عشكَ عيون الملازم

البارت 2

وسيأتي الوقت الذي به تتمنا ان تكون بمفردك مع من تريد فقط وسيأتي الوقت الذي به تريد ان تكون بمفردك مع افكارك فقط بدون ازعاج هاذ العالم
.
.
.
تفاصيل هاذه القصه كلها حقيقيه مدققه بدون زيادات اتمنه تعجبكم قصه حياتي راح ابقه دوم اوصللكم ايامي اشون تمشي
.
.
مع تحياتي الكاتبه: ضحى الطائي
.
.
__________________________________
فدك: يله ييله كوثر خلي اروح ما بقه شي للعيد راح يخلص رمضان بعد يومين واحنه كلشي ما جايبين
كوثر: ايي هسه كمت لا اتلحين
فدك: ايي خلي اروح للكوزمتك ونرجع ابسرعه
كوثر: خلي اروح وره الفطور مو احسن
فدك: لا كوميي
كوثر: ايي هاي كمت
فدك: يله اشبيج توثه مال نوم صايره
كوثر: اهوو فدك كافي والله اضوجيني
فدك: كومي وما اضوجج بعد
.
.
كامت اختي اني حميت الجاي علمود نشرب وروح للمحل
.
محمد: ايي ابوكتك يل جاي صبيلي وياج كوب لان عدي بسكت اريد اكل ويا هسه ميت جوع
فدك: اوكي راح اصبلك وتكعد ويانه مو
محمد: يييع اشمالني اكعد وحدي بالغرفه احسن
كوثر: بعد احسن اسوي فضل
فدك: ههههه ايي والله
محمد: ما احب اكعد يم زعاطيط اني
فدك: لا والله احنه مو زعاطيط تره انته بس مكتأب وتحب وحدك تكعد
محمد: اي طالع عليج غير
كوثر: كافي بله لغوه زايده صبي وخلي اروح مو خبصتيني خبص
فدك: اي هاي صبيت
.
ضحكنه اني ما شربت لان صايمه متعوده اصوم ويه اهلي وخلصنه كمنه اني وكوثر انحضر نفسنه حته اروح اني كلت
.
فدك: كوثر ما بيه حيل اعدل نفسي كلش راح بس اخلي مسكاره وروح
كوثر: اي اني هم هيج قابل اشعدنه
فدك:ايي احسن
امي فوزيه:موو تتاخرن تعالن قبل العشه ابوجن ما يقبل
فدك:ايي يمه نعرف ابسرعه نرجع لا تخافين
امي فوزيه: هيه مو شغله خوف بس علمود ابوجن لا ايسمعجن احجايه وضوجن
كوثر: ايي صح ابسرعه نرجع
.
.
طلعنه رحنه للكوزمتك بالدرب شفنه سياره حديثه وعاليه كلش حلوه وسوده
.
كوثر: شوفي هاي السياره اشكد حلوه
فدك: اي والله اجنن كون فد يوم اصعد هيج سياره كولي امين
كوثر: خلي اكتب يوزرج عليهة ويتحقق حلمج
فدك: لا يابه عيب قابل اشلون يتحقق
كوثر : اي حته ياخذه ابو السياره وتتواعدون وجا وذا
فدك: انتي اتخليني ابمشكله فد يوم يله ترتاحين لا عيب هم شسالفه
كوثر:شسالفه يابه كبرتيهة هاي كتبت
فدك: الله يسترنه كون
.
كتبت يوزري عله السياره ورحنه
للكوزمتك اشترينه كم غرض مو اهواي وكريمات لان الغراض حييل غاليات عله العيد وطلعنه ردنه نرجع سمعنه صوت واحد رجال ايعيط وعصبي
.
كيان: (بعياط) والله مو صوجكم صوج اليجي يشتري من يمكم الزوج
ابو المحل: نعتذر عله التقصير ستاذ
كيان: درووح الخاطر ربك بعديش يله تعتذر
.
.
كوثر : عابت اشون اسلوب زفت
فدك:اي والله بس احنه شعلينه بي خلي ايولي
كوثر:هيج ونعال تايه ويجي بي
فدك(بهدوء):هههههه اسكتي عيب ليسمعنه ويشكنه 😂
.
واحنه واكفين اني وكوثر جنشوف محل اريد ندخله
رجع الولد هاذ العصبي وراد ايمر مر من ورايه ومن مر اني رفعت اعيوني عليه كبل اجت اعيوني بعيونه الخضر الوساع العصبيات وهوه اجت اعيونه بعيوني وكبل لبس النضارات وراح وهوه ضايج
.
.
فدك: شفتي اعيونه والله حرام ايضمهن بالنضارات
كوثر: منو؟
فدك: يحضيي هاذ الجان معصب ويعيط مر من ورانه ونتبهت لعيونه خضرر
كوثر: ما ادري ما منتبهة اله
فدك: امداج
.
درت راسي ردت ارجع اشوفه ما لكيته اختفه كلت ابتفكيري الله يحفضه لاهله اشكد حلو
.
.
كيان
