عشكَ عيون الملازم

البارت 33

السلام عليكم❤❤
.
.
.
رجعت وياكم ابارت جديد اتمنه الكل يتفاعل بي وراح اشوفكم شنو الحباة العشت بيهة اني❤
.
.
اتركم ويه البارت حبايبي❤🥀
.
.
.
________________________
.
.
فدك
واني نازله جوه سمعت صوت جاي من الحديقه اتقربت باب الحديقه ابهدوأ اريد اعرف منو هاذ سمعت صوت مريم وهيه تحجي
.
مريم: ايي عمه بعد اعتمد عليج اريدهة من اديج
.
مفهم نص حجيهة لان تحجي ابهدوأ بس سمعتهة هيج كالت ايوي وسدت لاتصال اني كبل طلعت للحديقه باوعتلهة وهيه انصدمت بيه وحسيتهة خافت وكالت
.
مريم: اشبيج هيج صافنه
فدك: لا ما بيه شي بس اجيت هيج
مريم: عله راحتج يله اني رايحه
.
فدك
وكبل راحت دخلت للبيت بالي انشغل هاي اشبيهة وشتريد وهيج تحجي ابصنطه بس فكرت وكلت اني شعليه خليت ودخلت للبيت
مرن كم يوم طبيعيات ما بيهن اي مشاكل وحته اني متعجبه اشعجب مريم عايفتني ابحالي
واني كاعده بالغرفه جاي اخلي مكياج اجه حيدر وكف وراي
.
حيدر: هااي اشجاي اسوين
فدك: اخلي مكياج اشوي
حيدر: اساعدج اشوي
فدك: ابشنو اساعدني وانته متعرف شي اسويي
حيدر: لا اعرف بس اعتمدي علي ومعليج
.
وكض حيدر الحمره وكعد عله اركبه واني كاعده عله الطبله مال ميز ودارني عليه
حيدر: شوفي راح اخليليج حمره
فدك: اوكي خليلي
وقدمت نفسي وشفايفي عليه وهوه كض وجهي ابايده وخلالي حمره واني اضحك
.
حيدر: لضحكين راح اتخربين المكياج
فدك: ههه اي بعد ما اضحك
حيدر: خلصت شوفيهة😁
.
فدك
انداريت عله لمرايه شفت امخليلي الحمره مو عدله وكبل ضحكت وكتله
.
فدك: شنوو هااي😂
حيدر: شنو اشبيهة حلووه
فدك: مو عدله ومدمرني
وخذيت لكلينس اريد امسحه سحبه من ايدي حيدر وكال
حيدر: تردين اتمسحيهة
فدك: ايي جا هيج بقه
حيدر: اني السويتهة واني الامسحه
فدك: يله امسحه لعد
وقدمت وجهي اله
.
حيدر
قدمت وجهة الي واني كضيتهة من خدودهة ورفعت نفسي عليهة وبستهة من شفايفهة وشوي واخرت اشفايفي من اشفايفهة واني قريب عليهة كلش كتلهة
.
حيدر: هيج امسحه الج
فدك: ههه متوقعت هيج
.
حيدر
ابتعدت عنهة واني مبتسم ابجهة وكتلهة
حيدر: الله رزقني بيج ورزقني بحبج
فدك: (كضيت ايده وكتله بخجل) حبيبي انته
.
حيدر
ورجعت بستهة وبدون ما اذيهة اخاف عليهة تتوجع ابوسهة بنوعومه شفايفي ما اريد اذيهة ابحركه مني زايده
.
.
يوم ثاني
.
فدك
والصبح اني كاعده جاي اثرم زلاطه بالمطبخ وعمتي كاعده كبالي تباوعلي والبنات طالعات
وحمديه هيه وصافنه عليه كالت
.
حمديه: انتي غالي اجيتي من كلمه غالي
فدك:(باوعتلهة وكتلهة)شكرا بس مفهمت قصدج
حمديه: تفهمين بعدين
وهزت ابراسهة بمعنه ايي
اني جاي اثرم دك الباب عمي سلام راح فتحه سمعت صوت مريم وزهراء اجني دخلن للمطبخ واني خلصت ثرم
.
زهراء: هلوو رجعنه
حمديه: هلا بيجن اجبتن وياجن
مريم: مجبنه شي بس جبت هديه لحيدر مالت اعتذار
فدك: هديه شنو؟؟
مريم: مالت اعتذار ما متعوده اخلي اخوي زعلان مني
حمديه: الله يهديج يا بنتي
مريم: رايحه اوديهة لاخوي وارجع
.
