عشكَ عيون الملازم

البارت 4

وما ادراك ربما تنقلب عليك الامور لاحقن وتتمنا بان لن يحدث ايشيأ من الذي حدث وضحكاتك تنقلب عليك دموع وتعب وسهراتك بسبب فرحك تنقلب سهر الليالي بسبب تعبك وهمك والخذلان الذي حدث اليك من اقرب شخص كنت لا تتمنا ان يحدث ذالك بسببه
.
.
ورجعنه ابارت جديد نفس ما دومي اكول القصه عن واقع حال اصغر التفاصيل موجوده
.
°°~{*بسم الله الرحمن الرحيم*}~°°
.
_________________________________
.
.
فدك: شجعت نفسي وشلت الخجل وتصلت عليه هوه اشوي وجاوب
.
كيان: الووو
فدك(برتباك): الووو
كيان: اشبيج؟
فدك: ما بيه شي ليش
كيان: لا هيج عوفيهة خلينه ابموضوعنه
فدك: ايي
كيان: ايي كولي اشون اترجعي
فدك: مو كتلك اعرف وحده اترجعه
كيان: هاا خوش بس خليهة ابالج رجعته او لا عادي اصلن ما ايهمني بس جان كلشي ايخصني بي ولا اكثر
فدك: ايي عادي اني اكوللهة والله كريم
كيان: اي يمكن بيهة صالح من شمرتي يوزرج عله سيارتي😏
فدك: تره والله مو اني الكتبته
كيان(بستهزاء): لعد منو مثلن
فدك: صديقتي
هيج كتله لان اكول عيب اكله اختي
كيان: هاا وهسه صديقتج عايفه ما لتهة وتكتب يوزرج عله سيارات الزلم
فدك: لا بس مرينه منهة وهيه كالت اكتبه
كيان: اهوو هسه اني شعليه بهل مواضيع
فدك: تره انته فتحت الموضوع
كيان: وهسه راح اسده
فدك: ههه عله راحتك😅
كيان: اشبيج انتيي
فدك: ما بيه شي
كيان: صوتج جنج فاره مخنوكه وجايه تستهزأين بيه مدري اضحكين عليه
فدك: لا والله بس حبيت اساعدك
كيان: هههه تالي وكت انتي تساعديني
فدك: اشبيك انته
كيان: انتي ما اتعرفيني زين فانصحج لا اسوين هاي السوالف
فدك: ياا سوالف؟
كيان: مال اضحكين عليه وتستهزأين واصلن اشمدريني ما جاي اجذبين عليه علمود بس تسولفين وياي
فدك(بضحك):ولييش انته مننو
كيان: اني الملازم اول بالستخبارات كيان ابن محمد عصام تاج راسج وراس الخلفج
.
فدك: بقيت ساكته شحجي ويا هاذ يا ربي اشو كلش ما عده اسلوب كتله
.
فدك: شهل اسلوب اشبيك انته
كيان: كلشي ما بيه بس ضوجتيني
فدك: ليش هوه اني اشكتلك حته اضوج
كيان: هاهيه سدي الموضوع خلي ادزلج رابط حسابي وعود بعدين رديلي جواب اذا كدرتي اترجعيهة
فدك: اوكي عله راحتك
كيان: باي
.
فدك: اني ما جاوبت ايشي كبل سديت الخط ابجهة لان يستاهل شايف نفسه كلش وحيل ضجت من يمه وكلت اشورطني بي هل خبل وهاجر صعدت كالت
.
هاجر: هاا فدك اشون صرتي هسه
فدك: لا احسن راح انزل
هاجر: ايي يله نزلي ما شايفيج وهم شبعتي كعده
فدك: اييي والله
.
لو مو عيب جان كتلهة شبعت رزايل مو كعده😅
خليت ونزلت كعدت يم البنات جاي انسولف ونضحك مرت ابويه صاحتني
.
امي فوزيه: فددك يله كومي
فدك: لييش وين
امي فوزيه: كوومي
وتفتح بعيونهة عليه عود ما اسال
فدك: اشبيج شكو
امي فوزيه: جاي اكلج كوومي
وتاشر بعيونهة
فدك: اني حرت اهزلهة ابراسي بعنه شنو ونتبهت عله الكل ساكت ومنتبهين علينه اني ومرت ابويه سالت بت عمي دعاء
.
