُـنقـذ: اسم الله
سَـنار: يجي يوم وتوگف گلبي من ورة طلعاتك هاي
مُـنقـذ: وين چنتي ؟
سَـنار: بالسوبر ماركت
مُـنقـذ: صايرة دايحة چنتي منا لهنا ماتمشين وحدج
سَـنار: شنسوي الدنيا تعلم
مشى نظراته على طول جسمي واستقرت على عيوني أشرلي بيده وهو يگول
- تعالي
سَـنار: خل أغسل
- لا تعالي
عفت العلاگة من ايدي عدل گعدته ، گعدت بصفه باوع لبنطروني وگال
- شو متربة ؟
سَـنار: وگعت بالشارع
- ياعينيييي جاهلة
ضحكت ونكتت ملابسي لزم أيدي باوع بيها
- شبيچ فاهية شمسوية بروحج
سَـنار: ظلمة وعثرت بالطابوكة المهم شنو تريد اريد اگوم أغسل
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
