"ولا هيَ ازمة وتعدي
تعال وطيب الخاطر"
ليلى: أستاذ أركان !!؟
- آسف على الأزعاج عذريني
ليلى: لا أستاذ اهلاً وسهلاً بيك تفضل
- قبل لا تسئلين جبت رقمج من صديقتج زهراء عن طريق رئيس القسم وراح أدخل بالموضوع گبل
ليلى: أسمعك
- أكيد تعرفين قبل سنة أكثر صارحت صديقتج يَـشم بمشاعري وچنت صادق وياها الله شاهد عليه وناوي أتقدملها وأطلبها من أخوها صديقي المقرب وما يقصر وياي بس هيَ رفضت وانخطبت وراحت بطريقها وگلت الله يوفقها
ليلى: أعرف
- أنفصلت وعرفت بموضوعها وأعرف صارت عدها بنية وأريد أتقدملها من جديد
ليلى: أستاذ يَـشم ترفض
- ليلى ساعديني
ليلى: صعب والله يَـشم تعبانة وبعدها تعاني من زواجها السابق وواگف الزمن بيها مدتعيش حياتها ومستحيل تتقبل الزواج مرة ثانية وبهيج وقت تحديداً
- أنتظرها وأصبر عليها حتى لو بس خطوبة وأضمنها الي راضي عادي ماعندي مشكلة وحتى بنتها تعيش يمي وببيتي وأسجلها بأسمي وأربيها اني ، صدگيني شاريها ورايدها من كل خاطري وناوي أخطبها من أخوها بس اريدج تساعديني وتقنعيها أدري بيج مُقربة منها وصرتي منهم وبيهم
ليلى: تخطبها من أخوها ؟
- اذا ساعدتيني أكون ممنونج طول العمر واذا رفضتي بالحالتين راح أخطبها من أخوها سكتت بالمرة الأولى بعد ما اگدر أسكت وأندم مرة ثانية
ليلى: أستاذ لا تزعل من كلامي بس يَـشم تضوج منك وماخذه عليك كومة نظرات مو نظرة وحدة وراح ترفض صدگني صديقتي وأعرفها
- هذا اني ليلى ما اگدر أغشج ولا أغشها واگللكم اني ملاك بريء وماعندي أغلاط ولا ذنوب لا والله كلشي عندي بس أستحق فرصة منها تعبتني وأنتظرتها هواي
ليلى: أستاذ تعوضها ؟
- راح أعوض روحي بيها قبل لا أعوضها
ليلى: أحلف تحبها من گلبك وما تأذيها
- رفضتني وراحت لغيري وصارت عدها بنية منه ورجعت من جديد أريدها ومستعد أتحمل كلشي حتى تصير من نصيبي ما اگدر أثبتلج أكثر من هيج لأن الحچي سهل وبلاش بس الأفعال تثبت
ليلى: راح ترفضك بس لا تستسلم هيَ عنودية شوية بس راح أسوي كُلشي بيدي وأساعدك علمودها هيَ لأن تعبت وانخذلت هواي وأريدها تعيش حياتها ويه شخص يستحقها لأن تستاهل واحد يحبها
أنت تقرأ
تَباريح العشق
Romansغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