دعاء: شنوو اشبيجن اتاشرن وتتغامزن
فدك: لا لا بس ركبتي توجعني منا واهز بيهة
امي فوزيه: ايي ايي كومي خلي افركهة الج وراحت
دعاء: الضاهر راح تكسرهة الج😅
فدك: الله يستر منهة بس
.
.
كمت رحت للمطبخ شفت مرت ابويه مطنكره وعاكده الحواجب كتلهة
.
فدك: اشبيج يمه شصاير
امي فوزيه: غيير تجين يمي خاف احتاج شي منج ما ادكولين اساعد امي خطيه وخدهة
فدك: هاي اجيت
امي فوزيه بعديش أطي افلوس لاختج نرجس خلي اجيب بطلين ببسي يله وتعاي انحضر غده
نرجس: يله ابسرعه جيبي افلوس خلي اروح
.
فدك: رحت جبت افلوس وطيتهياهن ورجعت لمرت ابويه
.
.
___________________________
.
.
كيان: اشو كلتلهة باي هاي كبل سدته ابجهي ضجت حيل وكلت اشكد ما تستحين لعد عله هاي السالفه خليت ورجعت يم جماعتي
.
حيدر: هاا زين من خلصت
كيان: ليش اتاخرت؟
حيدر: لا بس جبناك بالطاري
كيان: ايي كول ابشنو جبتوني
مصطفى: ايجذب حبيبي ما جايبيك ولا شي
.
لكل اشو باوعة المصطفى والي وني رجعت سالت مصطفى
.
كيان: ابشنو جبتو طاريي؟
حيدر: لا خويه لا تضوج بس هيج سالفه ما تسوه
كيان(بعصبه):هااي عود انته اخويه وربينه سوه طلعت تحجي عليه ابضهر ومدكلي شي
حيدر: ما كلنه شي بس كلنه كيان ما يهمه اي شخص ولا يحترم واحد وهوه ايريد الكل يحترمه يهتم لامره
.
كيان: بقيت ساكت واباوع عله كلهم نزلو روسهم ومحد عاف عينه عليه وكلت
كيان: ماشي يا حيدر اني مولي عود من اطلعون اقفل المزرعه وجيب المفاتيح
.
طلعت ابسرعه واني ضايج من حجيه حيل مع العلم اني اعرف هاذ الحجي صح بس ما احب واحد هيج يحجي عليه لو يحجي ابضهري ركبت السياره وبسرعه طلعت بيهة واني ابدربي للبيت كضيت جهازي ودزيت رساله لهل ابنيه حبيت اشوي اضوجهة كتبتلهة
.
كيان: وين صار الجواب يابه عمليه ولاده هيه
وعفتهة
.
وصلت للبيت شفت بعدهم الزلم ولخطار وصفنت كلت كيان: صدك ما اهتم ولا احترم اي شخص لان لو احترم جان عايدت الزلم قبل لا اطلع بس حته خالي الرباني بصفته ابوي هم ما وكف ابعيني
.
خليت ودخلت الديوانيه وسلمت وعايدت عله الزلم كلهم احس خالي اعيونه فرحن من شافني اعايدهم لان اول مره هاي كل عيد ما اعايد وغلس ورحت كعدت ابصف خالي وخالي همس يمي
.
سلام: اشعجب
كيان: شنو؟
سلام: اجيت عايدت الكل
كيان: لخاطر اعيونك
سلام: ههه عفيه وليدي دومك هيج صير فرحتني
.
بقيت كاعد يمه لحد ما صاحوني اجي احضر الغده الهم رحت للمطبخ لكيت بي كوم نسوان خليت وطلعت وصحت
.
كيان: زهراء زهرااء
مريم: هاا عيوني
.
كيان(بتفكير):عمه الله عيونج كون وكتلهة وين زهراء
مريم: زهراء جاي اتحضر وياهن
كيان: صيحيهة الي
مريم: مو هاي اني موجوده:
كيان: زهرااااء وينج
زهراء: هاا ها خويه اجيت
كيان: مو صحتوني علمود اجي احضر الغده وينه لعد
زهراء: ايي هسه راح اصيح امي اجيبلك السفره ثواني
.
مريم: هزيت ايدي عليه ودخلت المطبخ
.
