مِدلي أيدك وامِدلك رُوحي ..
إيلاف: هـا ؟
ريهام بهمس: كيك كيك جاي يگول كيك
إيلاف: يبو سمعها
ريهام: لا خالووو تسلم تسلم ما نريد كيك لولي الكيك جابتلنا نساتل
گرصت أيدها اريدها تسكت لأن لولي راح تتخربط والله انصبغت أحمر حتى أيديناتها نگلبن لون أحمر دخنتتتتت دخنتتتت من الخجل وبحركة سريعة جرت الباب وطلعت ركض وعمو هم طلع وراها يروح للأسواق
اباوع ريهام طگتها ركضة للمطبخ جرت شال وركضت لباب الشارع واني وراها اركض ع الواهس ، فتحت الباب على كيف ومدت راسها تباوع واني خاتلة بظهرها
إيلاف: شكو شكو
ريهام: اششش
نزلت روحي ومديت راسي من يم بطنها حتى اباوع ليشوف شكلنا يفطس ضحك ، فتحت عيوني أركز من شفت عمو راسم واگف يم سيارته ولولي يم سيارتها ودايرة وجها بأتجاهه تباوعله وملامحها مصدومة مدري شجاي يگللها يبووووووي مانسمع مانسمع
ريهام: گبتتت گبتتت
إيلاف: ووولج شيحچي ما جاي اسمعه
ريهام: يگللها ...
أجت تحچي وسكتت فاتحة عيونها ومدت أذاناتها اكثر حتى تلگط زين بس! لولي فجأة صعدت سيارتها وشخطتها بسرررعة بسررعة وعيوني طارت لعمو راسم وأشوفه ضحك وهز راسه يمسح على لحيته مبتسم وراح مشي للأسواق
طبت ريهام وطبگت الباب وجرت الشال من راسها تهوووس بي وترگص
ريهام: هااااا خالي هااااا
إيلاف: ها
ريهام: زوجنااااه وخلصنا منه بعد ريهااام لأصغر منه
إيلاف: هسه يضربنا بوري
ريهام: الخاااال تشمه وتشتم ريحة أمك بي الخااااال تشمه وتشتم ريحة أمك بي
ضحكت من گلبي عليها تهوس وتاخذ الگراج وتجيبه بالهوسات ، طلعت عمة سحر على صوتنا شافتنا وزلغت خدودها
سحر: يا يا ولجن الجوارين منا
ريهام: يمه لزززميني لزززميني راح اطلع ارگص بالشارع
تحچيها وتهز چتف وترجع تهز خصر وجرت الشال تلثمت بي وأفترت 5 فرات مثل الأميرات عود
سحر: هاي شمالها !
ريهام: يمه أخوج ووووگع وووووگع وووووگع
نزعت عمة سحر نعالها وركضت وراها لأن عاطت بعلو صوتها حتى الأطرش سمعها كضتها عمة سحر ملختها تملخ وريهام تزاگط بين أيدها وتگللها بصياح
ريهام: ووولج يمه راح يتحقق الحلممممم
سحر: وووولج حسج حسج
أنت تقرأ
تَباريح العشق
عاطفيةغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
