غنايم ماجبت وياي
ممصدك كضت حربي
رجعت مصوب ومتعوب
مو بس واهسي المكسور
خلكي وخاطري وكلبي ...
.........&........
إيلاف: اي والله هوَ هيج گال سمعته عدل بس شنو يَـشم خالة عصبت حيل وتتصل بي مغلق ولهسه بعده مراجع للبيت
يَـشَم: هذا أخوي شعنده
إيلاف: ما أدري تخيلي عبالي يقصدج وردت اتأكد وخابرتج وتگليلي لا ممخابرته أنتِ نصدمت حتى بعد ما احچي لخالة بطلت انوب تروح تعصب بالزايد ويرتفع ضغطها
يَـشم: اي اي لا تحچين غلسي ومن يرجع عود خابريني وأنطيني الأخبار
إيلاف: خوش
يَـشم: مرته وين
إيلاف: بغرفتها طول اليوم ماتدري بالدنيا طشت رشت واذا نزلت تاخذلها ساعة وترجع تغط
يَـشم: اها هيج
إيلاف: اگلج أنتِ مو تجرجرين لساني واتكتكلج الاخبار مثل البلبل ومن تجين تتعاركين واطلع بالوجه
يَـشم: ههههههههههه أدبسزز شوكت متعاركة اني
إيلاف: تكيفين تعاركين ضحى
يَـشم: هيَ تعيل بيه
إيلاف: ليشوفج يگول شگد مسالمة وهادئة ولا مبين عليج لسان وتحبين تعاركين اني چنت مخدوعة بيج
يَـشم: ياااا عزا بعينج شمسوية اني
إيلاف: لا لا طلعتي مشكلچية
يَـشم: أمشي لج عوبة
سدته مني تضحك الفاهية ، دخلت للساعة نبهت الموبايل للدوام ووصلتني رسالة منه فتحتها كاتب
ليث: راح اخطبج باچر من عمج ولا تگولين لا ما كيفت خابرني صاحبي ويگلي باچر عمج راح يجي للمعرض أستقبله بدالي وتدرين بعمج ما يتحصل وسفراته هواي وطويلة
ظليت صافنة وخفت خايفة من عمو رغم ممسوية شي غلط اني ولا تجاوزت حدودي وأخلاقي بسرعة رفضت ورجع كتبلي
ليث: ترفضين توافقين باچر اخطبج وذمة برگبتج ترفضيني من يسئلج وبكيفج بعد
مجاوبته سديت الموبايل وانتظرت الصبح يجي حتى اسولف لـ لولي أخليها تدليني شسوي ، نمت ساعتين وگعدت بدلت وگبل للدوام شفتها جاية قبلي وگاعدة بالنادي حاطة رجل على رجل تهز بيها وراسها بالموبايل
تقربت منها ضربتها على رجلها خازرتها
يَـشم: كم مرة اگلج لاتگعدين هيج گدام العالم عيييب
ليلى: اوووي أنسى أنسى والله
يَـشم: وتالي وياج
ليلى: بعد ما أنسى وعد
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
