گِزازِةَ أنتَ وَاضِمُكَ بَيّنَ العَيوّنَ .
**
شافه يبتسملي لو نگلبت الدنيا ضربه راشدي من يمي نلسسع خدي وصعد الحارس يركض يفاكك بيهم وطلع هذا الادبسزز مستأجر هنا مقابيلنا بس أول مرة أشوفه
تدخلوا سكان العمارة كلهم بس مُـنقـذ أول مرة أشوفه بهل العصبية زلغت خدودي وماادري بروحي
والحارس يصيح يريد بس يهدي مُـنقـذ وذاك يمسح بخشمه طك دم
- عمي والله راااح يطلع منااا صاحب العمااارة مايريده موو خووش آدمي
التفت على ذاك وطرده وگله تلم روحك وتطلع قبل الليل والرياجيل الواگفة تقنع بـ مُـنقـذ يدخل للشقة
خليت وطبيت بسرعة دقايق وطَب ورگع الباب وراه فززني وگفت گدامه أستعداد
مُـنقـذ: شكوووو تطلعين ياهووو عاتب عليييج ؟
مجاوبته ما اريد نتعارك وهوَ عصبي فضلت السكوت ظل يحچي يحچي ومن شافني ساكتة سكت وطَب للغرفة وسَد الباب
منا لساعة فتحت الباب ومَديت راسي نايم على وجهه والغرفة باردة ونازع وما متغطي لا مبين صدك گابة عنده لأن هوَ ما يتحمل برد
صعدت بصفه حطيت أيدي على ظهره دار وجهه ناحيتي
سَـنار: طلعت حلو وأنتَ عصبي
- وأحلى من أكتلج
سَـنار: هههههههه أعصابك ياعيني أعصابك
- شلون تطلعين بس گليلي شلووون
سَـنار: غير خفت عليك سمعت صوتك تصيح وطلعت شنو تريدني أبقى حاطة رجل على رجل
- تسترين رووحج يله تطلعين مو تطلعين مفرررعة
سَـنار: لاتصيح
- محترك گلبي منج وخري مني
سَـنار: مُـنقـذ ترا اني ما محجبة شنو نسيت
- حتى لو ما محجبة تسترين روحج ! مو تطلعين بنص ردن وجسمج مفصل ! اني مخليج على راحتج أريدج من وحدج تقتنعين وتتحجبين بس بالمقابل تحترميني تره گوة مصبر روحي عليج
سَـنار: صار
دار وجهه ماله خلك رجعت اسئل وخايفة لايعيط بيه
سَـنار: منو هذا ؟
- كلب أبن كلب
سَـنار: دگول منو وليش تعاركت وياه؟
- حاط عينه عليج أبن النغل منتبهله صارلي فترة حاطه براسي ومن طلعت شفت الولد لگدامنا يتلاغه ويا الظاهر يبصبص على بنته من تطلع للدوام وگلت الله جابها طبگت ويا وفوخت گلبي
سَـنار: وووين شايفني هوَ اني طالعة !
- شمدريني بس گلبي ما ارتاحله وهسه ارتاح من انگلع منا ...
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
