أنة نغَشِيِت لا تِحسَبنيّ مَغلُوب ..
سَــنار
ظلت عيوني مشخصة عليهم وطلعت خالة باسمة رحبت بالبنية وعبالك تعرفها دخلتها للأستقبال واني بعدني واگفة بمكاني بالمطبخ
الساعة بـ 2 بليل هاي البنية منو وشجابها !!
مُـنقـذ مجرد خالة باسمة دخلت البنية للأستقبال هوَ طلع بره يخابر تحرگنتتتتت بمكاني حسيت گلبي فحححم وما أعرف شسوي لا بيه اروح للأستقبال بهذا حالي ولا بيه أبقى منتظرته يبررلي هاي منو
صعدت للغرفة بسرعة خابرته يطلعلي مشغول بمكالمة ثانية ظليت أدك أدك ماكو
رجعت نزلت للأستقبال لأن راح اتخبل ظليت مثل التايهة رفعن راسهن يباوعلي ما گدرت أبتسم حتى لو مجاملة ظليت حاطة عيوني بعيون البنية تخبلللت منها بودي أملخها
سَــنار: ما عرفتيني على البنية خالة ؟
باسمة: گرايبنا زايرتنا من كربلاء
رفعت تك حاجب ما مقتنعة بنية شابة ووحدها وجاية لبغداد بنص الليل شسالفة وليش تجي تبات هنا ؟
ما گعدت ولا گلتلها اهلاً وسهلاً ولا بطيخ طلعت من الأستقبال وأريد واحد يجيبلي مُـنقـذ أملخخخه تملللخ بسنوني وأجرررم بي أبو النسواااان والقرآن موووتك على أيدددي بس خل أشك مجرد شك لاااعب بذيلك من وراي
واني بعدني واگفة ألووووب بمكاني حتى گعدة ما اگدر اگعد ، نزلت إيلاف من فوك عاگدة النونة وتدردم ويه روحها ومنزلة وياها مخدتها زعلانة وتريد تنام يم خالتها مبينه السالفة
سَــنار: إيلاف تعالي شوفي هاي البنية تعرفيها ؟؟؟
مَدت راسها تباوع من فتحة الباب
سَــنار: ها ؟
إيلاف: أول مرة أشوفها
سَــنار: خالتج تگول گرايبكم من كربلاء
إيلاف: كربلاء ؟ ما عدنا گرايب بكربلاء
سَـنار: صفحة أبو مُـنقـذ ؟
إيلاف: أبد والله مسامعة عدنا گرايب بكربلاء شو نروحلها على گد الزيارة ما فد يوم زرنا گرايب هناك لو أجو لهنا
من اگول عطبت يعني عطبت !!!
طبت إيلاف جوة وخالتها نفس الكلمة گالتلها هم گلتلها گرايبنا ما تعرفيها وگلتلها تجيب فراش وتسوي عشا للبنية بس البنية رفضت وحلفت متعشية وتريد بس تنام
هذا وين راح الأدبسزز الساقط أبو النسوان !!
سمعت بچية قَمر صعدت للغرفة هزيتها ورجعت غفت وأخيراً رجع أبو رضا لسبيته وسبيت حتى رضا وياه ونعلت الساعة لـ سويت بيها رضا وأخته
أنت تقرأ
تَباريح العشق
Romanceغانيَة مِن نَسلِ الأفلاكِ تَقلَّبت بوَسط الدُناة قارَعت مُدلهمات الحَياة لتُنقذ زهرَة الهُندباء جاءها المُنقِذ مِن بُحور الأنوَار فتوَلدت سَنار الحَياة لتَنطفئ بمرورِ السِنين وتَحيا مِن شُعاع الفَتان يَدور مَضمون الروايَة عَن فَتاة تُحارب الصِعاب لت...
