عشكَ عيون الملازم

البارت 23

السلام عليكم❤❤
.
رجعت وياكم ابارت جديد ويه الروايه اتمنه تعجبكم ضيفو رأيكم ابتعليق 😊❤
.
.
___________________
.
حيدر
فتحت اعيوني الصبح عله صوت حركه بالغرفه انداريت عله الميز شفت فدك هستوهة طالعه من الحمام ولابسه دشداشه قصيره مخصره كتله كبل
.
.
حيدر: هاااي شنووو
فدك: اعوذ بالله فززتني كول صباح الخير
حيدر: هيج راح اتنزليت
فدك: يووو اكيد لاا اشلون هيج انزل
حيدر: حسبالي جان انجلطت
فدك: غير الدنيه كلهة جوه بس سبحت كلت بين ما اعدل نفسي البس هاي
حيدر: ايي عله راحتج بس الساعه ابيش
فدك: ب٨وربع
حيدر: خوش بعد وكت خلي ارد انام
فدك: لاا شترد اتنام كووم خلي ننزل
حيدر: اهووو ايي كمت حضري ملابس الي خلي اسبح
فدك: شتحب اطلعلك
حيدر: ابكيفج الي يعجبج
فدك: حاضرر
.
حيدر
رحت للحمام واني اباوعلهة وعله طولهة جنهة استكان جاي من الكصر
.
فدك
هاذ اشبي صافن عليه ياا الله خلي اطلعله ملابس احسن رحت للكنتور طلعتله بنطرون كوباي وبدي واني بعدني جاي احضرله اشو هاذ طلع من الحمام وخلي بس خاولي امغطي رجليه واجه وكف كدامي اني درت وجهي منه وهوه صاح
.
حيدر: فددك
فدك: (درت وجهي عليه وكتله )هااا
حيدر: بااعيي
فدك
وجان هاذه ينزع الخاولي ابسرعه وصاح
حيدر: بوووووو
اني غمضت اعيوني كبل
.
حيدر: اشبيج يلعوبه لابس شورت😂😂
فدك: (درت وجهي عليه صدك لابس شورت)استغفر الله هوه هاذ شقه
حيدر: عوود تستحين وللج 😂
فدك: هااي ملابسك يله بدل خلي اعدل نفسي وننزل
حيدر: اييي وسم
فدك: بكلبك
حيدر: شنووو شكلتي
فدك: هيج حجيت ويه نفسي
حيدر: عباليي حجيتي شغله
.
فدك
بدلت ملابسي لبست فستان كلش حلو مال صبحيه ومكياج خفيف ولبست الشال بس هيج خليته عله راسي وشمرته عله جتفي
.
.
حيدر
اني جاي البس ابساعتي ومنتبه عليهة كلش حلوه طلعت ما شاء الله وخلت مكياج خفيف كلش احب هيج البنيه المطوخ بمكياجهة اشوي ونزلنه اني وياهة
.
.
فدك
نزلنه اني وحيدر بعدنه عله الدرج وام حيدر اشوف الفرحه بعيونهة ادمع خطيه وهيه اتهوس لابنهة ونسوان كومه وحيدر باس امه من راسهة وهيه تدعيله
.
حمديه: يا رب بعد الذريه الصالحه لوليدي
حيدر: انشاء الله يمه
حمديه: ما شاء الله مثل الكمر مرتك عين النبي عليهة
حيدر: يله اترخص اني محتاجه شي
حمديه: سلامت يمه روح لبوك
.
فدك
راح حيدر واني بقيت ام حيدر خذتني وكعدتني ابصفهة ابنص النسوات ولا وحده اعرف منهن حالي حال الاطرش بالزفه😂🤦🏻‍♀️
.
زهراء: تعالي يمنه بالمطبخ انسولف
فدك: اوكي اجيت
كمت رحت وياهة اكو كوم بنات شابات بالمطبخ بس اجت كبل اخت حيدر
.
مريم: هلا بالعروس شلونج
فدك: لحمد لله زينه
مريم: والله لازم اتعلم من يمج
فدك: عله شنو تتعلمين
مريم: بعدين نحجي
.
فدك
بقيت افكر هاي اشتحجي وكوم بنات يحجن ويسولفن وياي واني ما حبيت الوضع كلهن شايفات نفسهن ويستهزأن بكلشي اكوله الهن
.
