عشكَ عيون الملازم

البارت 49

.
.
السلام عليكم❤❤
.
.
رجعت وياكم ابارت جديد اتمنه الكل يعجبه ويضيف لايك حته يفرحني لا تقره وتروح🥲🥲❤
.
.
مع تحياتي الكاتبه: ضحى الطائي🥀❤
.
.
اتركم ويه البارت حبايبي❤❤🥀
.
.
______________________
.
.
فدك
اجه الليل صارت الساعه ب٩ونص تقريبن واني هستوني سبحت بنتي ومطلعتهة من الحمام ولافتهة بالخاولي وكلشي ما ملبستهة
صعدت فوك للغرفه واني جاي انشف الهة واجاني اتصال كمت خذيت الجهاز من الميز شفت حيدر جيتصل عله الوتساب كبل جاوبته
.
فدك: الوو
حيدر: يا هلا شلونج
فدك: هلا بيك عمري شلونك اخبارك
حيدر: لحمد لله ابخير اسال عليج
فدك: والله زينه اني وهستوني سبحت كنونه طلعتهة جديده
حيدر: والله فتحي كامره خلي اشوفهة مشتاق الهة
فدك: يعني بس مشتاق الهة
حيدر: ولأمهة هم حيل مشتاق لأمهة
فدك: حياتي انته هسه خلي اجيب السماعات وفتح كامره
حيدر: يله بسرعه عجلي شوي
فدك: دصبرر😅
ورحت جبت السماعات وكعدت وخليت كنونه بحضني وهيه ملفوفه بالخاولي وفتحت كامره ويه حيدر
.
حيدر: هلا بكنونه بابه شلونج
.
فدك
حيدر يحجي وياهة وهيه بس تعيط وتضحك وهوه يحاجيهة ليكول حوار مهم بينهم😂
.
حيدر: شنو هاي طالعه تخبلل
فدك: اني لو هيه
حيدر: انتي شنو الجكمه اكيد بنيتي
فدك: هيج صارت يعني
حيدر: ايي هيج صارت ولما يعجبه يضرب راسه بالحايط
فدك: خوش اني عاجبني ابقه يم اهلي بعد شهرين ارتاح
حيدر: اي حقج مو اخترعتي الذره وهسه تردين ترتاحين اشعددج شهرين اطلعين حصاد انتي وما اعرف
فدك: ههههه غير ارتاح
حيدر: دسكتي كاتلتج الغيره من يمنه اني وبنتي
فدك: لا ما اغار انيي
حيدر: كولي والله متغارين
فدك: والله ما اغار
حيدر: هاا خوش لعد خلي اكلج هاي السالفه
فدك: كول
حيدر: اكو ابنيه ويانه بالشغل والله عاجبتني اشك شك
فدك: الله شكَك كون
حيدر: (بضحكه عاليه)ههههههههااي ودكول ما اغار😂😂
فدك: اني ما اغار بس من توصل يمك لا تختلف السالفه بعد
حيدر: اهاا هيج يعني
فدك: اي والله
.
.
بقينه نحجي ونسولف اني وحيدر ونشافه وبقينه لل١١وربع سدينه لاتصال لان اجه صديقه بعد عيب ولبست بنتي ملابسهة ونزلت جوه
.
.
_________________________________
.
حيدر
اجه جابر صديقي ليشاركني بالكرفان وسدينه لتصال بعد وهوه انمطل عله السرير وكال
.
جابر: جنت تحجي ويه ألاهل
حيدر: اي والله مشتاقلهم
جابر: اي والله صدك اني هم مشتاق لهلي
حيدر: جا متحجي وياهم
جابر: لا زعلانين مني هلي بس ويه عائلتي احجي زوجتي وجهالي
حيدر: صالح اهلك احسن الدنيه كاضيه تره
جابر: صح حجيك بس اشكد حاولت اصالحهم بس همه ميقبلون ابوي دومه يشحتني من البيت من اجي اعتذر
حيدر: شنو سبب هل زعل
جابر: لان اهلي رادو ايزوجوني بت عمي واني مردتهة وزوجت حبيبتي غصبن عليهم
حيدر: يعني هاي السالفه قديمه
جابر: اي صار ٢٧ سنه تقريبن
حيدر: الله كريم انشاء الله يرضون
جابر: اتمنه....وانته كم طفل عندك؟
حيدر: بنيه وحده
جابر: وحده بس
حيدر: ايي وحده اسمهة روكيان
جابر: اسمهة كلش حلو وهيه نفس اسمهة حلوه
حيدر: بعد احله من اسمهة وهاي صورتهة
.
حيدر
طلعت صوره بنيتي اله وهوه شافهة وكال
.
