عشكَ عيون الملازم

البارت 19

السلام عليكم🥀
راح اكتبلكم تفاصيل الي راح اصير وره الاربعين لان الايام راح تمشي نفس الروتين كلهة فراح ابده بالاحداث كبل واتمنه تطوني رايكم بالتعاليق❤🫀
.
الاحداث كلهة حقيقيه لا زياده بيهة ولا نقصان القصه عباره عن واقع حال عشت بي اني اشلون جانت الايام حلوه قبل كل المشاكل بس كلهة انكلبت بعدين وطلعت من اعيوني
.
.
اتركم ويه البارت بعد😊🦋
.
.
.
__________________________
.
.
فدك
مرت الايام كوه لحد ما اجت لاربعين وكليوميه حيدر يتصل عليه وسالني عله حالي وشلون صرت
ولحمد لله اني هسه احسن من البدايه زختفت كل تخيلاتي الي جانت لازكه ابراسي وكلشي اتعدل بس ابكلشي اذكر كيان ولحد هسه ما الي قدره احذف محادثتنه عايفتهة وبيوم عادي هادأ ومر يوم واحد عله يوم الاربعين اني كاعده بالحديقه وحدي والساعه بال٩ونص بالليل اجت هاجر يمي
.
هاجر: هاا اشو هم وحدج
فدك: صافنه افكر
هاجر: الله يستر منج انخاف من هيج اسوين
فدك: ههه ليش
هاجر: انكول خاف هم اتخبلتي
كوثر: كاعدين وما صايحيني
هاجر: تعال خلي انشوف سالفه اختج
كوثر: اشبيهة بس لا رجعت
فدك: لا كلشي ما بيه
كوثر: لعد شنو
فدك: اريد اكللجن شغله
هاجر: ايي يله كولي مادام كلنه كاعدين وحدنه
كوثر: شصاير
فدك: راح يتقدملي ابن خال كيان
هاجر: شنووو وليش
فدك: ايي من اول يوم رجعنه من الزياره هوه اتصل وكالي هيج
كوثر: وليش هوه يتقدملج غير ابن خاله هوه
فدك: ايي كيان كاله قبل ليصير ايشي وصا عليه كون ينتبه وكون ما ازوج غيره
هاجر: لهل درجه جان ايحبج
فدك: ايي بس اني ثوله
كوثر: لا لتلومين نفسج هوه هم غلط وياج اشكد
فدك(ابتسمت وضحكت ضحكه خفيفه وكلت):احس الدنيه كارهتني
هاجر: لا انتي بس اصبري
فدك: شصبرر اول مره من جذبو عليه عود عدي غير كيان كلت عادي خلي اصبر هنوب وفات كيان وكلت اتعوض خلي اصبر هنوب هاي طلعتلي بعد ما بيهة صبر لان مساله مستقبلي هاي بعد طول عمري ويا
كوثر: لا لا انشاء الله خير يمكن ايكوم ايحبج اكثر من كيان واني مو شفته بالمستشفه خوش ولد وحلو
فدك: ما عليهة بالحلا او الجمال عليهة اهناا واشرتلهة عله كلبي
.
هاجر: الله كريم اصبري وشوفي وين تاليتهة
فدك: جا شسوي صابره
.
.
وثاني يوم
.
فدك
فزيت عله صوت الجهاز جاي ايدر شفت الساعه الساعه بال٦ونص الصبح وحيدر جاي ايدك كلت يا ستار شيريد
.
.
فدك: الووو
حيدر: هلوو كاعده
فدك: ايي حالين
حيدر: خوش اكلج
فدك: كول
حيدر: اليوم راح تجي امي عليج اشوفج اوكي بدلي وكشخي ولا اتبينيلهة اشويي بانج ما امفكره بهل شي اوكيي
فدك: شنوو بهل سرعه
حيدر: ليش اني اشكتلج اول ما حجينه كتلج وره الاربعين وصار يومين عله الاربعين من ماره
فدك: انشاء الله
حيدر: اطلعيلهة حلوه خووش
فدك: انشاء الله
خيدر: يلهه باي
.
فدك
سد الخط وراح واني متعجبه شنو الخربطه الاني بيهة شنو هاي اشجاي ايصيرلي يا ربي خليت وردت ارجع انام ما اجاني نوم بقيت تكلب بالجهاز واباوع عله صوره كيان واباوع عله اعيونه وذكرت اول ما شفته بالمحل وهوه عصبي ولبس النضارات حيل ايام حلوه مرت لحد ل٨الصبح كمت نزلت جوه وغسلت وجهي
وما اتريكت ليكول شلت الريوك من حياتي من اول مشكله مرت عليه خليت وصعدت حضرت ملابس ونزلت اريد اسبح
.
.
.
.
____________________
.
.
.
