عشكَ عيون الملازم

البارت 47

.
ألسلام عليكم ❤
.
رجعت وياكم ابارت جديد اتمنه يعجبكم كلكم💫🥀
.
مع تحياتي الكاتبه: ضحى الطائي
.
.
____________________
.
.
.
فدك
فزيت شفت مرت ابويه كاعده اكبالي واني ميته تعب واحس جيمي متكسر فتحت اعيوني كوه وحجيت ابحه تعب
.
فدك: اني وين؟؟
امي فوزيه: عله كيفج بنيتي ارتاحي
فدك:(ابتعب)اشصار ؟
امي فوزيه: ارتاحي اشوي واحجيلج كلشي
.
فدك
وجان اشوي ودخل ابويه للغرفه الي اني بيهة وبالمستشفى وكال
.
ابويه حسين: لحمد لله على سلامتج بابه
فدك: بابه وين حيدر؟
ابويه حسين: ما موجود واني رايح اسال الدكتوره نكدر انطلعج لو لا حته تجين ويانه للبيت ترتاحين اشوي
امي فوزيه: ايي خوش اسوي والله متستاهل تكعد يمه يوم واحد
ابويه حسين: خلي يصبرلي وشوفي شسوي بي
.
فدك
اني اباوع لاهلي ومتعجبه عله شنو جاي يحجون وعله منو
وابويه راح اني بقيت متمدده وساكته اشوي وابويه اجه ويا الممرضه واجت الممرضه فتحت الكانونه مالتي ومرت ابويه اجت ساعدتني وكعدت عله حيلي احس اكو شي يوجعني ابطني ومن جوه
.
امي فوزيه: عله كيفج ابنيتي
فدك: مامه شصاير ليش جاي احس اكو وجع بيه؟
امي فوزيه: اكعدي هسه ورتاحي ونونصل للبيت وافهمج شصار
.
فدك
ومرت ابويه جايبتلي ملابس وياهة ابويه طلع هوه ولممرضه واني بدلت ملابسي ولبست حجابي ولعبايه بس هيج عفتهة عله جتوفي وطلعنه اني ومرت ابويه من الغرفه وابويه اجه كال
.
ابويه حسين: يله بابه خلي اروح
فدك: وحيدر بابه وينه
ابويه حسين : يجي بس نوصل للبيت
.
فدك
ومشينه وطلعنه من المستشفه ردنه نصعد للسياره وحيدر اجه يركض وكف وسلم عله ابويه
.
حيدر: هلا عمي شلونك
ابويه حسين: هلا بيك حيدر
حيدر: شنو شو ماخذين فدك
ابويه حسين: راح ناهذهة للبيت يمنه ترتاح وانته الحجي بعدين وياك ايصير
حيدر: عمي صدك انته فاهم غلط والله
ابويه حسين: شنو الافهمه غلط انته ضارب بنتي دفره ومطرحهة لبطنهة وبدون غلط من يمهة يعني شتريد اسويلك
.
فدك
انصدمت بالكاله ابويه فتحت اعيوني وباوعت لحيدر وحيدر باوعلي ورجع كال لابويه
.
حيدر: والله بالغلط ضربتهة وجنت ما اعرف هيه حامل والله
ابويه حسين: روح بابه روح عود باجر نحجي وهم عود جيب الطفله يمنه باجر لان متكدر بدون امهة
حيدر: انشاء الله عمي انشاء الله تأمر
.
فدك
واني صافنه عله حيدر وحيدر باوعلي واني فاتحه اعيوني عليه ومغوركات ادموع وامي دفعتني للسياره ودخلت ومصدومه جنت حامل اني وطارحه
وابويه حرك السياره ورحنه
.
.
حيدر
اني بس اباوع لفدك اشلون هيه مصدومه ونفس الصدمه الاني صرت بيهة هم جنت ما اعرف هيه حامل وفجأهة طرحت وخليت ورجعت لسيارتي ورجعت للبيت
.
.
فدك
رجعنه للبيت واني كاعده بالغرفه ونرجس كدامي كاعده وساكته ومرت ابويه اجت كعدت كدامي وكالت
.
امي فوزيه: يله لضوجين الله يعوضج انشاء الله بالثاني
فدك: ما جنت اعرف اني حامل ولا حيدر يعرف
امي فوزيه: بس اني سؤال محيرني ليش ضربج حيدر دفره
.
