تَباريح العشق

Part 36

أحبنك لحد ما تعتگ رسومي وتِمل مني ..

إيـلاف

ريهام: اني شلون بالمطلطة ولج عافونااا عافوناااا

إيلاف: والله ما اطلع اذا ما أكمل كيكتي ولج لولي يخبل هذا الكيك مثل راسم الكيك

چانت ضاربتها صفنة من حچيت يله أنتبهت وضحكت

ليلى: بالعافية حبيبي ادزلج بأيد يَـشم

جرتني ريهام من أيدي سحلتني سحل طلعنا من بيت لولي والسيارات كلها محركة بس سيارة مُـنقـذ منتظرتنا وبس شافنا ضيك عيونه ونتر

- وين وليتن

ريهام: هاي مرت أخوك الملطلطة الا تاكل كيك گوة سحلتها

- صعدن يله

إيلاف: هاك مُـنقـذ هاي خوش كيكة بعدني مماكلة منها فدوة الك

التفت يباوعلي صفح وضحكت من أخذها من أيدي ولف الباكيت بكلينكس وضمها بالسيارة ما أكلها

ريهام: هاي شوكت جبتيها

إيلاف: زهراء انطتني وحدة وأنتِ تسحلين بيه

ريهام: فشلتينا

إيلاف: ههههههه ولي قابل غريبين

من وصلنا للخط السريع التقينا بباقي السيارات وصارت بصفنا سيارة عمو راسم و بالصدر بِنيه و وره عمة سحر و رنا وعمو راسم يضحك ويباوع لأمه مدري شجاي تدهرب عليه وهوَ هيج يضحك

مُـنقـذ: بله سولفلي راسم شسوة جوة

ريهام: وعلي فاتتك شوفته

إيلاف: اول ما دخل باس لولي من راسها وأكلها أكل بعيونه طالعة تخبللل تخبللل

ريهام: مو هيج عوبة مو هيج يسولفون ، شوف حبي هذا عمك وگع وگعة من هاي الزينة والساحة الك منا لشهرين أستلمه تصنيف ما اتزوج ما اتزوج وتالي لولي جابت راسه

إيلاف: بس شنو مُـنقـذ عمو راسم ضغط صفحة لولي ضغط شافنه قطعة وصاك وقدملها بياض يجنن وهدية گلادة وعماتها الحياية ماتن ماتن السم ظل يطلع من خشومهن

ريهام: ايع مُـنقـذ لو تشوفهن وجهن يطرد النعمة هم زين لولي ما تشبهن وردة بوسط حياية هيج انطيها وصف

مُـنقـذ: وبعد

إيلاف: والله يخبلون كلش لايگين مو ريهام

ريهام: رسومي صام صام وفطر فطور دسم

مُـنقـذ: غير تصورنه الي

ريهام: ههههههههه صورته صورته أدزها الك من أوصل

ضحك ومدري شهمس عبالي ويانا بس هوَ لابس سماعة بأذنه للحظة توقعته يخابر بس هوَ چان يحچي ويانا شلون يخابر المهم وصلنا للبيت ونزلنا سوينا حفلة ثانية شغلنا الديجي وگلبنا الجو وفرحانين ومتونسين أحلى خطوبة بالدنيا