فَكُن لي "سُليماناً" على عرش أضلعي
سآتيكَ من أقصى المسافاتِ هُدهُداً
ظليت لا أخذ ولا أنطي أتقدم عمو ويجر نفس بغضب حچى ويه الأمنية ولولي من شافته سكتت بس كل جسمها يرجف لزمت أيدها أعصر بيها وهيَ عيونها مغورگة وشفتها ترجف تريد تبچي بس حابستها
نسحبوا الأمنية والولد يباوع لـ لولي بغضب أشرلي عمو بعيونه وطلع سحبت لولي من أيدها وطلعنا وراه شجابك بهل الدقيقة حظي خفت لايحچي كلمة گدام لولي وتنقهر بس عافني وراح صعد بسيارته
وصلت لولي لسيارتها وگلبي يلوب خايفة عليها من الطريق جبتها بكل طريقة وماقبلت نوصلها صعدت واني أوصي بيها تدير بالها وبس تهز براسها حركت سيارتها
رجعت لعمو بس شنو رجلي خيوط متأكدة مايسكت وطول الطريق ينافخ ويدخن واني أندب بحظي لو أدري ما مخليتك توصلني اليوم
وصلنا للبيت نزلت بسرعة عبالي الحك اشرد صاح وراي
... لاتصعدين
ظليت آكل بأظافري لزمته عمه تسلم عليه مشايفته الصبح وتسئله على شغلة موصيته عليها من كمل منها التفت عليه خزرني وخزراته من هاي الي تحسيها طلقة وتطب للگلب
راسم: هاي اخلاقجن بالجامعة ؟
.. عمو
راسم: اششش ولا صوت اني هيج صلافة ماشايف شگد مرت عليه نسوان وكحة وجسرة بس مثل جسارة صاحبتج ماشايف شوية وتجيب الولد براشدي اريد افتهم منين صاحبتيها منين لفيتيها عليه ؟؟؟ يَـشششم !
فزيت من عاط بأسمي وعيونه تتطاير من الغضب وعمه وبيبي يردن يفتهمن السالفة وهوَ محتقن
راسم: شسوي بيج هسه اني گولي ، جاووووبي !
.. عمو والله هيَ مو هيج
راسم: اششش لاتعيدين عليه نفسس الاسطوااانة خوما شفتها بعيني محد گلي أنتِ مستوعبة منظرجن ووگفتجن ؟
سحر: خوية شجاك فهمنا خل نفهم
راسم: هاي البنية علامة أكس عليها وممنوع تمشين وياها بعد تگطعين علاقتج بيها
حچيت بسرعة محروك گلبي
... لاا لا عموو فدوة كلشي ولا لولي مااگدر والله عمو فدوة والله اختي هاي مو بس صاحبتي
تخبل من العصبية مايعرف شيحچي أدري بي ما يحب يتجاوز ولا يغلط حتى ما يرفع صوته علينا گال وهوَ يأشر ع الدرج
.. وخري مني لاتشوفيني وجهج كلما اباوعلج اتذكر ذيج الصلفة صعدي يلاااا
درت وجهي وصعدت ، نزلت دموعي مقهورة منها وعليها وأدري عمو ما يسكت بس لأن عصبي صرفني
طبت عمه تلوب گعدت كدامي
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
