عشكَ عيون الملازم

البارت 43

.
السلام عليكم❤
.
رجعت وياكم ابارت جديد❤❣
.
اتمنه يعجبكم❤🤍
.
اتركم ويه البارت حبايبي💫🥀
.
.
.
_________________
.
فدك
كعدت الصبح فزيت عله صوت روكيان تبجي رفعت راسي شفت حيدر نايم كبل كمت رحت الهة شلتهة من الكاروك خذيتهة يمي عله السرير شفت حفاضتهة نضيفه كلشي ما بيهة ردت ارضعهة مرادت بس تبجي وفز حيدر
.
حيدر: (بنعاس)اشبيهة تبجيي سكتيهة
فدك: ما اعرف اشبيهة مدري ليش تبجي
حيدر: شوفي حفاضتهة
فدك: شفت كلشي ما بيهة
حيدر: يمكن جوعانه
فدك: هم لا متريد ارضعهة
.
حيدر
كمت عله حيلي ورحت يم فدك وكتلهة
.
حيدر: خاف يوجعهة شي
فدك: ما ادري والله يمكن مكان اسنونهة لان جاي اتخلي ايدهة بحلكهة
حيدر: العلاج مالتهة مشربته الهة
فدك: ايي شربته الهة قبل لتنام
حيدر: نعله الله عله بليس اشبيهة لعد
.
فدك
بقيت اهزهز بيهة وفت بالغرفه بلكي تسكت بس مسكتت
.
فدك: حيدر الساعه ابيش
حيدر: الساعه بال٦وربع الصبح
فدك: يا ربي اشبيهة ابنيتي
.
حيدر
كمت كبل ورحت لفدك وكتلهة
حيدر: شو اطينياهة اطيني اني راح اسكتهة
فدك: اشلون اسكتهة؟؟
حيدر: اطيني ومعليج
.
حيدر
خذيت بنتي من فدك وكعدت عله السرير وخليتهة بحضني وهيه تبجي اني مديت اصبعي بحلكهة وكمت افرك ابمكان اسنونهة ليردن ايطلعن وهيه اشوي خف بجيهة
عرفت هل مكان يوجعهة لان هيه عدهة ضعف نمو ويمكن لان اسنانهة اتريد تطلع يوجعهة المكان
.
.
فدك
صدك حيدر بس فرك اشوي ابمكان اسنونهة خف بجيهة كلش وبس بقت بيهة شهكه مال بجي ودموعهة تنزل شلعت كلبي عليهة اشكد انقهرت عليهة حيل
اجيت كعدت يم رجلين حيدر قريبه عله ابنيتي وامسح ابراسهة وعدل ابشعرهة وكول
.
فدك: ربي يحفضج يا عمري انتي اسم الله عليج يا بعد اعيوني انتي
.
حيدر
باوعت لفدك اشلون مقهوره عله بنيتنه وكتلهة
.
حيدر: يله هاج الطفله خلي ارد انام اني بعد
فدك: ايي اطينياهة
وخذيتهة من حيدر وحيدر رجع نام واني كاعده وبحضني ابنيتي وفرك بمكام اسنونهة وباوع لعيونهة اشلون رافعتهن عليه وتباوعلي ومتروسات ادموع اشكد حلوات
وفجأه اجت ابالي وذكرت اشلون كيان من بجه علمودي علمود اسامحه منضر اعيونهة نفس اعيونهة ونداريت عله حيدر باوعتله كبل ردت اخلي بين اعيوني وما اذكر كيان حته ليقل حبي لحيدر
اشوي ونامت بنيتي ورجعتهة لكاروكهة واني رجعت انمطلت عله السرير وجهي دايرته عله حيدر وصافنه ابجهة وباوعله وبقيت اباوعله وذكر كيان وذكر مواقف حيدر لحد مغلبني النعاس ونمت
.
فزيت الصبح كمت بسرعه شفت الساعه بال٩الصبح كمت شفت حيدر ماكو وباوعت لبنيتي نايمه بعدهة خطيه منامت هيه ورحت بدلت ملابسي ابسرعه ولبست شالي ونزلت جوه لكيت عمتي كاعده بالمطبخ
.
فدك: صباح الخير عمه
حمديه: صباح النور هلا يمه
فدك: عمه مشفتي حيدر وين راح اشو كعدت ملكيتهة
حمديه: لا والله يمه حته مشفته نزل
فدك: هاا لعد هوه ما موجود بالغرفه
حمديه: والله ما اعرف يا يمه بعد
.
فدك
كبل رجعت صعدت للغرفه مالتي دخلت شفت حيدر واكف يم الميز وهستوه طالع من الحمام بس لابس شورت ومخلي الخاولي عله ركبته بس اتعجبت لكيته مدنك ويلعب ابجهازي مدري اشبيه خفت وكلبي كام ايدك بسرعه كبل سديت الباب ورحت وكفت كدامه وكتله
.
فدك: حيدر شكو
مجاوبني وباوعت لوجهة معقوج وضايج خفت بس لا لاكي شي عله زهراء بمبايلي ورجعت سالته
.
