وتتمنى ترجع طفل تتبرى من الكبُر تبچي بحضن أُمك ويموت گلبك بعد اي شخص ميهمك ..
سَـنار: ماتت أمـي و الي كتلها أبوي وأنتهت قصتي وياهم
- الله يساعد گلبج شلون تحملتي
سَـنار: أرتاحت أمـي صح عافتني يتيمة بدونها وترست گلبي قهر بروحتها بس أرتاحت من الدنيا ، أمي تعبت هواي الدنيا تعبتها والمرض تعبها وراحت لـ أرحم مني عليها وهذا لـ مصبرني
- أحييج على إيمانج القوي برحمة الله
سَـنار: منها تعلمت
- والله ونعمَ التعلوم
سَـنار: مقهورة على قبرها صار بالغربة ومااگدر أزورها يوميا أنطحن من اتذكر عفتها وحدها ورجعت
- هذا قدرها شبيدج أنتِ ولاتنسين مادام بأرض مولاتي زَينب يعني مو غريبة والله يرزقج من صبرها
سَـنار: الحمدلله على كل حال لا أعتراض على حكمة ربي
- كمليلي شلون تزوجتي
سَـنار: اني وحدة هَم تعبت من الدنيا ، من صغري جبتها ضيم وضلايم وأكتفيت لهنا وخلصت طاقتي ومن عرض عليه الزواج أختاريت مصلحتي
- ما خفتي
سَـنار: أبد ، گلبي مات بذيج الفترة ما فكرت بشي ما چان عندي فكر
- شلون ثقيتي
سَـنار: گلي ارجعج للعراق ورجعني ، گلي أعيشج عيشة كريمة ومتحتاجين أحد وعشت ، گال أحطج بعيني ومحد يتقربلج و نفذ
- حَبيتي مو
سَـنار: ههههههههه
- هههههه ، ضحكتج بيها جواب طويل
سَـنار: تردين تحچيني حچي ويه روحي ما حاچيته
- مو دنتعرف يا عيني
سَـنار: تزوجته مصلحة أعترف وحتى هوَ گتله قبل لانخطي هل الخطوة وبوكتها جاوبني بأبتسامة
- والتالي
سَـنار: الله الوالي
- لا لا ميصرفلي أريد تفاصيل تفاصيل
سَـنار: تفاصيلش
- شلون خَش گلبج
سَـنار: گوة
- ههههههههههه حلوة هاي
سَـنار: والله شگد حاولت أتجنبه وأتجنب گلبي بس فشلت فشل فاشل
أنت تقرأ
تَباريح العشق
عاطفيةغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
