يَاهِوّ احِنّ مَنِيّ وَيحِبّكَ ؟ ..
كل شوية أعيد بالرسالة وفكرة تاخذني وفكرة تجيبني شنو معناها ؟ منو المقصود ؟ منو دزها ؟ ليش الرقم حظرني بمجرد شفت الرسالة ؟
تعبت من التفكير وگلبي گرصني معقولة الرسالة تقصد ليث !؟
بس نگلبت أفكاري 180 درجة من وصلتني رسالة ثاني يوم قبل لا اطلع للدوام من نفس الرقم وبكلمتين جديدة
- ديربالج من أستاذج
ما لحگت أتصل وانحظرت منوو هذا شسالفة ياربي وشعرفه بأركان !
چنت ناوية ابلغ عمو بس من شفت هاي الرسالة والمقصود بيها أركان اكيد ، بطلت أسولف لأن اكيد راح يسئلني شعنده وياج أستاذج ومستحيل اسولف عزه يموتني عمو بس يعرفني ضامه عليه السالفة
شدعي عليك أركان منين طلعتلي وشتريد مني شيخلص السنة الگشرة هاي شيخلصها
من سولفت لـ لولي الرعنة شهگت بوجهي وگالت
ليلى: عزه معقولة أركان عصابچي مدري صخامچي ويستدرج الطالبات وهيج ؟
يَـشم: خوفيني أكثر خوفيني
ليلى: اكو هيج نماذج تره يمثلون الرُقي وهمَ أسفل السافلين
يَـشم: يعني شسوووي هسه ؟؟
ليلى: شو كرهته
يَـشم: شتحچين أنتِ ؟ اني من ساعدني بالتسجيل مرحلة أولى كارهته مووو راحة مووو راحة
ليلى: صخام بعينه ، زين ليش ما تسئلين أخوج عنه مو تگولين صديقه ؟
يَـشم: شسئل يعني
ليلى: ماادري أستفسري عنه وشوفي أخوج شيگول عليه
يَـشم: لا لا مامتعودة اسئله هيج اسئلة ويظل يحقق وياي وجيبي الي يخلصني منه وبعدين أحس علاقتهم رسمية مو ذيچ الصداقة القوية يعني اكيد يعرف عنه شي سطحي ومامتعمق بحياته الخاصة
ليلى: والحل
يَـشم: ماادري
ليلى: تجنبي يَـشم قصدر المستطاع أتجنبي هاي آخر سنة ونفتك منه
يَـشم: شعندي وياه اصلاً أطب مغمضة وأطلع مغمضة بمحاضرته
ليلى: سولفتي لـ ليث ؟
يَـشم: لا يمعودة شسولف تردين أفتح على روحي باب ماينسد
ليلى: تذكرين من گلتيلي دخلت لمكتب رند ولگيته موجود وماخذ راحته وياها ؟
يَـشم: اي ايع موو اگلج مو راااحة
ليلى: استغفرلله ولج لاندخل بذنب المرة
يَـشم: لا اني أقصد عليه هوَ مو راحة
ليلى: كافي يَـشم خيولي لاتفكرين بي واني دوم وياج محد يگدر يسويلج شي أموووته أموووته
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
