روح أترس فراغك بـالبرود لـ بيكّ
أنا وجه الشمس بـالملگة غطيته
علي رشم..
نهضتّ روحي منه ومن الحرگة دمعت عيوني وگف وياي ولزمني من أيدي يوگف حركتي
راسم: وين راح بالج اوگفي
ليلى: بعد لا تتقرب مني ولا تطخني تسولف بالأسلوب وكل أسلوب ما عندك
راسم: نزلي أصبعج وسمعيني
ليلى: ما اريد اسمع شي من رخصتك
جريت أيدي منه وطلعت مستعجلة من غرفته طبيت لغرفة يَـشم لگيتها مكملة تبديل
ليلى: يله گلبي
يَـشم: شبيج لولي ؟
ليلى: ما بيه شي
يَـشم: لولي جاي تبچين ؟
ليلى: لا شبيج هاي المسكارا تحرك يله تعالي عمج أنطانا موعد لـ ٨ مكلف روحه ونصها تخلص بالطريق
سحبتها من أيدها وطلعنا من البيت سويت روحي طبيعية وما بيه شي شغلت قصيدة تحبها
يَـشم: والله بيج شي احچي لا تضمين
ليلى: يحچي بالموبايل ويه وحدة أسمها ديما وضجت
يَـشم: ها ديما يمعودة لا تضوجين
ليلى: شنو تعرفيها ؟
يَـشم: لا بس صارلنا سنين نعرفها من خلال مكالمته وياها ويذكر أسمها وبيناتهم شغل لو عنده شي وياها چان تقدملها تزوجها بس هاي صارله سنين كلشي ماكو
ليلى: وشنو هذا الشغل ؟
يَـشم: اذا عرفتي گليلي
ليلى: لا بله !
يَـشم: لولي اني سولفتلج من زمان عن عمو وگتلج مانعرف شيشتغل وفجأة يسافر ويرجع وما نعرف شوكت يروح وشوكت يرجع وممنوع نسأل ونتدخل وگتلج ما ينجرع وگتلج تفكيره مال جيله مو جيلنا وكل هذا كتلتي روحج عليه ووافقتي واتحملي نتيجة أختيارج وانچبي
ليلى: لا والله
يَـشم: لو تطولين خلگج وتحاولين تفهمي ويفهمج وتوصلون لنقطة مشتركة بيناتكم لو تگولين اني خلگي ضيك وما اتحمل هيج وهيج فسخي وانچبي لا تأزمينا
ليلى: شووو گالبه عليه !!
يَـشم: ناقصتكم اني
وسعت عيوني اباوعلها هاي صدُك عصبية و دتحچي من گلبها متتشاقة سديت حلگي وانچبيت وتوبة اذا أشكيلها بعد من صدُك ماناقصة هَم فوك همومها ونفسيتها تعبانة وما طايقة روحها مو انوب تطيقني
أفترينا بالمول وأسحسل بيها من محل لمحل حتى بس تفك شوية ، أجيت ادخلها لمجمع خاص بملابس الأطفال بس شافته سحبت أيدها مني وهزت راسها رافضة
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
