اني الـ فتّشوا گلبه ولگوك بخير
ولگوني بگلبك أصلاً ما مخليني ..💔
ريهام
صوت بيبي وأمي أخترق طبلة أذني بصوتهن العالي شكووو يا ستار ما يسكتن بس يلعلعن دومهن هسسه ناس نايمة ناس مطمورة هسه أتذكرن يسولفن بنصاص الليالي ، جريت البطانية أغطي راسي
رنا: ريهام گاعدة ؟
ريهام: هاااا هاااا
رنا: اكو شي صاير جوة شنو هذا الصوت
ريهام: جدتج وأمج هسه اتذكرن السوالف العتك
رنا: لا ريهام اكو شي
وخرت البطانية بملل وأشوفها نزلت من فراشها تلبس بالروب وتفرك بعيونها وطلعت من الغرفة لحگتها انزل وفكيت عيووني وحلگي من شفت يَـشم متوسطة الصالة واگفة لا حس ولا نفس بس تباوع بعيونها وعبالك مصدومة وبيبي تلطم على فخذها بحرگة گلب وأمي لازمة يَـشم تحاچيها
سحر: ولج يمه احچي ووينه رجلج شجااابج بنص الليل
بِنيه: ووولج شووومه احچييي راح يوووگف گلبي شجااابج بهل الفجرررية خاااايبة
يَـشم: عافني
سحر: شلووون شلوون فهمينا ولج يمه فهميناااا
صرخنا كلنا بنفس الصوت من خرت يَـشم من طولها ووگعت چفي على وجها متخربطة ، شصااار بحالنا رووحنا راااحت شلناها لغرفة بيبي وأمي تغسل بوجها وما تگعد
بِنيه: صخااام لصخم حااالي ووولج يمه شنسووووي شنسووي دخيلك يا علي دخيلك يابو الحسنين
أخذت بيبي گلاص المي چبته كله بوجه يَـشم فزت بسرعة تشهك نريدها بس تتنفس ماكو عبالك غرگانة ومگطوع النفس عنها ، حضنتها بيبي لصدرها وتقرا بصوت عالي سور القرآن وأدعية وتبچي تبچي ووجها مخطوف لونه أول مرة أشوف بيبي هيج خايفة وتتراجف وأمي حالها اتعس من حال بيبي
يَـشم كلمة ما تنطق تعبنا واحنا نسئلها عن حالها بس ما تجاوب حتى ما تبچي بس صافنة وضامة روحها بحضن بيبي وتگللها بخوف
يَـشم: حضنيني يمه گلبي جاي يوجعني والله
بِنيه: سودة بوجهي يايمه عمت عيني
جابت أمي بطانية تغطيها ويَـشم ترجف مثل السعفة وتهلوس ما نفهم شتحچي بس تصيح بردانة وأمي تغطي بيها وبعدها تگول بردانة ، شغلنا صوبة كهربائية حتى تدفى بس بعدها ترررجف ترررجف وعيونها تتگلب وترجع
سحر: شلوون بينا يمه البنية راح ترووح من أيدينا خل أخابر أخوتها ناخذها للمستشفى
بِنيه: لاااا لاااا ، وين وجهج مخابرتهم الفجر تردينها تصير مجزرة المسودن مُـنقـذ ما يتأمن كلشي يسوي واحنا ما فاهمين السالفة ولج عگلي راح يروح دخيلك ربي الستر دخيلك
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