فدك
صفنت اشوي وباوعت الهة وكلت
فدك: جان عصبي عله اخته واني صرت اكبالهة وجت بيه الدفره
امي فوزيه: هاا هيج السالفه يله عادي مادام ما يدري وضربج
فدك: ايي بس هسه اشلون بنيتي ما ماكله شي بالي يمهة
امي فوزيه: لا عمتج يمهة هسه اكيد وكلتهة
فدك: بلكي وشلون اذا بجت بالليل حيدر نومه ثكيل ميفز عليهة
امي فوزيه: اكيد عمتج اتنومهة يمهة لتخافين عليهة
فدك: بلكي يا رب
امي فوزيه: لتخافين باجر ايجيبوهة الج
.
.
فدك
هزيت راسي ابمعنه ايي وبقيت افكر اشلون صرت حامل واني مجانت عدي اعراض حمل لو احس ابشي وبعدين اذكرت جنت ابوكتهة اليوم ابطوله نفسي تلعب وتعبانه
.
وشوي بقيت احجي ويه مرت ابويه وهيه نعست ونزلت راحت اتنام واني كلت لنرجس تفرشلي وفرشتلي ونمطلت اشوي عله لفراش افكر ابحيدر اشوي ونمت
.
.
حيدر
رجعت للبيت لاكتني امي ابجهي
.
حمديه: هاا يمه ومرتك وينهة
حيدر: يمه مرتي خذوهة اهلهة
حمديه: ليش يمه خاف ناوين عله طلابه لان ضربت مرتك وطرحت
سلام: وحقهم وبمليون مره حقهم هوه سوايه واحد رجال سوايته ليكول زعطوط
حيدر: تره جنت ما اعرف بيهة حامل وهيه اجت اكبالي
سلام: دنجب اكو واحد يضرب مرته دفره ابطنهة يعني اذا مو حامل اتموتهة
حيدر: بويه تره انته متعرف شنو الصار وليش انضربت فدك
سلام: ايي طلع اعذار بعد
حيدر: معليه هسه اني بهل شي ابو فدك ايريد باجر اروحله نحجي ويا ونراضي وناخذ روكيان ويانه
حمديه: خاف ناوين ياخذون البت يمهم وميرجعون فدك
سلام: حقهم والله من ايزعلون ويردون امراضا باجر اروح ورضي حسين وبته فدك ونجيبهة انشاء الله ويانه
حمديه: اي واني اجي وياكم وخذ البنت وياي
.
حيدر
عفت اهلي يحجون ورحت لغرفه البنات دكيت الباب طلعتلي مريم
.
مريم: هلا اخويه فدك ما اجت؟
حيدر: لا ما اجت اطيني كنونه يمي
مريم: اي هسه اجيبهة
.
.
حيدر
وجابتهة واجت واني هذيتهة وصعدت لغرفتي وخليت بتي عله السرير واني انمطلت ابصفهة وحجيت وياهة
.
حيدر: يا بويه يا كنونه امج يمكن مناويه تجينه عافتنه وراحت بعد
.
ونمطلت عله ضهري وزحفت كنونه الي وخلت راسهة عله صدري وتباوعلي ومدري شتحجي ما افهمهة واني بس اكللهة اي صح اي والله حقج يا بابه😅
.
وبقيت الاعب بيهة وره ساعه شفتهة نعست وكامت ادغفي ونمطات عله بطنهة اني بقيت اطبطب عله ضهرهة ونامت واني هم كلت خلي انام ونمت
.
.
.
فدك
فزيت الصبح الساعه بال٩ الصبح فركت اعيوني باديه وذكرت حيدر شنو هسه وضعه ضايج عصبي نايم كاعد حرت عليه
اشوي بقيت افكر وكمت نزلت جوه دخلت للمطبخ شفت ابويه ومرته كاعدين ايسولفون
.
فدك: صباح الخير
ابويه حسين: هلا بهل طير
امي فوزيه: صباح النور
.
فدك
رحت غسلت وجهي وابويه سألني
.
ابويه حسين: هم رجلج اتصل عليج
فدك: لا متصل لان جهازي مو يمي
امي فوزيه: ليش مو يمج؟
فدك: لان من رحت للمستشفى مشايلته جنت
ابويه حسين: هااا اي صح
.
فدك
خليت القوري عله النار وتريكت واهلي كامو ابويه طلع ومرته راحت اتعزل البيت اني خلصت وكمت غسلت اماعين اريد الهي نفسي اشوي ولحمد لله الوجع خف كلش عليه يعني بقه اشوي
.
