" نامي بـ عينِي وبين رمُوشـي"
سَــنار
بعد مكالمة أمه فزّ من مكانه يلبس ملابسه ولاحظت عليه التوتر وحتى الخوف وكل شوية يهمس ويه روحه يغلط على روحه يمكن
ظليت على هدوئي فجأة هيج صابني برود فضيع بحيث ما جاي أدرك حجم الموضوع شگد صعب عليه
طلع بدون ميباوعلي من گد خبصته وتوتره خليت ورجعت نمت
اي نمت وعفته يحير بروحه كلمن ياكل نصيبه من أفعاله ..
گعدت الصبح بالعشرة شبعانة نوم بس الخمول كارثي فركت عيوني ونزلت من الفراش اطكطك بعظامي طلعت للصالة وأشوفه متمدد ع التخم من حس عليه رفع راسه يباوعلي والطنگورة واصلة للگصة
سَـنار: ها شصار
- كملي نومتج
سَـنار: الحمدلله نمت براحة
مجاوبني معصب مني أدري بي لأن ما اهتميت وعفته وحده بس شسوي گلبي مثلج وبردان من ناحيته
غسلت وجهي ورفعت شعري ذيل حصان ودخلت للمطبخ سويت ريوك وطلعته للصالة
سَـنار: تعال تريك
- شبعت
سَـنار: ليش شماكل
- راشديات
فتحت عيوني اباوعله مصدومة توقعته يتشاقة
سَـنار: تحچي صدك ؟
- سَـنار لو تحچين حچاية بيها حظ لو تسكتين !
عافني وراح للغرفة نزلت راسي أصب چاي وفزززيت على رگعته للباب وراه ، انهبط گلبي حطيت أيدي على بطني أهمس
سَـنار: ميخالف ماما مرات أبوكم عنده طلعات رعنة
كملت ريوگي بكل هدوء واتابع مسلسلي بعدين غسلت ملابس ورتبت الشقة ودخلت سبحت وسويت دجاج شوي على العشا وكل هذا مُـنقـذ نايم ومن أجيت اگعده حتى يتعشا نتر بيه
- ما أريد زقنبوت
رفعت حاجبي من أسلوبه وياي ورجع جر الغطا ينام
سَـنار: ولا تريد شنو يعني
- سَـنار !!!
سَـنار: لا تنتر بوجهي!
- طلعي وسدي الباب
سَـنار: والله مو صوجك صوجي احاچيك
- اذا ما تحچين تسوين فضل
سَـنار: خوش
طلعت من الغرفة ورگعت الباب متعمدة ورحت للمطبخ صبيت الي وحدي وگعدت اكل ، شوية وطلع يلبس بتشيرته ما اهتميتله وبقيت آكل غسل وأجه گعد ياكل وياي لا حچيت ولا داهرته ظليت ساكتة أعرفه يتخبل من اسكت واتجاهله
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
