تَباريح العشق

Part 45

وأطلتُ النظرَ فيّ عينيّها فَوجدتُ نفسي
أخوضُ " حَرباً " دون راء ..

إيــلاف

نزلت لولي تركض حتى تشوفها واني نزلت وراها وصوت رغد تصرخ والدم ترس وجها مچلبة بالمحجر وواصلة لنهاية الدرج وأختها تلطم على وجها وتصرخ بعلو حسها تريد تلم الجوارين علينا

ليلى: لج عيني شيليها خل ناخذها للمستشفى

- ووولج الچلبة كتلتيها ودفعتيها وتررردين تاخذينهاااا للمستشفى

ليلى: إذا تبقين على وگفتج طبعاً تموت

لولي تحچي بهدوء مهبوطة بس هيَ خايفة على رغد وتشيل بيها وأختها شافت محد راح يساعدهن غيرنا ركضت لبست عبايتها وتگابلنا على رغد وصعدناها بسيارة لولي وشخطت السيارة بكل سرعتها لونها انخطف عزاا بعيني بس لا يصير للبنية شي وتوگع براسنا

بالطريق الچبيرة خابرت على أركان تصرخ عليه وتگله الحگنا كتلن رغد راح تموت

واحنا نسمع وساكتين ، وصلنا للمستشفى گبل للطوارئ ولولي تمشي گدامي اباوعلها وگفت ونزلت نزعت الكعب مالتها لزمته بيدها ومشت حافية بالممر ضحكتني

ليلى: اليوم ليلتي سودة مصخمة شيخلصني من راسم ما خايفة على هاي العگروگة خايفة من سر ضحكتي اليوم يصير سر كتلتي

فطستتت ضحك بنص الضيم أحنا ولسانها يشتغل ورجع الدم لوجها من طلع المفراس مال رغد نظيف ومجرد مشگوك راسها ههههههه

اباوع أختها الچبيرة عايفة أختها يخيطون براسها وأجت علينا وجايبة وياها منتسبين المستشفى وتگللهم بدموع التماسيح وتأشر على لولي

- هاي طبت لبيتنا ودفعت أختي من الدرج متعمدة تريد تكتلها

لولي عافت المنتسب يسئل وذبت الكعب بالگاع تلبس بي وتگله

ليلى: من رخُصتك سيدي بس أخابر زوجي لأن أشوف الأخت كبرتها ولا عبالك نسايب وزحمة تتهمني هيج أتهامات باطلة

- تريد تكتل أختي وتگول نسايب وأنتَ واجبك سيدي تاخذ شكوتي بعين الأعتبار ومستحيل نتنازل اني وأهلي

ليلى: هسه يجي أخوج ونشوفه إذا يقبل على كلامج هذا

المنتسب صافن عليهن وحدة ترفع والثانية تكبس بزع وگللهن

- أنتظر زلم من طرفجن أثنينجن أتفاهم وياهم

جاوبته بعصبية وصلافة

- ما عدنا زلم وأنتَ واجبك تسجل شكوتي لا تخليني أشتكي عليك بالمركز والله

لولي عافتها تحچي وحدها وتباوعلها بطرف عينها رجعتلها قوتها وراحت خابرت يَـشم سولفتلها مختصر السالفة وتگللها