عشكَ عيون الملازم

البارت 36

السلام عليكم❤
.
.
رجعت وياكم ابارت جديد اتمنه الكل يتفاعل ويطي رايه ابتعليق❤🥀
.
.
اتركم ويه البارت كليباتي❤❤
.
.
.
_____________________________
.
.
فدك
مرن تلاث اشهر بشلاع الكلب ويه حيدر كوه من حالته صات زفت صار حيدر حيل ضعيف وجوه اعيونه سواد ولحيته حيل اطويله وشعره اطويل ميقبل ايروح للحلاق كل مااكله ايسوي مشكله اشكبرهة وياي كام مياكل ويه العائله بالليل لمن الكل نايم هوه ينزل ياكل وحده ويصعد اني ما انام يمه عله السرير انام عله الكاع لان هوه كالي ما ايريد انام يمه وما ايخليني اروح لاهلي ولا يقبل اخابر واحد منهم ولا اعرف اخبارهم بس مره اجت مرت ابويه زارتنه هي وابويه وما كتلهم لان هددني حيدر اذا احجي شي حلف يكتلني لحد مايطرحني لبطني واني محجيت شي صارت حياتي سوده ويا
.
ويوم من الايام واني جاي اغسل اماعين وكاضه ضهري لان حيل يوجعني عمتي ما موجوده والبنات بغرفتهن وعمي مريض نايم من اول يوم رجع من سومره ولهاذ اليوم مريض وماله خلك كلش
خلصت تنضيف كعدت عله الكرسي وكاضه ضهري اجت مريم
.
.
مريم: الله يساعدهم
فدك: هلا
مريم: خلصتي تعزيل المطبخ
فدك: ايي خلصت
مريم: امي وصتني اكلج اتنضفين غرفه لان صار فتره ما منضفيهة
فدك: يا غرفه كلشي منضفين
مريم: تعالي وياي اشوفج اياهة
فدك: صاار امري لالله بعد
مريم: عفيه عليج
.
وكمت ورحت ويه مريم صعدتني لطابق الثاني وكتلهة بتعجب
.
فدك: شعدنه اهناا؟؟
مريم:(اشرت الهة عله غرفه كيان لقافليهة وكتلهة)شايفه ذيج الغرفه
.
فدك
انداريت شفت هاي الغرفه الجهة اللاخ من اول يوم زواجي شفت هاي الغرفه مقفوله ولا واحد فاتحه يوم تعجبت وكلت
.
فدك: بس هاي مقفوله
مريم: سهله يمي المفتاح هاج وروحي  فتحي الغرفه ونضفيهة امر من امي هاذ
.
فدك
اطتني المفتاح واني بقيت اشوي اباوع عليهة وما مصدكه مدري ليش بس كالت ام حيدر كالتلهة ادكلي خليت ورحت للغرفه فتحتهة بالمفتاح وفتحت الباب وشفتهة ضلمه فتحت لضوه وشفت غرفه نوم كامله وكبيره وكلش حلوه بس الغرفه متروسه اتراب وصخ وتعجبت ليش مثل هل غرفه قافليهة ومحد بيهة شنو السبب
.
.
مريم
شفت فدك راحت فتحت الغرفه وفتحت الضوه ودخلت بيهة اني كبل درت وجهي ورحت لغرفه حيدر كبل فتحت الباب الغرفه شفت حيدر كاعد عله السرير وكالي
.
حيدر: خيرر شتردين
مريم: لا ما اريد شي بس اجيت اسال سؤال
حيدر: وشنو سؤالج
مريم: انته كلت لفدك اجيبلك شي من غرفه كيان
حيدر:(عدلت كعتي وفارت اعصابي وكلت)لا للييش؟؟
مريم: لا بس هسه شفت فدك ابغرفه كيان كاعده عله السرير وحدهة
.
حيدر
هيج كالتلي واني شمرت الجهاز وطفرت من مكاني واني فاير عليهة اريد اكضهة افلشهة صدك راح اندمهة ورحتلهة
.
.
فدك
واني واكفه بالغرفه وحايره منين ابدي بالتنضيف وجان ما احس الباب الغرفه انضرب بقوه وصوت حيدر الي خلاني ابيد ابمكاني من الخوف ولعيطه شعلوهة
.
حيدر:(بعياط وعصبيه) فدددك😡
.
فدك
شفت حيدر اعيونه حمرر وفاير واني رجعت الليوره من الخوف وهوه اجه كضاني من شعري وسحلني منه للغرفه شمرني وسد الباب واني رفعت راسي اريد اكوم هوه اجاني ضربني راجدي لطخ راسي بالكاع من قوته وكام ايعيط عليه وحجي
.
حيدر:(بعياط وعصبيه)ولج عيب عليج عييب استحيي عله لبطنج ولج ابني ابطنج وانتي داخله غرفته لييش يا صاقطه
فدك:(ابجي)حيدرر ما مسويه شي والله
حيدر: ولج اني زوجج وبعدج اتحبيي بعده كلبج ايرف علييه ولج اطيتج روحيي ولج كح...