ومر الوقت صارت الساعه بال٧بالليل واني كاعده يم مرت ابويه بغرفتهة ونسولف اجت نرجس تركض
.
نرجس: مامه اجو حيدر واهله
.
فدك
بس هيج كالت كمزت من مكاني ومرت ابويه كالت
امي فوزيه: اشبيج طفرتي اني راح اروح لامه وانتي روحي عدلي شوي نفسج وتعالي
.
فدك
كبل طلعت ابسرعه ركض الغرفتي اريد ابسرعه انزل واشوف بنتي كلبي طك عليهة مشتاقتلهة كلش ومشتاقه لحيدر بلكي ابويه ايخليني ارجع اله بدون مشاكل
.
حضرت نفسي ونزلت رحت للغرفه الجوه دخلت شفت مريم كاعده وبحضنهة بنتي اتعجبت وذكرت عمتي متكدر تجي مشلوله
ودخلت سلمت عليهة وخذيت بنتي من حضنهة وكعدت اكبالهة
.
مريم: شنو هاي فدك اشو زتي جمال يم اهلج
امي فوزيه: اكيد غير بيت اهلهة وترتاح بي
مريم: والله يا عمه لسوا حيدر بدون قصد ولا يعرف ابفدك حامل ولا نوه يضربهة بس بعد القدر
امي فوزيه: اي صح واحنه هم عاذرين الولد حاله عصبيه الرجال كلشي ايسوي بيهة
مريم: اي والله صح وما يحتاج اسولفلج عله رجلي من ايعصب شيسوي ادمر الأمه كلهة ايفلشني اني هم 😅
.
.
فدك
بقن يحجن مرت ابويه ومريم واني بقيت ابوس ابنتي مشتاقتلهة كللش ونرجس جابت جاي وراحت وشوي بقينه نسولفوجهاز مريم اتصل
.
مريم: هاذ اخوي حيدر جيتصل يمكن راح اروح
مرت ابويه: دبقي بعد اشوي السوالف اتخبل وياج
مريم: عله الفراح انشاء الله هسه مترهم ذول زعلانين😅
مرت ابويه: يله انشاء الله
مريم: وفدك اشوكت تعطف علينه وتجي
فدك: عن قريب انشاء الله
مريم: انشاء الله وهم الجنطه مال غراض بنتج يم حيدر بقت
فدك: شكرا
.
وكامت طلعت وياهة اني ومرت ابويه بقن اعيوني ايدورن حيدر بلكي اشوفه بالطرمه بس واكف هوه وابويه وابو حيدر بالباب ما شفته وراحو وابويه اجه دخل للديوانيه واني ورا ومرت ابويه كعدنه
.
ابويه حسين: شو جيبي حفيدتي يمي خلي اشوفهة
فدك: هاكياهة
وطيته بنتي وكعدت يمه
.
امي فوزيه: اي شكالو ما كالو
ابويه حسين: عادي اعتذرو وراضوني وطلعو الغلط بأبنهم والابو بقه هم ايراضيني ويحلفني بمعزتهم اني كتله اشوكت حيدر راح ايروح للشغل كالولي باجر
فدك: اي صح باجر وكت دوامه
ابويه حسين: ايي واني كتلهم خلو لبنيه ترتاح يمنه لبين ميجي حيدر من الشغل ابوكتهة خلي يجي كبل ياخذهة ويروح
امي فوزيه: اي وشكالو
ابويه حسين: وافقو وبقه حيدر ايبررلي موقفه وصح جان ماله قصد ونشاء الله يعوضهم بالطفل الثاني
فدك: نشاء الله وخوش راح ابقه اهنا يمكم لبين ميجي حيدر وبنتي يمي احسن
امي فوزيه: وخابر عله خواتج اخليهن يجن يمج كم يوم
ابويه حسين: يله فدك كيفي
فدك: اي والله كيفت
ابويه حسين: وهم صدك مبايلج جايبي بالجنطه كال حيدر خلي اتخابرني
امي فوزيه: كومي هسه خابري خطيه
.
.
فدك
كمت وخذيت الجنطه وصعدت للغرفه
.
.
.
.
يتبععع
.
{{مهم}}
.
((اذا حابين انشر بارت لصور الشخصيات الواقعيه كتبولي تعليق))