حيدر
واني بالسياره جاي افتر بيهة افكر اكول شنو هاي المشكله الي دخلتني بيهة يا كيان مو تعرف بيه اصلن اني مرتبط اشلون سالفه هاي هسه لازم اعوف لاحبهة بس علمود اتمسك ابوصيتك بس يله ايصير خير ورجعت للبيت طبكت السياره بالباب ودخلت للبيت اجت ابجهي امي
.
حيدر: هاا يمه شلونج
حمديه: لحمد لله يا يمه بس حايره
حيدر: ليش
حمديه: جان انتضرت دوره الحول مالت اخوك يله نخطبلك
حيدر: يمه لخاطر الله لسويهة سالفه عليه اليوم ترحين وهاهيه وراح اخطبهة وزوجهة ابسرعه وبدون صوت
سلام: عوفي يا ام حيدر شيسوي خلي ايسوي هوه مو طفل ويعرف ايفرق بين الصح والغلط
حيدر: شكرا بويه بس اريد اليوم اتروح وبسرعه ازوجهة
سلام: ميصير اله خاطرك طيب
حيدر: يله اترخص اني وانتي يا يمه حضري نفسج
.
كبل رحت صعدت لغرفتي اتمددت اتصل جهازي شفته لكيتهة جاي تتصل جاوبت
.
.
حيدر : الووو
نور: وينك صار اسبوع ماكو
حيدر: كافي نور لخاطر ربج كوم لحيتي عوفيني
نور: لاكي غيري موو
حيدر: (سكتت اشوي وكتلهة)ايي وليوم راح اروح اخطبهة
كبل هاي سدت الاتصال بدون مدكول شي كلت الله وياج
.
.
_______________________
.
.
فدك
اني فاتحه الكنتور عله حيله ومطشره الملابس وحايره شلبس اليوم شهل حيره يا ربي
كوثر: هاي شنو الهوسه
فدك: اريد اطلع ملابس الي اليوم البسهن من تجي المره
كوثر: الضاهر كيفتي ونسيتي كنكن(تقصد كيان)
فدك: انجبي لخاطر الله تعرفين كلش زين مجبوره عله كل هاذ لان ما اكدر اخلف وصيه كيان وخاصه لو جانت الي
كوثر: ايي صدك اعتذر
فدك: لو راجع كيان وكلشي ما بي جان هسه احنه مخطوبين
كوثر: بعد شنسوي كلشي راح ويا
فدك: ايي والله
.
منا ل٨بالليل اجت لمريه امي فوزيه اجت ركض صعدت
.
امي فوزيه: فدك حضري نفسج مره اجت اشوفج
فدك: يوو اشلون هسه الحك
امي فوزيه: ابسرعه يله
.
فدك
هيه ما تعرف اني من ال٦الصبح اجاني حيدر كالي اتحضري عاد كمت وبدلت لبست فستان لونه وردي وصخ  كلش حلو وخليت مكياج خفيف كلش ونزلت شفت هاجر بالمطبخ
.
هاجر: هاج العصير كالت امي اتقدمي انتي
فدك: اوكيي
خذيت العصير ورحت اودي واني خجلانه حيل دكيت الباب ودخلت شفت مره اكبيره وبصفهة ابنيه شابه وسلمت
.
فدك: السلام عليكم
حمديه: وعليكم السلام هلا ببنيتي
مريم: هلوو
.
فدك
كعدت كدامهن امبينه المره لكبيره ام حيدر حبابه من شكلهة بس البنيه الشابه احسهة كاعده وتخطط عليه😅
.
مريم(بيني وبين نفسي)هاي هيه فدك الكيان كتل روحه عليهة زينه حلوه لو تكدر هسه افضحج وما اخلي امي تاخذج بس حيدر هددني اني وزهراء اذا حجينه كلمه ايموتنه
.
فدك
شفت مرت ابويه اشرتلي عود كومي لميت الكوابه وكمت طلعت وسديت الباب وراي
وبقت كوثر ومرت ابويه كاعدات يمهن واني كعدت بالمطبخ يم هاجر وايدي عله خدي وصافنه
وراحن واجت مرت ابويه مكيفه
.
هاجر: هااا بشري
امي فوزيه: وافقو بس ينتضرن موافقه فدك
كوثر: هاا اشكلتي فدك
فدك: اشبيكم باوعتولي غير مده كون الي يومين تلاثه
امي فوزيه: لا ينتضرون هسه
.
فدك
اخخ يا ربي ما بيدي شي غير اوافق بس ما اكدر اخوو جان حبيبي اشلون هسه
.
مرت ابويه: يله فرحينه
فدك: هزيت راسي بمعنه ايي وكلت ايي موافقه
امي فوزيه: خوش خلي اخابرهة واكللهة وافقنه
فرحتيني حييل والله
.
فدك
اني كمت وصعدت نزعت الفستان وبدلت ملابس واني جاي امسح ابجهي اتصل جهازي شفته حيدر جاوبت
.
.