فدك: والله ما اعرف اشتقصد فدوه عوفنيي(ابجي)
.
واني احجي وابجي وهوه يضرب بيه ويملش ابشعري واخر شي كض راسه وخر مني واني عله الكاع وابجي وهوه اجه شالني من شعري وكالي
.
حيدر: اتحبيي بعده ابكلبج موو
فدك: لا والله لاا صدك ما اعرف والله (ابجي وبترجي)
حيدر: لا لا انتي بعدج اتحبيي واني راح اسوي معروف وياج
فدك: فدوه حيدر عوفني فدووه
حيدر: لا لا راح اسوي معروف وراح اجيبه الج تدللين يا فدك رااح اجيبه الج
وخر مني راد يطلع من الغرفه وكتله بعياط
فدك:(بعيطه)حييدر شراح اسووي
حيدر: راح اروح اجيبه الج من النجفف
فدك: حييدر اووكفف
.
وعافني وطلع من الغرفه واني ركضت ورا كضيت ايده قبل لينزل من الدرج وهوه عت ايده مني وضربني راجدي وكعني بالكاع وحلف
.
حيدر: والله العضيم والله ما ارجع لهل بيت اذا مو كيان وياي رايحله
.
فدك
ونزل واني اعيط ورا وابجي وهوه راح ابكل سرعته شغل السياره وطلع واني ركضت لجهازي وتصلت ابعمتي مجاوبت اتصلت ابعمي اشوي وجاوب
.
سلام: الوو
فدك: الووو عموو الحكلي
سلام: شكوو شصاير
فدك: عموو حيدر اتخبل من وحده وكال راح اروح لاخوي اطلعه من كبره واجيبه
سلام: شنووو اشجاي تحجين
فدك: والله يا عميي والله
سلام: روحي هسه اني ارجعه
.
فدك
سديت الخط من عمي ورحت نزلت بسرعه رحت لمريم لكيته كاعده بالمطبخ مخنوسه واني اجيت ابجي وعطت بيهة واني ابجي وشاهك
.
فدك: ليشش هيج لييش حرام عليج والله حرام ولج هجمتيي بيتي خبلتيي رجلي ليش خافي الله بيه ليشش حسبي الله عليج حسبي الله
.
وكعدت عله اركبي ورفعت راسي وابجي بصوت عالي ودموعي تنزل عشره عشره وامسح بيهن وهيه بس اتباوعلي وساكته وزهراء واكفه ورايه جانت واجت حضنتني من وره وسكت بيهة
.
زهراء: كافي كلبي انتي هسه ابويه ايرجع حيدر ويصير احسن وياج كافي تبجين حبيبتي
.
.
فدك
مر الوقت واجت عمتي وزهراء حجت كلشي لعمتي وعمتي اتخبل من الصار وراحت كتلت مريم كتله وكلتلهة لطلعين من الغرفه ابد ما اريد اشوفج واني كاعده بغرفتي وحدي ميته قهر عله الصار وابجي وكلبي مشتعل نار ولا حيدر امبين ولا عمي صار الليل وماكو خبر من يمهم واني ممطوله عله السرير وبين ادموعي غلبني النعاس ونمت
.
.
.
حيدر
واني وصلت النجف وماكو عقل ابراسي متخبل احس اكو شي جاي ايوسوس ابراسي ويكلي اسوي هيج وصلت المكبره واني فاتح اضويه السياره لان دنيه ليل طلعت منهة ورحت للجنطه احس روحي اعمه ما اشوف شي كدامي طلعت الفاسه منهة ورحت عله كبر كيان وهوه قريب عله الشارع كلش وكفت يمه واني ادموعي تنزل وبدون توقف
وكعت عله ركبي وعطت بكل قوتي وضربت اديه اثنينهن ابقوه بكبره وابجي وكمت احجي بعياط وخبال
.
حيدر:(ابجي وعياط)وللك انته شسويت بييه ولك دمرتنيي يا خوويه ولك انته شديتني بوحده ما تنسااك انته كسرت كللبيي كسرت ضهرري بيك انتته ولك عقل ما ضل ابراسيي ماا ضل ماا ضلل
.
احجي والطم ابجي ابقوه وابجيي
حيدر: لك اطللع اطلع خلصني من الخليتني بيي كاافي ما شبعت نووم كووم كوم اليوم ترجع وياي ما اخليك وعلليي ما خلييك
.
واني ابجي ومشايف دربي كضيت الفاسه وكمت افلش بالكبر وابجي واعيط واحجي ابترجي
.
حيدر:(واني افلش وعيط اكول)اطللع اطللع انتقمت مني انته مسويتلك شيي اطلع خللصني فدووه سااعدنيي سااعدنيي خلصني من الاني بيي ولك خللصنييي  ليش كل هل عذاب
.