فدك
راحت مريم واني وراهة مشيت وهيه صعدت للغرفه دخلت وبقت واكفه يم الباب واني دخلت كبل ما اثق بيهة
.
مريم: ها فدك اجيتي
حيدر: هاا شكو يا ستار
مريم: خويه جبتلك هديه اعتذار
حيدر: (عدلت كعتي وكتلهة) وينه بله
مريم: هاي
.
فدك
طلعتهة كارتونه اصغيره ودتهة لحيدر وهوه كاعد عله السرير
حيدر: شنو هاي
مريم: افتحه
.
فتحهة حيدر طلعت كيكه اصغيره
حيدر: شكرا بس كون بعد بطلتي من المشاكل من هيج سويتي
مريم: التووبه بعد
حيدر: شكرا فرحتيني بهل قرار
واكل من الكيكه
مريم: يله اترخص اني بعد ما رضه عليه اخوي بااي
.
فدك
راحت مريم واني باوعت لحيدر ووبتسمت صح مستغربه من السوته مريم بس ما بينت لحيدر
.
حيدر: تعالي فدك يمي
فدك: اجيت
ورحت كعدت اكباله وهوه خله الكيكه عله الميز لبصف الجربايه وكال
حيدر: شوفي صارت حبابه كتلج يجي ويم وتعدل وياج
فدك: اتمنه حجيك صحيح
حيدر: لا تسويهة سالفه شوفي هيه بطلت بعد ما اضن بعد اضوجج
فدك: ايي صحيح ما اضن اني هم
.
وخليت وكمت نزلت جوه حضرنه غده اني وعمتي صارت الساعه ب١وربع
.
حمديه: يمه روحي صيحي حيدر عله الغده
فدك: ايي عمه رايحه
.
رحت واني اريد اصعد مريم صاحتني انداريت لكيتهة وراي واكفه
.
فدك: شتردين
مريم: شوفي صرت حبابه اني وحيدر رضه عليه
فدك: لحمد لله من هيج تغيرتي فجأه وخلصتي مشاكلج وياي
مريم:(ضحكت وهزيت راسي وباوعتلهة كتلهة)ما خلصت بس اني هستوني بديت
.
فدك
وراحت مريم بس هيج كالت شنو قصدهة وشناوبه هاي خليت وصعدت لحيدر فتحت الباب لكيته كاعد عله السرير مكنك
.
فدك: حيدر تعال يله انزل عله الغده
حيدر: حبيبتي ما اشتهي هستوني كليت كيكه وشبعان كلش
فدك: يوو جان عفت الكيكه للعصر وهسه تغديت
حيدر: يله بعد شسوي كليتهة
فدك: عله راحتك كلبي
.
فدك
خليت ونزلت كلت لعمتي ما يشتهي لان اكل كيكه وصبينه غده ودغدينه وخلصنه لمينه لماعين اني ولبنات اني عزلت المطبخ وغسلت لماعين
اكل راح لغرفته ونامو اني بقيت عزلت المطبخ وخلصت وصعدت للغرفه دخلت لغرفه وسديت الباب شفت حيدر نايم نزعت حجابي وبدلت ملابسي وتمدت عله السرير ابصف حيدر واني اكول ابالي
.
فدك(بتفكير):هاي اول مره حيدر ايعوفني وينام دومه ينتضرني لبين ما اجي
وباوعاه هوه ونايم ما حسيت عله نفسي اله نمت
فزيت عله حركه ابشعري فتحت اعيوني كوه شفت حيدر يلعب ابشعري ويشد بي وكتله
.
فدك:(بنعاس)اشبيك
حيدر: حبيت العب ابشعرج يروحي
فدك: بس اني نايمه
ونداريت عليه
حيدر: مو وكت نوم اكعديي
.
حيدر
وتقربت عليهة وخرت الشعر من وجهة وبستهة من خدهة وبقيت ابوس بيهة من خدودهة واشم بعطرهة
.
فدك: حيدر مو جنت نايم شكعدك
حيدر: حبج كعدني
وتقربت عليهة كلش الزكت بيهة وكضيتهة من خدودهة وبوس ابكل مكان ابجهة وهيه تضحك بنعاس  وبقينه
.
.
.
وصار الي لازم يصير
.
.
.