كيان: وعابت اي والله اشكد مخبله وين الله وتزوجين يا رب بهل عيد كون دعوت ارمله يا رب احسبهة وستجابلي
.
جابت زهراء السفره ورحت فرشتهة وحضرنه غده وكلشي ماكو اي نقص خليت وطلعت من الديوانيه رحت للحديقه طلعت باكيت الجكاير سحبتلي جكاره
وشغلتهة بديت ادخن ودخل حيدر ايباوعلي ويمشي تجاهي وكتله
.
كيان: شنو رجعت مشي😏
حيدر: لا طيران اكيد مشي
كيان: وربعك وينهم ما وصلوك
حيدر: وكفت كدامه وكتله لا ما وصلوني
كيان: اطيته ابتسامه صفح ودرت وجهي
حيدر: اشبيك انته
كيان: ما بيه شي
حيدر: تره والله من حجو عليك سكتتهم ومن اجيت انته ما ردت اكلك خفت اضوج من يمي
كيان: وهسه لازم اصدك
حيدر: ولك انته اخويه انته عضيدي انته ضهري اشون احجي عليك
كيان: عادي حبيبي لا اضوج
حيدر: يعني مزعلان
كيان: اكو واحد يزعل من روحه
حيدر: دتعال خلي احضنك يكلبي
كيان: اريد وياهة بوسه تعرف اني معوز حنان
حيدر: هههه لتخاف اذا اتريد ادللك هم
كيان: وخر مني وخر كمت اخاف من يمك
حيدر: هههههه يله دطب للبيت احسن
كيان: امشي
.
.
______________________________
.
فدك: اجه العصر وراحو الخطار امي وخواتي راحن لبيت خالتي بقيت بالبيت وحدنه اني واخوي كضيت جهازي شفت جاياتني رسالتين الاوله من بت خالي وثانيه من الولد وكلت
.
فدك: يووو اشون نسيت غير اردله الجواب
.
شفت رساله بت خالي الي كتلهة هيه اترع حسابه كاتبتلي
.
غدير: اكلج فدك ما يرجع هاذ اليوزر امبدلي
فدك: هاهيه شكرن كلبي
.
راسن رحت رديت عله الولد كتبتله
فدك: هلو الووو
كيان: هلو
فدك: اعوذ بالله شنو انته تكعد بالمحادثه😳
كيان: خلي نتصل وكلج ما اريد اراسل
فدك: كتلع ثواني خلي اروح لغرفتي
كيان: انتضر
.
فدك: ركضت ردت اصعد يم الدرج وكفت اذكرت اخويه ورحت كتله
.
فدك: محمد
محمد: هاا
فدك: تحتاج مني شي راح اصعد ابدل واذ صحتني ما اجي
محمد: لا ما اريد شي
فدك: بعد احسن
رحت ركضت صعدت ردت اتصل اشوي اتوترت وتردتت بس غلبت التوتر وتصلت عليه
.
.
كيان: الوو
فدك: هلوو
كيان: عله حضج هستوني كضيت جهازي وانتي رسلتيني
فدك: ايي والله اني هم هستوني شفت جهازي
كيان: ليش؟
فدك: مو يمنه خطار جان اهواي
كيان: هاا اي صح بشري
فدك: اي صدك حسابك ما يرجع لان امبدلين اليوزر مالته
كيان: عرفت
فدك: اذا عرفت ليش كتلي
كيان؛ هيج حبيت اكضي وكت
فدك: لا والله
كيان: ايي شكو بيهة هوه انتي من خليتي يوزرج عله سيارتي غير علمود احجي وياج لو لا
فدك: يووو انته ليش ما اصدك كتلك مو اني
كيان: ايي عادي بس تكدرين تعتبريهة فرصه حض الج من رديت عليج
فدك: ليش ؟؟
كيان: لان صراحه اني ما احب اسولف ويه ياهو الجان ماخذ عبره بحياتي
فدك: وشنو هل عبره الي عازلتك
كيان: الضروف
فدك: بقيت اشوي ساكته وكتله هاا والله
كيان: ايي تكدرين ادكولين الضروف ربتني اني وشفت شنو لناس وعرفت شنو العوز وحفضت البشريه اشلونهة
فدك: بس مو الكل سوه
كيان: لا وداعت ابويه كلهة نفس الشي
فدك: راح يجي اليوم الي راح تعرف بي نفسك غلطان
كيان(بستهزاء):ههه اوكي واني هم انتضره
فدك: ايي انشاء الله يجي وراح تعرف اتفرق بين الناس
كيان: انتي اشكد عمرج؟؟
فدك: ١٧ سنه
كيان(بضحك):ههههه ولج بيني اني وياج ١٢ سنه وجايه اتفهميني بالناس انتي بعدج طفله
فدك: ما عليهة بالعمر تره
كيان: ايي صح ههه
فدك: ايي عليهة بالعقل
كيان: وهسه محد عده عقل
فدك: انته ليش شايف الدنيه بعين الصغيره
كيان: انتي ما تعرفين عني شي وما عدج اي فكره عله المريت بي جان كتيلي حقك وزياده هم
فدك: شنو المريت بي شنو الي شفته ؟؟
كيان: انتي شسمج
فدك: اسمي فدك
.
