وين ألگاك؟
يالموصوف اليه وانا الك موصوف
يالفرگاك غُربة وكلشي ما مَألوف...
فتحت عيوني مصدومة من شفت الشاشة صورة بنية غريبة يقرب ويرجع بصورتها ظلت هيئتها براسي حس عليه طفئ الموبايل ودار راسه عليه
ابتسمت اضيع السالفة
يَـشـم: هلو شلونك
اتقربت باوسته حضني تحت ايده يسئل عني وچان عادي ممتوتر وطبيعي
يَـشـم: شو ماكو أحد ؟
- امج أخذت إيلاف للصيدلية
يَـشـم: ومرتك ؟
- بيت أهلها منو جابج ؟
يَـشـم: مُناف
هز راسه ووگف عدل قميصه وگال
- طالع اني محتاجة شي اجيبلج وياي
يَـشـم: لا عيوني سلامتك
طلع صفنت ورجعت ظهري ليوره اتذكر ملامح البنية چانت واگفة وحاطة ايدها بجيوب البنطرون وتضحك وسافرة شعرها قصير
منو هاي؟ معقولة صاحبته ؟ بس مُـنقـذ ماعنده هيج سوالف مال بنات ومصادقة ظليت أضرب أخماس بأسداس هذا هم مينعرفله وخوينس على عمه طالع بهاي السالفة
من ثاني يوم بدينه التجهيز الصبح بالدوام والعصر بالسوك ومن محل لمحل اني وأمي اختارينه كلشي على ذوقنا لان إيلاف تعبانة ومريضة ومتعقدة من خشمها ملزك وتستحي تطلع
باچر الخطوبة وبليل أجتي بيبي باتت يمنا وبنات عم أمي خلصنه العشاء وسرفنت رداني وصعدت للغرفة بيدي چيس الشيرة فتحت الباب الگاها نايمة شغلت الضوا وصحت بيها ماقبلت صحت بيها اهددها
يَـشـم: والقرآن الكريم اضربج على خشمج واسويلج إعاقة بي للأبد يلا طفري گدامي مااريد اي نقاش
كضيتها صلخت أيدها بالشيرة حفيتلها وجها طلع يلمع أول مرة تحف طاحت أيدي ظلت تدمع وتنزل دموع وتفرك بوجها
ايلاف: حاجبي يوجعني
يَـشـم: هسه يبرد شبيج ام دميعة گومي سبحي اريدج تلمعين لمع عندي شغل وياچ وذن مقشرات ومرطبات استخدميهن
خابرتني لولي مخبوصة وفاتحتلي كنتورها نختارلها فستان لباچر
يَـشـم: لولي ترا مو خطوبتج والعباس شبيج مخبوصة
ليلى: شلون ترديني أجي مبهذلة ولججج عزاااا تصخمت كون ولج حتى بت خالتج العروس اطلعها كسرلازم لازم
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