فدك
اجه الليل واحنه كلنه كاعدين بالصاله ونسولف ونضحك واني منتبهة لحيدر كاض راسه وعيونه حمرر كلش ومو عله بعضه ومخنوس وما حجه ولا كلمه وابو ساله
.
سلام: بويه حيدر حيدر
حيدر: ها هاا بيويه
سلام: اشبيك ابني ليش هيج صافن ومو عله بعضك
حيدر:(اضرب ابراسي بصابيعي لثنين وكتله)راسي دايخ يوجعني
فدك: راح ايبلك براسيتول تشربهة اصير زين
حيدر: ايي جيبي واني صاعد لغرفتي ارتاح
.
فدك
كمنه اني وحيدر بس هوه رتح للغرفه صعد واني رحت للمطبخ جبت براسيتول وكلاص ماي وصعدت فتحت الباب شفت حيدر ممطول ابنص السرير وكاض بطنه حيل ويتلوه من يمهة اني سديت الباب وخليت العلاج ولكلاص عله الميز وركضت اله كضيته وكتله
.
فدك: حيدر اشبيك شصايرلك
.
حيدر
واني بطني اتريد تنشك من الوجع فدك تسال بيه عطت من الوجع وكلت
حيدر(بعياط):تووجعنيي راح تنفجرر من وجع
فدك: حبيبي لتخاف شو اكعد خلي اشوف
حيدر:(ابوجع وعياط)ماا اكدر ما اكدر مشنج
فدك: رايحه اكل لامك بلكي تطيني علاج
.
فدك
ورحت ركض نزلت دخلت للصاله فحطانه
.
سلام: اشبيج بويه تركضين
فدك: حييدر حيدر مدري اشبيي
حمديه: وليدي اشبيي
فدك: كام ايعيط من بطنه توجعه وميكدر يتحرك ما اعرف شبيي
سلام: خلي اخذه للمستشفه
.
كبل كام عمي وعمتي راحو لحيدر عمي كوه كومه ميكدر ايكوم من الوجع مالت بطنه ردت اروح وياهم عمي ما قبل كلي ابقي بالبيت وراحو بس همه ويا
.
.
مريم
هيه هيج كالت راح بس يبدي المفعول بطنه ادكوم توجعه بس ثاني يوم يرجع طبيعي ويبده المفعول ايجيب نتيجه خووش
واجت فدك حاميه عليه ودفعتني
.
فدك: انتيي السبب موو
مريم: وخرري شعلي انيي
فدك: شخليتيله بالكيكه هاا شخليتي
زهراء: اشش اسكتي لتعيطين
مريم: اتخبلت مدري اشبيهة
فدك: (ابجي)ولج حرام عليج هااذ اخووج اشلون هيج اسوين بيي اشلوون بس حسبي الله ونعمه الوكيل عليج كوون
مريم: لا دعيين حيوانه
.
.
فدك
عفتهة وصعدت للغرفه بقيت انتضر اشوكت يجون ما اجو ل١٢ بالليلي عمي صعد حيدر ومخليله مغذي ومطي علاج لحمد لله اجه وبطنه متوجعه نزلو عمي وعمتي واني سديت الباب وكعدت يم حيدر ودموعي بعيوني وبتسمت ابجهة وكتله
.
فدك: خوفتني عليك
حيدر: حبيبتي لتخافين كلشي ما بيه
.
فدك
وبسرعه حضنته بقوتي كلهة واني ابجي وهوه حضني ويمسح براسي وكتله
.
فدك: الله لا يحرمني منك كون يا رب ويحفضك اليي
.
حيدر
هيه جاي تدعيلي واني كضيتهة من راسهة بست راسهة وكتله
حيدر: نعسان خلي انام بحضنج
فدك: ايي نام بحضني ايي
.
كبل رحنه لمكانه عله السرير وهوه حضني وخله وجهة بركبتي واني حضنته من راسه ولعب بشعره ونمنه عله هاي الحاله
.
.
يوم ثاني
.
فدك
واني بالديوانيه جاي اكنسهة اجت ام حيدر سالتي
.
حمديه: يمه فدك اشلونه حيدر اشلون صار
فدك: لا زين لحمد لله احسن
حمديه: انشاء الله ما بي غير العافيه
فدك: نشاء الله
.