فدك: الووو
حيدر: هلا ابمرتي المستقبليه
فدك: هلا بيك
حيدر: عفيه عليج من وافقتي
فدك: ايي جا شسويي
حيدر: عفيه عليج تعرفين اتفكرين وبسرعه رديتو الجواب
فدك: غير امك رادت ابسرعه الجواب
حيدر: ايي لان تعرف راح اتوافقين
فدك: اشلون يعين
حيدر: ايي لان كتلهة حبيبتي انتي
فدك: اهااا هيج
حيدر: اييي
فدك: خوش متدام هيج
حيدر: يله روحي نامي احسن الج
فدك: باي
.
.
سد الخط وراح وكلت ربي شيصبرني ويه هل بشر اشكد مكروه امبين
خليت ونزلت يم اهلي
.
.
مرت الايام وتفقن امي وام حيدر بان بعد ٣ايام وراح ايسووهة هدوأ بدون صالون او بدله اكبيره هيج ابينه اصير واني هم كلت هيج احسن ما اريد صالون اني امكيج نفسي احسن بس رحنه وشتريت فستان اني ومرت ابويه ام حيدر وهاي البنيه الشابه اشتريت فستان لونه بصلي فاتح ولجتوف طالعه ونص الضهر والصدر كله مجوهرات كلش حلو اشتريت اشوي مكياج هم ايلائم ويه الفستان
.
مرن الايام اجه يوم الخطوبه اني بديت احضر نفس من ٤العصر فوك وحدي كعدت خواتي والبقيه كلهم جوه كرايبنه اجو بس وصات دنيه ليل صعدت مرت ابويه
.
.
امي فوزيه: ما شاء الله اجننين طالعه عين النبي عليج
فدك: شكرا
امي فوزيه: يله انزلي اجو كل المعازيم وراح يجون اهل العريس
فدك: اشوي ونازله
.
نزلت مرت ابويه اني بقيت اباوع عله المرايه وتمنيت لو كيان ابمكان حيدر تكمل فرحتي جان اتصل جهازي شفته حيدر
.
فدك: الوو
حيدر: هلا بالعروس شلونج
فدك: لحمد لله جاي احضر نفسي
حيدر: عفيه عليج واني خلصت هم راح نجيكم احنه ولمعازيم اشوي
فدك: هلا بيكم
حيدر: يله روحي انزلي احسن واني هم راح انزل
فدك: اوكي باي
.
.
سديت الخط ونزلت الاغاني مشغليهة وعاليه ولكل فرحان وتعجبو عله جمالي والكياج اشلون طلعت هيج حلوه ورحت كعدت بالصاله عله التخم واختي كوثر اجت كعدت ابصفي وهاجر اطكلنه صور وجت امي ابسرعه يمي لان اجو اهل العريس والعريس
.
.
___________________
.
.
حيدر
نزلت من السياره وسلمو عليه وباركولي لزلم كلهم وابويه وياي وشاورني
.
سلام: يله روح شوف عروستك
حيدر: ايي رايح
.
حيدر
رحت دخلت وصدقائي وراي يمشون باوعتلهم وكتلهم
حيدر: بعد انتو ادخلو لبسوهة الحلقه
.
الكل ضحك ابصوت عالي واني دخلت وعيوني بس ادور عليهة وجان شفتهة كاعده ومدنكه امبينه حلوه طالعه واني اعيوني ما انشالن من يمهة بس صافن عليهة جان هيه رفعت راسهة باوعت حواليهة هنوب باوعتلي شافتني صافن عليهة وهيه رجعت دنكت
.
حيدر(بيني وبين نفسي):اشكد حلوه يا ربي اني مشايفه هيج من قرب واضحه اشو اجنن طلعت حقه من كيان اتخبل عليهة اذا كل هل جمال😅
وشاورتهة
.
.
فدك
يا ربي هاذ اشبي صافن عليه موتني خجل بس لا يبقه هيج جان اجه شاورني
.
حيدر: حلوه طالعه
فدك: شكرا(واني منزله راسي)
.
.
حيدر بيني وبين نفسي
عابت درفعي راسج خلي اشوفج اكثر راح اكلج
جابو الحلقات لبستهة الحلقه وكلت راح ترفع راسهة من اتلبسني الحلقه وصدك لبستني الحلقه ورفعت راسهة وباوعتلي اشوي ورجعت خره بحضج دبقيي بعد
.
.
فدك
لبسني الحلقه هنوب اني لبسته الحلقه رفعت اعيوني عليه ياا ربي هاذ اشبي بس صافن ددير وجهك شسالفه
.
.
اشوي وصاحوله ايكوم هوه كام رفع راسي وباسني من كصتي وباوع لوجهي وراح متت خجل منه
.
.
حيدر
صاحولي كلت خطيه هاي الارمله اليمي هيج اعوفهة خلي افرحه كمت وبستهة من كصتهة ورحت😂😂
.
.
.
يتبع في البارت القادم❤❤
الاحداث حقيقيه بدون اضافات حبايبي احبكم😊🫀