إن الروح أذا ألتقَت بِمن يشبَهها أكتملت 🤍.
&&
محمد: آني اتزوجها وتبقى هنا لحد مايتم العقد ماتاخذها وياك
- سولفلي بالمهر
مُـنقـذ: انعل ابوك لابو لجابك كلب أبن الكلب أمك بيش متنسية بيك وشايل هلگد نذالة امشي أطلع برة لا وحگ علي احطك برگبتي
- خوش راح اطلع بس حضروا مهرها 40 مليون
مُـنقـذ: ماسمعت عدل سمعني
- هه بعدك شباب وماتسمع عدل شگلت اني هنَ بس 40 وأنتم ماقاصرين تدبرونه ان شاءالله
مُـنقـذ: شوف ولك لحد هسة اني هادئ وياك وخوش ولد بس وعلي من يطگن براسي ادوس راسك بالقندرة وامسح بيك الگاع
باسمة: شوف بيش متورط حتى يريد هلكد فلوس ويطلعهن براسنه
- خوش ماتردون جيبوها ماضاربكم على أيدكم ازوجها لاغاتكم ويدفع أكثر هم
كزبر جسمي من كمية الحقارة والنذالة لشايلها حتى هيچ يبيع بيها عبالك مخضر طفر عليه مُـنقـذ ملخه تملخ وطرده برة ظل يغلط ويفشر ويتوعدلنه دخل وجهه أحمر وعيونه ناطة ويصيح
مُـنقـذ: ابن*** فور دمي الچلب انطي مرض بگلبه
باسمة: استغلالي وچلب فلوس مستعد ينطيها لانگس واحد علمود الفلوس
مُـنقـذ: هسة واحد يحچي يبتلي بلا خالتي الله يرحمها وينور قبرها مالگت غير هذا تحبه وتعشگه دودت عليه ؟؟؟؟
باسمة: لسانك ولك بعدين جانت مراهقة وقشمرها شمدريها يطلع نذل
مُـنقـذ: شكووو تخلف منه شكوو والله يخبلني اذا بشر مو زين وياج شكو تخلفين مجبورة ؟
باسمة: هسة شلون بله تطلعها من گبرها تحاسبها شلون خلفت منه شبيك أنت تخرط خرط أحترم عاد
مُـنقـذ: ديلا استلمي ماكلين شاربين وننطي 40 مليون هسة لو انطيهن لحرامي ماانقهر عليهن بگد قهرتي ننطيهن لهذا الچلب
مُناف: اي بالعباس ننطيهن لواحد يسكر بيهن ولا لهذا چنه عصارة عيون
بعز القهر والعصبية طگيتهه ضحكة وامي هزت ايدها تضحك
مُناف: باع العريس ضاربله ركن وصافن يستر الله بس لاتراجع من سمع ب40 مليون
مُـنقـذ: ها شيخنا
محمد: شبيكم ؟
مُـنقـذ: حمامة غراب
محمد: انتم شتگولون
باسمة: ماما انت بكيفك مااجبرك على شي واني كلتها الك من زمان
محمد: لا يوم عند كلمتي اني بس تدرين بوضعي والمحل جديد وذاب كل فلوسي بي وحتى السيارة بعتها اكتل روحي ادبرلي 10 بالدين
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