فدك: حيدر حبيبي شكو
حيدر: عفيه عليج يا فدك عفييه
فدك: شنوو سكوو (واحس كلبي وكع من الخوف)
.
حيدر
كبل رفعت راسي من الجهاز واني اعصابي فايره كبل كضيت فدك من شعرهة وكتله ابعصبيه
.
حيدر: لهل درجه الحيوانيه بيج متوقعت
فدك: اخخخ حيدر اشصاير والله ما مسويه شيي
حيدر:(بعيطه)انجبيي ولج طلعتي تطين جهازج لزهراء من اطلع يا قندره
.
فدك
متت خوفمن هيج كالي وكمت ابجي وكتله
فدك: والله ما مطيتهة وانته مو خذته مني
حيدر: انجبيي اني عايفه بالجرار بس وانتي من اطلع اني تطين الجهاز الزهراء اتراسل منه مووو اليوم انعل والدييج يا قندره
.
وكبل ضربتهة ابراشدي من قوته اندفعت اليوره
.
فدك
ضربني حيدر احس انصطرت من ضربته وكمت ابجي وكله
.
فدك:(ابجي)والله ما مطيته ايشي والله من يوم الخذيت الجهاز ما كاضتة
.
حيدر
رجعت كضيتهة من شعرهة وجريتهة عليهة وخليت وجهي بوجهة وكتلهة
حيدر: اليجذب مره ايجذب عشره مستحيل اثق وصدك بي بعد
فدك: والله ما مسويه شي والله
حيدر: دنجبيي شحسبالج اني غببيي مثلن هيج اعوف الجهاز عفت بي مسجل مكالمات وتصوير شاشه وكلشي طلعليي
.
فدك
انصدمت من هيج كلي واني كاضه ايده الكاضه بشعري وكتله
فدك: حيدر حبيبي والله ما مسويه اني ايشي والله يمكن زهراء من انته تطاع واني انزل تجي تاخذ الجهاز والله(واني ابجي وميته خوف)
.
حيدر
بقيت ساكت يمكن صدك تحجي تيهت شعرهة وخرت من يمهة ورحت يم الميز شلت مبايل فدك قفلته وعفته ابجيبي وبسرعه رحت نزلت لزهراء
.
فدك
شفت حيدر راح ايريد ينزل رحت ركضت ورا وهوه راد يطلع كضاني ودفعني داخل الغرفه وكال بعياط
.
حيدر:(بعياط)ابقيي جووه احسلج اليوم الله ميخلص زهراء مني ربهة احركه اليوم
فدك:(بعياط وبجي)لاا لاا فدوه حييدر بس اوكف
.
وكمت ركضت وهوه سد الباب ابجهي وقفله من وره واني بقيت ادك بالباب وعيط
فدك:(بعياط)حييدر فدوه حيدر افتح البابب زهرراااااء
.
حيدر
قفلت الباب عله فدك علمود ما توكف كدامي هم اني وزهراء اريد هل مره ابتلي بزهراء نزلت واجت امي ابجهي
.
حمديه: شكووو يمه ليش هل اصياح شصاار
حيدر: يمه وين زهراء (بعصبيه)
حمديه: لييش اشصااير شكوو
.
.
زهراء
واني كاعده بالغرفه وافكر وذكر اشلون من حيدر يطلع وفدك تنزل تطبخ وتنضف واني اصعد اخذ الجهاز مالتهة وحجي ويه باسم حبيبي وتصل عليه وما صحاني من فكري غير صوت حيدر وهوه ايصيح وصوت فدك اتعيط كلبي وكع من الخوف كبل كمت من مكاني وبقيت احوص بالغرفه وجان اشوي ويدخل حيدر للغرفه ركع الباب ابقوه وامي ورا تكض بي وتعيط وهوه اجه عليه واحس الكاع تشتعل من عصبيته وجان ضربني راجدي من قوته وكعني بالكاع ونزل عليه دك كتل ودفرات ومن شعري وامي اتريد اتوخره متكدر اتوخره واني خشمي وحلكي كامن اينزفن دم من الكتل وامي من شافتني كبل اتخربطت واني كمت اعيط
.
زهراء: يممهه امي اتخربطت حيدر فدوه امييييي(بعياط وبجي)
حيدر:(بعصبيه وعياط)انعل ابوج لابو امج وياج يا كحبه ولجج يا صاقطه اشلون هيج ولج يغلط عليج وانتي ادزين ابصوور جسمج الهه ولج ايفشرر عليج يا كحبه يا ما تستحيين
.
وركعتهة ابدفره عله بطنهة وامي من هيج ضربتهة جبرت نفسهة وكامت رادت اتوكفني ورجعت وكعت بالكاع وتبجي بس اني الشيطان عماني من عصبيتي منتبهت الهة
.
.
فدك
واني كاعده بالغرفه يم الباب وابجي ودك بالباب وسمع اشلون حيدر ايصيح وامه تبجي وصيح كلبي انخمش عليهم ومنا بنتي جاي تبجي بس اني بقيت يم الباب مرحت الهة اشوي وصارت صنطه ماكو حس وكمت اسمع خطوات تتقرب عله الباب كبل وخرت اشوي وحيدر فتح الباب وشافني وباوعلي وكالي
.