جابر: اللهم صلي على محمد شني من طفله ربي يحفضهة الك
حيدر: تسلم ورده ويحفضلك جهالك
جابر: مشكور ويحفضلك عيون بتك الحلوه
.
.
حيدر
بقينه نسولف اشوي ونحجي بالشغل لحد متاخر الوقت كلش ونمنه
.
.
_________________
.
.
فدك
مرن الايام يوم وره يوم ايزيد اشتياقي لحيدر مع العلم كل وقت احجي ويا اني بس اشتاقله وقبل ميرجع حيدر ابيومين اجت مريم زارتنه
واحنه كاعدين بالصاله كالت مريم
.
مريم: اكلج فدك حبيبتي
فدك: ها مريم
مريم: احنه ابيوم اليجي حيدر راح انسوي عزيمه لكل اصدقاء ابويه ولكرايب
فدك: ليش شنو سبب العزيمه؟؟
مريم: تعرفين عمي مسوي عمليه وهسه هوه بحال زينه ابويه راد ايسويله عزيمه ويعزم الكرايب
فدك: خووش يعني كشخه لازم نطاع
مريم: ايي واجيت اني حته اروح اني وياج نشتري ملابس وغراض حته اطلعين احله وحده انتي
فدك: اي بس لازم اكول لحيدر
مريم: ميحتاج كتله الصبح راح تجين وياي للمحلات
فدك: اي وره منرجع اريد اروح للصالون اريد احف وجهي وصبغ شعري صبغ حلو
مريم: عفيه عليج ويله كومي كولي لابوج ولامج وبسرعه خلي اروح حته الحك
فدك: ايي كايمه
.
فدك
كمت وعفت بنتي يم مريم ورحت لامي كتلهة كالت عادي روحي مادام حماتج وياي ومعليج ببوج اني اكله
واني ابسرعه رحت لبست شالي وعدلت وجهي بمكياج خفيف ولبست العبايه ورحت نزلت لمريم
.
فدك: يله مريم خلي اروح بس اروح اودي بنتي يم امي ورجع
مريم: انتضرج يم الباب
.
فدك
رحت ابسرعه وديت بنتي يم مرت ابويه ورجعت لمريم ورحنه اول شي للمحلات مال ملابس اشتريت اني فستان اسود اشوي ضيك من الصدر ورداناته نازلات كلوش كلش حلوات ومن جوه اشوي منفوش بطبقات اقواي من القماش وفوك الطبقات اقماش تور متروس لمع كلش حلوو وبي احزام احمر عريض وشتريت ويا كعب احمر عالي وشوي مكياج ومريم اشترت فستان اطويل وعريض لان رجلهة ميقبل وراح يجي هوه
وخلصنه مشتره كبل رحنه لام الصالون حفتلي وصبغت شعري بني فاتح طلع ايخبل فتح وجهي كلش اول مره هيج اصبغ كله اسود حته بعد مزوجت ومريم بس حفت مصبغت
.
ورجعنه للبيت ابوقت متاخر مريم مكعدت
.
فدك: تعالي طبي للبيت ارتاحي
مريم: لا اتاخر الوقت لازم اروح بعد
فدك: اوكي عله راحتج حبيبتي
مريم: فدك اشوكت تجين بعد لبيت اهلي
فدك: غير من يجي حيدر
مريم: ها اوكي عله راحتج كلبي اني بعد اترخص
فدك: الله وياج عمري
.
.
فدك
راحت مريم واني شلت غراضي ودخلت جوه كبل صعدت فوك اعزلهن وامي أجت شوفتهة اياهن وحيل عجبنهة هم وضميتهن بالكنتور وخذيت بنتي سويتلهة ممه لان جوعانه شفتهة
.
صار اليل صارت الساعه 10:7اتعجبت وحيدر ماكو متصل اني اتصل عليه طلعلي الجهاز مغلق او خارج منطقه التغطيه اتعجبت اول مره هاي دزيتله رسايل وسديت الجهاز ونتبهت لبنتي نايمه بالفراش اني هم جبت بطانيه وجيت نمت ابصفهة
.
.
.
_________________
.
يوم العزيمه
.
.
حيدر
رجعت للبيت بعد خلص دوامي بعد واول مدخلت فرعنه كوم سيارات اكو طابكات ماكو مجال لسيارتي اطبكهة طبكتهة كبال بيت جيرانه الفرع الثاني وقفلتهة ورجعت للبيت فتحت الباب بالمفتاح شفت كووم خطار بالديوانيه كبل دخلت سلمت عله كل الزلم كرايبنه وصدقاء ابويه وعمي موجود لمسوي عمليه
.
حيدر: لحمد لله عله سلامتك عمي
ابو نور: الله يسلمك ابني الغالي
حيدر: هلا بيك عمي اترخص اني هستوني جاي من الشغل واريد اسبح ونزل
ابو نور: معذور ابني معذور
.
