وين ما تلگه تَعب تلگاني بيّ ..
يَــشـم
طلعت للطرمة البس بحذائي والموبايل على أذني اتصل اتصل اتصل ماكو انگطع گلبي وگلت هاي آخر أتصال وأجاني صوته سريع
ليث: هـا يَـشم هـا
يَـشم: وينك ليث صارلي سنة أتصل
ليث: لبگت صلاتي لبگ گلت احترگت الدنيا
يَـشم: يا صلاة راح يأذن المغرب ليث لاتگلي بعدك بالبيت !
ليث: ما راجع للبيت بعدني بالمعرض جاي أصلي الظهر مسافة الطريق يمج
يَـشم: ديله كمل قبل لاتصير قضاء ترا مبدلة ومكملة بس منتظرتك
ليث: ما اطول عليج وعلي اهم شي أعصابج
يَـشم: مواعيدي مضبوطة حبي
ليث: نعتذر
يَـشم: تقبل الله
ضحك وسديته منه ورجعت نزعت حذائي ودخلت للبيت ناوين نطلع نحجز القاعة ونشوفها اذا تعجبنا لو لا ما بقى شي لعرسي يبوووووي راح أعرررس هزيت چتف متحمسة وطبيت للمطبخ وإيلاف منتچية ع الكاونتر تگرط جوز وعود على أساس تقره وهيَ مخلصتها تسخت
يَـشم: أكليني إيلاف
إيلاف: اهوو وخري مني
يَـشم: وجعو ترا السادس مو بس أكل شفتج وشفتيني تجرشين
إيلاف: شسوي يَـشم أجوع أجوع
يَـشم: خاف حامل ولج ؟
إيلاف: منين
يَـشم: مني
إيلاف: ههههههههههههه عابتلج
يَـشم: يعني منين حامل مثلاً ياااااربي اسئلتها فاهية مثلهاااا
إيلاف: مو حامل شبيج
يَـشم: متأكدة ؟
إيلاف: طبعاً ، بنية ملتزمة بمواعيدي اني
يَـشم: شلون ما اشوفج تصخمين الشرايع
إيلاف: أبد والله ثقوا بيه
يَـشم: هيهيييي
إيلاف: روحي بابا روحي خلصينا من شرچ خلصت من ضحى رجعت عليه
ضحى: شبيها ضحى
إيلاف: هاي المشرانية بس تتمالخ ويه خيالها
ضحى: توتر العرس عوفيها عوفيها
يَـشم: اي بعد انتن متزوجات وخبرة اكثر مني ولازم اني اسمع نصائحچن هسه
ضحى: طبعاً حبيبتي يگلك اسئل مجرب ولا تسئل حكيم
إيلاف: محتاجة نصيحتي مو ما انطيج ولا نصيحة
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
