يَا أحِلىَ سِرّ عَاشّ بَزحِمةَ أسَرّارَيّ .
سـوريا ..
- هاي ليش نايمة !
- مريضة والله الليل كله مصخنة
- ختولي كلشي ما بيها ، گومي لچ بت الكلب
- يا رجال والله البنية مريضة وين تريد تطلعها دنيا غروب
- تولي تجيب فلوس المن مخلفها بس تزقنب وتنام
- بنية هاي بنية تريد تطلعها بالشوارع بهل الليل وين وجهك ما تخاف الله بيها
أسمعه وجسمي يرجف أريد اگوم من الفراش قبل لا يمد أيده القذرة عليها ويضربها ، فركت وجهي مردته مرد بيدي وسندت أيدي على الگاع وگمت راسي أحس سچاچين تضرب بي من الصخونة والدوخة
سَنـار: شتريد
- هاي شوفيها كلشي ما بيها چنها حصان
سَنـار: بت حصان
من أغلط عليه يسكت ميجاوب مو مهم عنده بس من اگله ماعندي فلوس لا هنا أمس كرامته ويثور علينا
- وين شغل البارحة
سَنـار: صرفته أشتريت بي علاج لأمي
- هيَ أمج ميته ميته عليمن تصرفين عليها فد وحدة مطية
سَنـار: يووومك قبل يووومها بيش طالبها
- طبج مرض وطبها مرضين جيبي فلوس اريد فلوس دبري حالج
سَنـار: ما عندي ما عندي منين أجيبلك أبوگ ؟؟
- بوگي عسى ما تبيعين روحج المهم تجيبلي فلوس المن خلفتج بت الزفرة
سَنـار: وأنتَ شنو شغلك ناقصك أيد رجل ما تولي تشتغل
- ماما سَنـار
التفتت عليها ، عيونها تسولف سوالف تكسر الگلب ومن شفته لزمها يريد يطلعها بالشارع شعوووطتتت ركضت عليها جريتها من أيده أصرخ
سَنـار: مررض بگلبك عوووفها عووفها راح أنطيك سم ببطنك
طلعتله من صدري تفاليس باقية عندي وشمرتهن عليه ومثل الچلب أخذهن ، اكرهه كررره لو أشوفه يجالع گدامي ويريد گلاص مَي ما أنطي
طببت أمي لغرفتي نومتها بفراشي مريضة ما تگدر والله مريضة شوكت تلتفت لحالنا ياربي وتخلصنا من هذا البشر مو بشر والله مو بشر حيوان
ظليت سهرانة يم راسها ما اگدر أنام الحرگة تاكل بضلوعي ، صبح الصبح طبيت غسلت وبدلت ملابسي وطلعت أمشي بالشارع وعظامي تووون عليه بس علاج أمي أهم مني
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