راحت عمتي واني خلصت كنس الديوانيه كمت وديت المكناسه بالحديقه ورجعت خذيت اكلاص ماي واريد اصعد اطي علاج الحيدر صعدت فتحت الباب مال غرفه شفت حيدر كاعد عله الكاع وكاض جكاره وصافن وما حس حته عليه من دخلت سديت الباب واجيت كعدت اكباله وكتله
.
فدك: حيدر
حيدر:(ابفزه)هاا فدك اشوكت اجيتي
فدك: حياتي اشبيك ليش صافن
حيدر: اني لا مصافن
فدك: (اتعجبت اشبي حيدر شصايرله وكتله)جبت اكلاص ماي حته تاخذ علاجك
حيدر: ما اريد اخذه
فدك: لا لازم تاخذه
وخليت لكلاص كدامه
.
اشو هاذ كبل اتوترت اعصابه وضرب الكلاص دفره اني بتعدت عنه وهوه عاط بيه
حيدر:(بعياط)ماا اخذ كتلج ولليي
.
فدك
واني مبتعده عنه واباوعله بخوف وبقيت ساكته وهوه كض راسه وكال
حيدر: فدوه فدك روحي مو وكتج هسه
.
فدك
كمت لميت الكزاز لان انكسر لكلاص بالميز ورحت طلعت من الغرفه نزلت ومدري اشبي حيدر ليش هيج صاير
.
مر اليوم واني منتبهة عله حيدر بس صافن ويدخن ويهزهز ابراسه من وحده ليكول يحجي ويه نفسه اني خفت عليه خاص صاير بي شي لو ايشي
صارت الساعه بال١١بالليل اني صعدت للغرفه حيدر ابد منزل منهة دخلت للغرفه شفت حيدر فاتح اديه وعايفهن عله الميز ومنزل راسه سديت الباب وبقيت اباوع عليه اجيت اتقربت عليه شفت ايده حاركهة بالجكاير اثار صاير بيهة وسالته
.
فدك:(ابخوف)اشبيك حبيبي ليش هيج مسوي بنفسك
حيدر: بعدج اتحبييي؟؟
فدك: شنوو؟؟
.
جان ما احس اله ضرب كل الغراض العله الميز طشرهن بالكاع انتبهت لعيونه حمرر حيل دم صايرات خفت من يمه وعاط بيه
حيدر: بعدجج اتحبيي موو
فدك: اشجاي تقصد منو احب
واجه كبل كضني من صدر ثوبي وقرب نفسه كلش عليه وكال
حيدر: ولج حبيتج ردتج زوجه الي ام بيتي وام جهالي وانتي بعدج اتحبييي لكيان
فدك: اشبيك حيدر شصايرلك
حيدر: صااير ناار هسه راح اشوفج النار والاذه لبداخليي
.
وكبل شالني وشمرني عله السرير وهوه كعد فوكي واني ادفع بي وابجي
وهوه كض راسه حييل وخلا عله صدر وعاط بصوت عالي من الوجع الجاي ايحس بي ابراسه اني كضيت راسه ميهون عليه وجعه وهوه كض شعري ورفع نفسه عن صدري واجه عضاني من اشفايفي اح شفايفي اتريد تنشلع من الوجع مالت عضته واني ادفع بي اريده ايوخر من فوكي ويبطل عض بشفتي
وهوه وخر حلكه عن شفايفي وعضاني من خدي حييل وجعني كمت اعيط ودفعته عني اني كبل كعدت عله السرير بعيده عنه طخيت شفتي شفتهة جاي تنزف دم من العضه وما احس اله ضربني راجدي من قوته وكعني من الجربايه للكاع وهوه كام من الجربايه واجه يتقدم عليه وعيونه حمر يجدحن واني ابتعد عنه زحف بالكاع وابجي هوه كبل كضني من رجليه وصار فوكي ضم وجهة ابصدري وكام يبجي كضيت راسه ورفعته عني شفت ادموعه تنزل عشره عشره ويكول
.
.
حيدر:(ابجي وخوف)فدك سااعديني فدك
.
فدك
اني كبل حضنته حييل وابجي وامسح ابراسه وقره المعوذات عليه وهوه نام عليه واني شوي بقيت وما حسيت عله نفسي هم نمت
.
فزيت احس اكو شي جاي يخنك بيه ما اكدر اتنفس جان فتحت اعيوني شفت حيدر حاد اعيونه عليه ويخنك بيه ابايده واني كاضه ايده اريد اوخرهة من ركبتي
.
.
.
.
يتبع في البارت القادم❤❤
انتضروني ابارت جديد