بطرانـة العيـون الترمـش كبالـچ ...
ريهام
أنتظرتهم يرجعون من بيت البنية بفارغ الصبر ظليت آخذ البيت وأجيبه لحد ما رجعوا بس بدون خالو
ريهام: ها يمه شصار ؟؟؟
بِنيه: خايبة وحمس خلينا نجر نفس
ريهام: ما عجبته مو ما موافق أكيد مبين من شكلچن
بِنيه: لا عوزه ما يوافق تخبل چنها حلقوم
ريهام: يمه شبيج ساكتة ما تحچين
سحر: خوش بنية وگعدوا سوة شحتنا خالج وظل گاعد وياها نص ساعة وشو چنه عجبته
ريهام: لااااااااا
بِنيه: هاي شمالها ؟
ريهام: يعني شنووو يعني شنووو راح يخطبها ؟؟؟
سحر: غير يفكرون خوما گبل لبسني وألبسك الحلقة
غندبت وظليت أخوزر ويه الحياطين والبچية حصرتني مو گلت حاسني گلبي راح تصير
ريهام: وين راح خالو
سحر: عنده شغل
صعدت أدبچ على الدرج وطبيت الطم يم رنا لخلصتها صفنات بوجهي
ريهام: والله هذا خالج فد واحد
رنا: مو گلتلكم لاتتحمسون مزاجي
ريهام: بس مو لهدرجة !
رنا: خالو يحكمه عقله أكثر من گلبه شوكت تفتهمين هل الشي
ريهام: هسه اني شسوي والله مستحية من لولي مچلبة للبنية چنتنا چنتنا وتاليها هيج يصير
رنا: برأيي أتصلي بيها وأنطيها الأخبار حتى لا تنصدم واحنا نبلغها بخطوبته
ريهام: يااا عزا بعينج
رنا: والله شبيج اني ضد الصدمة المفاجئة لازم تمهيد للموضوع
ريهام: لو الله رازقني برودج واللامبالاة لعندج چان اني بخير
رنا: هذا درس الج حتى تبطلين تحشرين خشمج بكلشي
ريهام: انچبي انچبي
أخذت موبايلي وگعدت كتبت جريدة شگدها وشكبرها لـ لولي أبلغها بالصار اليوم وأعترف اكثر شي غبي سويته بحياتي شافت الرسالة وره خمس دقايق وما ردت عليه ظليت گاعدة منتظرتها ترد عليه حتى لو سمايل صخام لطام بس ماكو
رجعت كتبتلها جريدة احچي على خالو واگللها ميستاهلج الحقنة هذا وطلعت كل قهري بالرسالة وهم شافتها وما ردت
ظليت فاتحة المحادثة اباوع للرسائل بقهر والخنگة حاصرتني رفعت أصبعي ضغطت على صورة البروفايل حاطة صورتها صفنت بيها احچي ويه روحي
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