واني عصبي وضايج ردت ارجع للسياره مريت من وره ابنيه اعوذ بالله منهة خلت اعيونهة بنص اعيوني وصفنت ليكول شايفه فد شي اني ما احب هيج البنيه احبهة اتكون خجوله بتصرفاتهة واني خليت ولبست نضاراتي رجعت للسياره واني متعجب شنو هااي دخلت للسياره وحيدر سالني
.
حيدر: اشبيك جنك مصدوم وعصبي
كيان: متعجب عله هل ناس لشايله الحيه
حيدر: ليش شصاير؟
كيان:تعصبت عله ابو المحل وطلعت وابنيه ابكد النعال اصغيره مريت من يمهة عيونهة بعيوني صافنه اني استحيت وهيه لا
حيدر:هههه عادي اتعود خويه
كيان: شسالفه البنات خو كلش سونهة لا مستحه ولا خجل
حيدر:(بضحك) هوه ليشوف اعيونك حته اهله ينساهم😂
كيان:هههههه شسالفه سويتهة كلش يله اسكت وحرك السياره راح يأذن واني ميت جوع وانته موكفنه اهنا
حيدر: وهم علمود اغسل السياره خاست من يوم الرجعت من شغلك ما مغسوله
كيان: عفيه عليك عار
حيدر: دكمل معروفك ولا تغلط
كيان: استغفر الله اللهم اني صائم
حيدر: شخليت لصيام يمعود افطر احسلك
كيان: دنجب وامشي يله
.
.
.
_____________________________
.
.
.في مكان اخر
.
.
امي فوزيه: يله فدك كوومي مو رحتي للمحلات ورجعتي كعتي كومي اذن خلي انحضر فطور حته انصلي
فدك:ايي اجيت لا اتعيطين
كوثر: واني اجيت هم اساعدج
فدك: ايي عفيه احسن
كوثر: اتموتين اذا ما اسوين شغله وحدج
فدك: ايي كبل اعلن وفاتي😂
كوثر:ايي لا اتخافين اجيت
.
كوثر كعدت اسوي زلاطه واني واكفه عله الطباخ اراقب الاكل وفجأه اذكرت هاذ ابو اعيون الخضر وشون اجت عينه ابعيني وكلت
.
.
فدك:كوثر تعرفين هاذ لمن اجت عينه ابعيني لحد هسه احس نفسي خجلانه
كوثر: ليش خجلانه يابه
فدك: ما ادري بس حسيته اشو ضاج من شاف عيوني بعيونه
كوثر: لا وداعتج الولد ايكيفون البنات ايباوعن عليهم
فدك: ما ادري بس هيج حاسه
كوثر: هسه عوفي هاذ شي صار ونتهة وبعد ما اشوفي انتبهي عله الاكل لا يحترك
فدك: اشبيج ما عدج احساس
كوثر: عله كيفج ام الاحساس خلصي شغلج
.
.
فدك(ابتفكير)
؛اشبيج يا فدك شسالفه هيه سالفه ثواني صارت وبعد لا ايشوفج ولا اشوفي كافيي
.
.
ورجعت انتبهت للاكل واذن وحضرنه عشه وفطرنه وخلصنه اني اجيت اعزل المطبخ لان هوسه كلش مكلوب كلب كلت
.
فدك: اهوووو يا ربي شيعزله اليه وهسه كوثر لو اضربهة ابطابوكه هم ما ادكوم وياي اساعدني
ابويه حسين: اشبيج ادكركين من وحدج تخبلتي
فدك: لا كلشي مابيه😅
ابويه حسين: تحجين ويه الماعين بلكت اينضفن نفسهن😂
فدك:ههههههه لا😂
.
ونضفت المطبخ بعد الفاس وكع بالراس
.
_________________________
.
.
في مكان اخر
.
.
حيدر(بصياح): كيااان كيااان
كيان: هاا هااا اشبيك اصيح هيج مو عرفت المنطقه اسمي حته
حيدر: تعال اشوفك اشلكيت بالسياره
كيان: بس لا مفخخه
حيدر: لاا يابه اشبيك انته
كيان: والله عله اعياطك هاذ حته اتوقع لاكي بيهة صاروخ
حيدر: دتعالل
.
خذاني حيدر للسياره كالي

حيدر:شووف
كيان:يوووو هااي شنوو
حيدر:شنووو؟؟
كيان:لونهة صاير فاتح ايي غير ادكليي ششوف اشبيهة غير افهم
حيدر: اشبيك شوف هاذ العله الجامه
.
انتبهت للجامه مكتوب يوزر  كلت
كيان: شنو هاذ ومنو كاتبه عله سيارتيي
حيدر: اشمدريني هسه لكيته
كيان: خلي اطلعه بالجهاز واذا ما اغسله غسل
حيدر: يمكن ابنيه
كيان بعد احسن حته اعرف اربيهة
حيدر: والله ما ادري يا خويه ابكيفك انته
.
كيان:طلعت جهازي وضفت اليوزر بي طلعت صفحه ابنيه كتبتلهة هلو الووو
.
اني اربي اليطلعلي وعلمه شلون يكتب يوزره بعد
.
.
.
يتبع بالبارت الجاي 😊❤
اصغر التفاصيل جاي اكتبهة الكم ❤🦋