يَا مَامِش بَمامِش وَ أحِبّكَ .
إيلاف ..
يبووو عليه صار فيضان ركضت للحمام سديت الصوندة نسيتها تجري ورحت للغرفة أمسحها بين ما رجعت لگيت الماي طالع للصالة ومفيضها
ظليت اركض منا ومنا أمسح بالماسحة لاينزل على الدرج ويدمرنا
ضحى: عزه
إيلاف: رجعي رجعي لا تزحلگين
ضحى: نفس الثول مالتي
إيلاف: أشكرج
ظلت تضحك وواگفة بباب غرفتها تگرط چبس واني أجيب الماي منا وأحطه منا
ضحى: أدري ترگصين المَي ولج أخذي للحمام
إيلاف: صبري خل انگعها حتى أمسحها فد مرة
التفتنا على صوت مُـنقـذ يصعد الدرج ويصيح على مُناف جوة
مُـنقـذ: جيب سحور وانچب وطب جوة
مُناف: دروح منو يحترمك أنتَ
مُـنقـذ: براحتك
مُناف: بس ساعة شبيك
مُـنقـذ: براحتك
مُناف: يعني اطلع
مُـنقـذ: لا
وگف ع الباية الأخيرة يباوع للفيضان القائم هنا وتچه أيده ع الحايط وحچى برهاوة
مُـنقـذ: وين المايو
ضحى: ههههههههههههه ما حاسبين حسابه حبيبي
إيلاف: شنو مايو
ضحى: هههههههههههه لبس السباحة شبيج
إيلاف: يا مُـنقـذ جاي تصنف عليه مو
مُـنقـذ: البلوتوث يمج ضعيف
ضحى: تعال فوت منا
مُـنقـذ: شفوت ما تشوفين لابس جواريب
ضحى: اي صدك شلون تفوت صعبة
مُـنقـذ: دوريلج غير حل
ضحى: ماكو حل أبد
مُـنقـذ: هسه شلون
همَ يحچون واني صافنة عليهم ذول ناصبين عليه لو صدك يحچون ؟ تره يگدر ينزع الجواريب ويفوت
ضحى: زين جرب تنزع الجواريب يمكن تنحل
إيلاف: الفففف الحمددد لله وأخيراً فكررتي بهذا الحل
طگتها ضحكة ومُـنقـذ دنك ينزع جواريبه مبتسم وتأكدت چان واحد يضحك ع الثاني طبوا لغرفتهم واني جبت الوصلة واحطها بالماي وأعصرها لحد ما نشفت الصالة ساعة السودة لنظفت الغرفة بيها
درت وجهي على صوت فتحة الباب ووجهي مشتعل نار محتره من المسح وصحت منفعلة
إيلاف: لاتدوووس لاتدوس تطگع الگاع !!
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