شمرت الفاسه وكعدت عله الكبر عله اركبي وكمت احفر باديه وابجي واحجي
حيدر: يله اطلع اتخربط كلش من رحت فدوه ياا خويه فدووه ارجع
.
.
.
يوم ثاني
.
فدك
من الصبح فزيت خايفه ومقبوضه مدري شحس خليت وكمت من الفراش شفت الساعه بال٦الصبح وماكو لا عمي ولا حيدر نزلت وخذيت جهازي وياي جوه رحت كعدت بالمطبخ عله الكرسي يم الميز واني ادعي ربي
.
فدك: ياا رب رجع حيدر ابسلام وامان يا رب بعده عن كل اذه خلي يرجع النه سالم يا رب انته الوحيد الي تكدر اترجعه يا رب اترجاك رجعه النه ما اريد اخسره ولا اريد اربي ابنه بدون ابوو اني حامل بابنه يا رب لا تخسرنيا
.
واني كاعده اجت حمديه وكعدت اكبالي
.
فدك: صباح الخير
حمديه: هلا بيج اكو خبر الهم
فدك: لا
حمديه: ياا ربي حفضك وسترك لابني ولرجلي
.
واحنه كاعدين وره ساعه اجه اتصال عله جهاز عمتي من عمي سلام كبل جاوبت بسرعه
.
حمديه: الوو سلام وينكم
سلام: حمديه لكينه ابنج بالنجف راح اخذه للامام علي بن الحسين باجر نرجع
حمديه: يمه وليدي سلام دير بالك عليه فدوه اروحلك
.
فدك
حجت ويا واني كلبي طاك اريد اعرف شكاللهة سدت الاتصال وهيه تبجي سالتهة كبل
.
فدك: عمه احجي شكوو
حمديه: يمه فدك باجر يرجعون
فدك: ليش باجر اشصاير
حمديه: لاكين حيدر بالنجف وابو راح ياخذه للامام ايزوره
.
فدك
كالتلي لاكي بالنجف لو كل حيلي انهد كعدت عله الكرسي واني ادموعي كامت اصب سره يا ربي اشسوه هاذ اتخبل عله الاخر
.
بقيت انتضر لليوم الثاني مكليت شي نفسيتي مسدوده كلش زهراء تقنع بيه ادكلي علمود لبطنج واني ما اريد بقيت بس كاعده بالحديقه وادعي ربي لحيدر صارت الساعه بال١١بالليل صعدت لغرفتي كوه اسحل بروحي حيل ما ضل بيه احس حيلي انهد كله كبل شمرت نفسي عله لسرير محسيت نفسي اله نمت من التعب
محسيت اله كعدت شفت الساعه بال٧ونص الصبح كبل كمت بسرعه نزلت شفت عمتي كاعده عله الدرج اجيت وكفت كدامهة وكتلهة
.
فدك: يمه ليش انتي كاعده اهنا وحدج
حمديه: اتصل عليه سلام وكالي واصلين وبقيت اهنا انتضر
فدك: لحمد لله من وصلو
حمديه:(ابجي)يمه وليدي يا رب حفضك عليه
.
واني كعدت ابصف عمتي وانتضر راه نص ساعه دك الباب ابقوه اني ركضت اله فتحت الباب كبل دخل عمي ويا حيدر كاضه وياهم ولد اثنين
.
سلام: الديوانيه افتح بابهة بسرعه
.
الولد فتح الباب ودخلو حيدر وهمه ويا اني شفت حيدر مدمر وجهة كله اتراب ومنتهي اعيونه مورمات من البجي امبين
همه كعدو بالديوانيه عمتي دخلت لحيدر وتبجي عليه وحجي ويا وهوه ميجاوبهة ابشي بس ايكللهة اريد انام الشباب راحو وفرشو لحيدر وهوه اتمدد ونام طلع عمي سلام وحمديه واني واكفه يم باب الديوانيه اباوع لحيدر اشلون نايم خليت ودخلت اجيت يم راسه كعدت كضيت شعره وكمت ابجي بهدوأ ما اريد افززه
بقيت كاعده يمه اهواي وهوه نايم ونتبهتله هاذ كام يتحرك هوه ونايم ويطلع صوت مدري اشلونه اني خفت عليه وكلت بكل هدوأ
.
فدك: حيدرر
.
هوه كبل فتح اعيونه ابكل وسعهن وطفر من مكانه وركض للحديقه واني ورا راح يم المغسله وكام ايذب من راسه ايزوع اني انتبهت الي ايذبه شي اسود ودود ويا وسلبوح وهوه ايزوع يبجي احس اتريد تطلع روحه من ايذب من راسه وهوه يبجي اني افرك ابضهره وكله
.
فدك: ذبه كله لتخلي شي حته ترتاح ذبه
.
.
.
يتبع في البارت القادم❤❤
اطوني رأيكم حبايبي