كيان: ضليت ساكت وصافن صدمتني اباسمهة احس جسمي كله ارتعش
فدك: اشبيك سكتت
كيان: لا بس عجبني اسمج نفس اسم امي الله يرحمهة
فدك: متوفيه خطيه الله يرحمهة
كيان(بخنكه): هاذ الاسم صار بال١٣ سنه ما سامع بي وهسه وكفتي كل اعضاء جسمي من حجيتي
فدك: اعذرني
كيان: ياا فدك اني خسرت امي وابوي واخواني اثنين بيوم واحد
.
فدك: قهرني عليه حيل وسالته ماتو بحادث
كيان: ايي ابحادث محسوب احسابه علمود انفوسهم ولطمع الي بيهم موتو كلبي من عهدهة ويه هذول لربعه لماتو ضلم ما خلوني اعرف شنو العطف حس دفنو كلشي وياهم بالكبور دفنو كلبي وياهم كمت ما احب واحد ولا اصدك باليحبني عيشوني بضروف وانيي بعمر ال١٣ سنه ما خلو شغل فاشل ما شغلوني ايا وخذو اختي مني وهيه عمرهة سنه اشتغلت كلشي علمود ارجعهة اشتغلت اغسل اماعين وشتغلت انضف وغسل محلات الم وصاخه هاي الناس لما تسوه واني جنت ادرس وشتغلت بالحرام علمود اجيب افلوس الهم واخذ اختي وراهة اشتغلت بالحشد اتكسرت اضلوعي ورديت مهزوم من الموصل وره سبع سنين رجعت لاختي لكيتهة مسويهة خدداامه طبيت تفلت ابنص وجه ابوهم لكبير وشمرت لفلوس ابجهة وخذيت اختي وطلعت وبعدد وبعدد كومه ودكوولين غلطاان
.
فدك: حسيته خنكته العبره وهوه يحجي حيل انقهرت عليه كتله الله يساعدك ويكون ابعونك ما حسبالي لهل درجه هيج (واني كوه كاضه نفسي ما ابجي😅)
كيان: اعذريني بس حسيت اختنكت من الحجي هلكد ما صار ضامه
فدك: لا عادي احجي كلشي فرغ لبكلبك
كيان: ههه لا خليهة عله غير مره
فدك: عله راحتك اشوكت ما تريد
كيان: اسمج رجعني للماضي
فدك: ايي صح
كيان: يله اني اترخص بعد ونشاء الله نرجع نحجي
فدك: ايي انشاء الله
كيان: باي
فدك: باي
.
.
_______________________________
.
.كيان
سديت الخط منهة احس روحي اتريد تنفجر ياا ربي شنو هل احساس احس نفسي مخنوك حيل وما احس اله الدموع كامت تنزل كضيت روحي كوه ومسحت ادموعي وكعدت عله الجربايه صافن عله نفسي وبدون ما ادري كتيت كل الحجي لهل بنيه لان اسمهة فددك امداني اي والله
.
.
________________________
.
فدك:واني اليوم ابطوله صافنه وافكر بي وشلون حسيته مختنك وشلون ضلمته السنين بحيث من ال٩ باليل نمت من الضوجه والتفكير بي

.
.
.
يتبع بالبارت الجاي
اتمنه توصل فكره لكل المتاعيني