حيدر: اصبريلي والله اذا ما اطلكج اذا امي صار بيهة شي من تفف عليج وعله الخلفج
.
وعفتهة وركضت عله الميز خذيت اسويج السياره ونزلت ركض
.
فدك
بس شفت حيدر اخذ السويج ركضت لبست عبايتي ونزلت ركض ورا شفته شايل امه وركبهة السياره اني ركضت لزهراء دخلت لغرفته واني ابجي  ولشهك كتلهة
.
فدك: زهراء صعدي لبنيتي رايحه ويه حيدر
.
ورحت ركضت وحيدر عاط بيه
.
حيدر: ويين مترحين لاي مكان
فدك: فدوه حيدر ابوس رجلك عمتي تعبانه وتحتاج مره وياهة
(واني ابجي وتوسل بي)
.
حيدر
هزيت راسي بمعنه اي وركبت بالسياره وفدك ركبت يم امي اليوره وبسرعه اتحركنه للمستشفى ونزلت ابسرعه اني وفدك وشلت امي وطلعتهة من السياره وركضت بيهة للطوارأ واول مدخلت عطت
.
حيدر:(بعياط)اريد سدييه بسرعه
وركضو وجابو سديه خليت امي عليهة وهيه متخربطه ودخلوهة بغرفه الفحص
.
فدك
اني اركض وره حيدر لحد مدخلو امه حته ايفحصوهة واني ردت ادخل ودكتور وكفني
.
الدكتور: اسف اختي بس ميصير ادخلين
فدك: وللييشش ميصير
الدكتور: انخلص وعادي ادخلي
.
فدك
وخرت ورحت كعدت عله الكرسي وحيدر كاض راسه ويفتر حوالي وره ساعه واحنه كاعدين طلع الدكتور وحيدر ركضله وكضا
.
حيدر: هاا دكتور بشر شصاير؟؟؟
الدكتور: اخذ هاي الورقه وجيب من الصيدليهة المطلوب منك
.
حيدر
باوعت للورقه وخذيتهة ورجعت سالت
حيدر: اميي شلونهة
الدكتور: اشوي ونعرف اعتذر
.
فدك
اباوع لحيدر كلش خاف عله امه وكالي
حيدر: راح اروح اجيب علاج ورجع ابقي اهنا
فدك: حاضر
.
وراح حيدر واني بقيت كاعده وصافنه وافكر وذكر الي صار ورتعب من وحدي اشوي واجه عمي يركض
.
سلام: بوويه فدك عمتج اشلونهة
فدك: (كمت وكلت)عمي ما نعرف ايشي لحد هسه محجو
.
واجه حيدر وجايب ويا علاج بمغذي
.
سلام: بوويه حيدر اشصاار ليش هيج امك
حيدر: بويه بعدين نحجي
ورحت اطيت العلاج للدكتور ورجعت وكلت لابويه
.
حيدر: بويه اكعد ارتاح
سلام: ولك اشلوون اكعد ورتاح وامك بهل حااله
حيدر: الله كريم بويه
.
فدك
كعدو عمي وحيدر وشوي وطلع الدكتور وحيدر وعمي طفرو اله
.
سلام: كوول بشر دكتور
الدكتور: اسف بس المريضه صات بيهة جلطه وجانت قويه كلش ومتحملتهة
حيدر:(بعياط)وشصااار احجيي شصاار لامي
الدكتور: انصابت بشلل نصفي
.
فدك
اني كبل كضيت حلكي وكمت ابجي وعمي كبل نزل راسه ونزع لعكال وكعد عله الكرس ويبجي وباوع لحيدر الوجهة صار اصفر مينوصف جان كبل يخرط ويوكع حيدر اتخربط اني عطت وركضت عليه كضيته
.
فدك:(بعياط وبجي)حييدرر اشبيك حيدرر
وكاضه وجهة واريد اكعده وعمي الصافن ولا ليكول شي يمه واجو الممرضين شالو حيدر وخذو وهوه متخربطه حالته وخلو بغرفه وكعدو عله كرسي وشدوله كانونه واني احاجي ميحجي بس ايباوع
.
فدك: حبيبي حيدر فدوه جاوبني حيدر كلبي انته(احجي وابجي)
.
اشوي وجان حيدر يشهك بكل قوته وينزل راسه ويكوم يبجي بصوت عالي ونزل راسه واني كضيت راسه بسته وحضنته وهوه يبجي وكال
.
حيدر:(ابجي)اميي فدك اميي كله بسببي يا فدك امييي
فدك:(ابجي)حيدر كافي يعمري انته لا تبجي اروحلك فدوه كافي يروحي انته كافيي
.
وكمت ابجي ويا وهوه ضام وجهة بجتفي ويبجي اشوي واجه عمي وكال
.
سلام: يله لازم نرجع وناخذ امكم ويانه بعد
.
.
.
يتبع........