زهراء: تعرفين اطبخين
فدك: ايي كلشي اعرف
مريم: اووووع اني ما احب الطبخ
مروه: ليش اكو ابنيه شابه هسه تطبخ بس هاي طالعه رون سايد هههههه
فدك: لا عادي اشبي الطبخ خو بعد احسن اعرف
مريم: بس ليدورن زواج ايطبخن
فدك: لاا مو شرط
.
فدك
بقن يتعايرن فوك راسي ليكول مو عروس جايه يمهن ليكول فصليه ويحجن عليه خليت وكمت رجعت يم ام حيدر
.
حمديه: هلا يمه تعالي يمي
فدك: ايي عمه
الحجيه: سمعي يا بنتي
فدك: كولي عمه
الحجيه: احنه عدنه تره اهم شي التربيه والستر
فدك: ايي عمه نشاء الله
الحجيه: ايي انتي حلوه وحيدر حلوو انشاء الله ذريتكم اتخبلل تطلع
فدك: انشاء الله
حمديه: فدوه اروح للتربيه امبين عليج حبابه
الحجيه: ايي ما تخذلنه كوون وتطلع تسس (تقصد حيه)
فدك: ههه لا لا مو هيج
الحجيه انشاء الله تره حيدر ميتعوض وداعتج ولد صدك ونعم منه
.
.
فدك
بقيت كاعده والنسوان تسال بيه وجاوب لحد ما جابو الغده حاضر من المطعم توصيل ما طبخو شي بس دارو بالماعين قسم للزلم وقسم للنسوان اني كمت رحت للمطبخ ردت اساعد اخت حيدر كضت اديه فجأه
.
مريم: لا لا حبيبتي ميحتاج اتعبين اديج انتي عروس روحي اكعدي
فدك: لا خليني اساعدجن
مريم: لا ميصير روحي كعدي
فدك: اوكيي
.
فدك
رحت واكول لروحي اشكد امبينه خبيثه نبره كلامهة ابد ما ارتاحلهة بس لا تبقه اشد وياي هايه بس الله يسترني منهة
صبو الغده كعدنه اتغدينه اني من الخجل كوه ابلع اللكمه ما متعوده هيج متعوده عله اهلي اشوي وكمت كلتلهم شبعت ورحت غسلت اديه ورجعت كعدت عله التخم ولحجيه كاعده اكبالي وصافنه عليه منا لل٢الضهر الكل راح واني بالمطبخ وحيدر اجه
.
حيدر: السلام عليكم
الكل: وعليكم السلام
حيدر: هاا يمه شلونج
حمديه: لحمد لله يمه زينه
حيدر: يمه متت تعب كلش
حمديه: يله اخذ مرتك وروح نام ارتاح
فدك: بس اني منعسانه
خزرني حيدر وكال
حيدر: امشي امبين عليج تعبانه
فدك: اجيت
.
فدك
رحت صعدت ويه حيدر دخلت الغرفه
حيدر: سدي الباب
سديته واجيت كعدت عله السرير ونزعت حجابي
حيدر: هاا شلونهة اللمه
فدك: حلووه ولو ما اعرف احد بس حلوه
حيدر: ايي صح بعدين تتعودين وتعرفين الكل بحيث اذا واحد اجه ادكولين اهوو هم هاذ
فدك: ههههه مو لهل درجه
حيدر: تمر لايام وشوفي يا حلوه
فدك ؛ ايي انشاء الله
.
فدك
كمت عله الميز فتحت شعري لان رطب اريده ينشف مو زين هيج اعوفه
.
حيدر
فتحت شعرهة شنو من شعر وصل لوركهة واسود لونه ايجنن
.
حيدر: هيج راح اتنامين بهل فستان
فدك: لا راح ابدل
رحت عله الكنتور طلعتلي دشداشه خفيفه كلش حلوه ومو حيل اطويله ورحت للحمام بدلت ورجعت
.
حيدر
اجت كعدت يمي عله السرير وعيوني مينشالن من تفاصيلهة خليت وتقربت عليهة
.
فدك
شفت حيدر اتقرب عليه
فدك: شبيك
حيدر: ما بيه شي بس حبيت اتقرب اشوي
فدك: مو اريد انام فشوي ادنه
حيدر: يوو كل هل مجال ميكفيج
فدك: عله رتحت هاهيه
.
حيدر
هيه اتمددت ابصفي واني كبل شبكتهة من وره وهيه كامت تحجي متكدر اصيح خاف واحد يسمعهة😅😂
.
فدك: يوو حيدر عوفنيي
حيدر: ماا اعوفج
فدك: راح اصيح
حيدر: صييحي ويجون شدكلليلهم
فدك: وخرر منيي
حيدر: بوسيني واوخر
.
