تَباريح العشق

Part 24

مـٰا حچيتلهم عنّك بس شافوك بعيوني ..

يَـشـم

بلا وعي طلعت اصرخ والطم على وجهي يممممه گلبي جريتها لحضني عاصرتها عصر وفقدت أحس رووحي فصلت حتى ما اگدر أشوفها بس اصرخ مرعوووبة ، رجعني لوعيي صوووت عمو راسم يصيح عليه

راسم: ووولج بابااااا خل أشوووفهاااا ، عوفيهااا

وخرت وجها من صدري خدها تزلغ من الگاع والتراب الخشن وعمو راح يركض للبيت وطلعت وياه عمتي تلبس بعبايتها مختررعة ووجها أنبلع من شافتها متمددة بالگاع ظلت تزلغ بخدودها ، وگف عمو فوك راسها بأيده بطل ماي فتحه وصبه على وجها وچان بارد مجرش ولولي شهگتتت مختتتنگة واني ردتلي روحي من فتحت عيونها وصوت الولد ابو السيارة فوك راسنا خايف

- والله العظيم خوية ما أنتبهت عليها

يَـشم: اي مووو طفلة ناعمة وما أنتبهتتت عليهاااا !!

عطت بي محتررررك گلبي وعمو خزرني أسكت وسكتت گعدت لولي ودموعها تجري أيدها نكسررت يمكن بس هم زين السيارة طختها طخ وما ضربت كل جسمها بس سودة عليه أيدها نمردت مرد صارت جوة التاير وداس عليها

وگفناها اني وعمتي أنكت بملابسها وهيَ دايخة ووجها صار أصفر من الهبطة ضغطها هبط وعيونها تفتحهن وتغمضهن دايخة ودموعها ما وگفت

يَـشم: سودة عليه ياروحي توجعج مو

ليلى: يَـشم أريد اصرخ من الوجع لحگيلي شسوي

سحر: صعدي يمه صعدي خل ناخذج للمستشفى وعسى ربي ما بيها كسر

فتحلنا عمو سيارته والولد بعده واگف يحچي ويه عمو يسئل عن أهلها

راسم: البنية غريبة مو منا وعدها أب يريد يحاسبك يريد يسامحك أنتَ وياه أغاتي

عافه عمو وصعد السيارة يسوق للمستشفى وبالطريق لولي طلعت موبايلها خابرت أبوها ودموعها عشرة عشرة متووجعة وگوة ضامة صريخها وبس وصلنا گبل سوولها أشعة وطلع عدها كسر بالأصابع ويبووووي علينا يريدون يسحبون أيدها حتى يرجعون العظم لمكانه وهاي مچلبة بيه حاضنتني وتبچي ضامة أيدها

اني ابچي وياها لأن صدك تخوف السالفة وعمتي تقنع بيها وهيَ اصلاً ماترفع راسها ضامة وجها بصدري تناشغ

سحر: ولج أمي قوي گلبج ما تطول لحظة بس لحظة

ليلى: أريد بابااا

حچتها وطگت بچي مثل الجاهلة واني طگيتها ضحكة بنص دموعي

يَـشم: ههههههههه گبر الزعطوطة

ليلى: انچبي يَـشم لاتضحكين عليييه !

درت وجهي وأشوف عمو واگف مكتف أيده لصدره يشاهد المشهد الدرامي وما أتدخل لأن أبوها بالطريق وهيَ شافته واگف لو انرعصت ماتدري بي موجود ، عافت وجعها وضيمها ومسحت دموعها تهمسلي