حيدر
طلعت شفت كوم نسوان
حيدر: السلام عليكم
الكل: وعليكم السلام
.
حيدر
واني مدنك راسي من النسوان اله صوت جذبني اله وبنفس الوقت ضجت وعقجت وجهي
.
نور: الله يساعدك ابن عمي
حيدر: هلا نور
.
حيدر
بدون ما اباوعلهة رديت وكبل صعدت للغرفه شفت مريم ابجهي
.
حيدر: فدك وين؟؟
مريم: اجت بالدرب اخوهة جابهة
حيدر: ها خوش لعد
.
حيدر
دخلت للغرفه كبل وسديت الباب ورحت طلعت ملابسي ودخلت للحمام
.
.
______________
.
.
فدك
بدلت ملابس هاي لشتريتهن جدد وخليت مكياج خفيف بس كلش حلو وكويت شعري وهوه اطويل طلع ايخبل وبدلت لبنيتي لبستهة بدلتهة وسويتلهة ستوتات بشعرهة لصغير واخويه اخذني وصلني لبيت اعيالي لان حيدر اتاخر وما اجه
.
نزلت من السياره اخويه راح واني دكيت الباب طلعلي عمي
.
فدك: اشلون عمو
سلام: ياا هلا بفدك هستوه نور البيت
فدك: بنورك عمي حيدر اجه
سلام: من اشوكت اجه
.
فدك
كبل دخلت وشفت زهراء ابجهي طلعت
زهراء:(بعيطه)فدددك حبيتي
وحضنتني
فدك: هلا بزهراء شلونج
زهراء: ولج كلبي طاك عليج
فدك: حبيبتي انتي
زهراء: اطيني عبايتج اطيني
.
فدك
سحبت مني العبايه وبقت اتباوعلي وكالت
زهراء: شنوو هلل جماال ولجج اتخبللين
فدك: والله
زهراء: ولج طالعه فد شيي وانتي وبنتج كشخهه سووه
فدك: يعني راح يعجب حيدر
زهراء: ويتخبل هم من جمالج
.
فدك
ضحكت وفتحت الشال بس هيج عفته عله راسي وجان دخلت للهول سلمت لكل بقه ايباوع عليه كل النسوان الي عجبهة ولما عجبهة ولي مضغوطه
وشفت الحجيه لكبيره كاعده كبل رحت الهة
.
فدك: هلو شلونج خاله
الحجيه: هلا بيج يمه ما شاء الله تبارك الله شهل جمال
فدك: تسلمين خاله
الحجيه: شوو اطيني حفيدتي اطيني خلي اشمهة
.
فدك
اطيت بنتي الهة وسلمت عله باقي النسوان كلهن وشفت عمتي حمديه اتباوعلي وفرحانه كبل رحت اله بست ايدهة وكلت
.
فدك: اشلون عمه
حمديه: بخيرر اني بس شهل جمال اتخبلين طالعه
فدك: شكرا ربي يحفضج النه
.
فدك
وبس رفعت راسي اجت عيني بعيون حيدر وهوه واكف يم الدرج وفاتح اعيونه عليه وجه مصدوم صاير كبل رحت اله وكفت كباله وكتله
.
فدك: شلونك حبيبي
حيدر:(واني عاقج حواجبي)هاي شنو
فدك: شنو؟؟
حيدر: ليش هيج لابسه
فدك: ليش اشبي لبسي
حيدر: عيب هسه من النسوان من نصعد نتفاهم
.
فدك
وكبل دار وجهة مني وراح واني بقيت متعجبه واكفه ابمكاني شفت ابنيه واكفه يم باب المطبخ وتباوعلي وكالبه وجهة مدري اشبيهة بس هيه حلوه بيضه وشعرهة اكصير لحد جتوفهة كاصتهة وبي شكار اشوي وعيونهة عسليه وناعمه
ودارت وجهة مني اني كبل رحت للمطبخ ويه راحت شفت مريم
.
فدك: هلو مريم
مريم: يا هلا بفدك شهل جماال عين النبي عليج اتخبلين طالعه
فدك: وانتي هم طالعه اجننين بس اريد اسال سؤال
مريم: اي كولي
فدك: منو هاي لبنيه الجانت واكفه اهنا شعرهة كصير وبيضه
مريم: هااا قصدج نور
فدك: اي شصير منكم
وكضتني مريم من زندي وجرتني عليهة وكالت
.
مريم: هاي بت عمي السوه عمليه جانت مجنكله عله حيدر وتحبه بس من طكهة بوري بطلت منه وهسه من شافتج هيج حلوه وبنتج اتخبل كتلتهة الغيره
فدك: شنوو جان عد حيدر حبيبه
.
.
.
يتبع.........