فدك
انداريت عليه بسته من خده ابسرعه
فدك: هااي بستك وخر
حيدر: اييي 😂😂
.
حيدر
باستني من خدي ابسرعه وخرت من يمهة وميت عليهة ضحك 😂
.
فدك: كافي تضحك ويله نام مو تعبان
حيدر: امداج يالعووبه😂😂
.
.
فدك
غفيت ابسرعه احس نفسي تعبانه مع العلم كلشي ما مسويه فزيت العصر الساعه بال٤ونص انداريت شفت حيدر نايم ما حبيت اكعده كمت اني خذيت ملابسي من الكنتور بدلتهن ولبست شالي ونزلت شفت ام حيدر كاعده وحده بالمطبخ
.
فدك: مساء الخير عمه
حمديه: هلا عمه هلا بيج
فدك: اسويلج جاي عمه
حمديه: ايي والله راسي يوجعني من الهوسه مالت اليوم
فدك: اي صدك الله يساعدج
حمديه: ايي والله ابني يستاهل حيدوري يستاهل بس الله يرحمه اخوو ما لحك خطيه عله الزاج يا يمه كليبي عليه مشتاقتله
فدك: عدج ابن لاخ
حمديه: ايي عدي بس اتوفه شهيد
فدك: يوو الله يرحمه
حمديه: ايي والله مات وهوه ابعز شبابه وما شاء الله ايخبل عين وما صلت عله النبي
.
فدك
اني ما عرفت جاي تحجي عله كيان نسيت اصلن وكتلهة
.
فدك: عدج صوره اله
حمديه: ايي عدي خلي اطلعلج بالمبايل
فتحت جهازهة وطلعتهة الي واني انصدمت صوره كيان طلعتهة الي واني جاي اباوع للصوره ما احس اله حيدر فوك راسي
.
حيدر
كعدت لكيت فدك مو يمي خليت وكمت عدلت شعري ونزلت رحت للمطبخ شفت فدك كاضه جهاز امي وتباوع عله صوره اتقربت وشفتهة صوره كيان سحبت الجهاز من ايدهة بقوه وكتلهة
.
حيدر: شنوو هاي
فدك: كمت وكتله امك شوفتني صوره ابنة المتوفي وجتنت تحجيلي عنه
.
حيدر
اتقربت عليهة كلش واني حاد اعيوني عليهة وكتلهة
حيدر: اضن ميحتاج تحجيلج عنه صح لو لا يله ولي للغرفه واني لاحكج
فدك: بس'''
حيدر: (بعياط)ولللليي
حمديه: اشبيك يمه عوفهة
.
فدك
ابسرعه ركضت للغرفه دخلت وسديت الباب وكفت يم الميز وشاده اصابيعي سوه من الخوف وجان حيدر يدخل ويطبك الباب عله كيف وجان اجه اتقرب عليه وكالي بهدوإ
.
حيدر: بعد ما اريد اشوف هاذ المنضر مفهوم
فدك: حااضر(بخوف)
.
حيدر
خليت وصمطتهة ابراشدي بحيث انضربت بالميز من قوته وبقت جامده ابمكانهة وبس تبجي واني كعدت عله السرير وطلعت باكيت الجكاير وشغلتلي وحده
.
فدك
بقيت ابمكاني واكفه وابجي من الراشدي وهوه راح كعد وعادي شهل كلب العليه يا ربي شنو من بشر هاذ
.
حيدر
كسرت كلبي وهيه تبجي خليت وكمت رحت يمهة اتقربت كلش عليهة وكلت
.
حيدر: ياا حلوو شو باوعلي
فدك: عوفني حيدر
حيدر: شوو بس باوعيلي
فدك: وخر منيي مسويت شي اني
.
حيدر
كضيتهة من وجهة وخرت اديهة بالكوه شفت اعيونه الوساع السود اشلون متروسات ادموع
.
حيدر: فدك انتي زوجتي بعد هاهيه الماضي شمري وره ضهرج ما اريد اذيج علمود شي صار ونتهة اني رجلج افهمي يعني اغار عليج من كلشي ما اريد هاي السوالف مفهوم
فدك: ححاضرر
حيدر: عفيه عليج ابنيتي
.
حيدر
مسحت ادموعهة وبستهة من خدهة وخرت من يمهة ورجعت المكاني عله السرير
.
.
يتبع في البارت القادم😊❤
اتمنه تعجبكم 🥀🦋
احبكم❤
الكاتبه: ضحى الطائي