عشكَ عيون الملازم

البارت 18

السلام عليكم🤍
هاي روايتي الي صارتلي ابحياتي وبعد وبعد كوم صارلي وحيل نفسيتي تعبت خاصه بعد وفات كيان والاحداث كلهة حقيقيه من دون نقصان🫀🥀
.
ورجعت وياكم ابارت جدي اتمنه لكل ايضيف رأيه ابتعليق
.
اتركم ويه البارت
..
.
.
.
________________________
.
.
فدك: وابويه متعجب من طلبي
.
ابويه حسين: انتي تعرفين اشجاي تحجين
فدك: ايي اعرف اريد اروح ازور
ابويه حسين: اني ما عدي وكت اخذج
فدك: عادي اي شخص خلي ايوديني
ابويه حسين: ايي راح اكول لخواتج الجمعه الاربعاء ياخذنج
.
فدك: اني ودمعه ابعيني هزيت راسي ابمعنه ايي ورحت صعدت للغرفه كعدت وحدي انتضر هاي الايام اليوم يله جمعه بعد وين وين الاربعاء بعد اهواي واني نفسيتي كامت تتعب اكثر كل يوميه كمت بالليل قبل لا انام اتخيل واحد يهمس يمي باسم كيان وبهدوأ لحد ما تطلع الشمس يله ايروح الصوت الليل كمت ما انامه اصلن بس انام الضهر واخلي امي تجي اتنام يمي هيه ونرجس كمت اخاف من كلش بس يجي الليل ما ابقه بالغرفه انزل مرات جوه انام بالصاله والكلوب مفتوح وابويه اتصل عله هاجر وكوثر يجن وياي للنجف وهنه ما مانعن قبلن يجن وياي لتن ايعرفن ابحالتي اشلون صارت زفت اجني يوم الثلاثاء هنه واني كاعده احضر غراضي فوك صعدلي
.
هاجر: اشجاي اسوي
فدك: (سكتت اشوي وكتلهة) جاي احضر غراضي غير
هاجر: بطلنه بعد ما انروح لتحضرين
فدك:(عطت عليهة وكلت)انجبييي انروح اني وكوثر اذا متردين
كوثر: لا ارووح بس جاي تشاقه وياج
هاجر: يمه اشبيهة هاي
فدك: مشوفنيي اشلون صرت مشووفن حالتيي والله مو وكت شقهه
كوثر: يله كلبي لا تنقهرين هاي ثوله متعرف تحجي
.
اني خلصت تعزيل غراضي وكبل رحت لفراشي لفيت راسي جوه البطانيه اريد بس اكض نفسي واصيطر عليهة وصيطر عله اعصابي وما حسيت اله نمت وكعدوني ب٣الفجر علمود اروح
ورحنه ويه حمله دار واني الدرب كله فكري طاير لبعيد لحد ما وصلنه كال السايق راح ايذب ذوله اليردون ايزورون الموته ويرجع للامام ايزورون الباقين
ومن وكف يم الكبور علمود اينزلون نص العبريه ما حسيت نفسي اله نزلت وياهم وكوثر نزلت وراي اتريد اترجعني للكوستر واني كبل وكعت عله ركبي
.
كوثر: امشي خلي نرجع فدك
فدك: اصدكين صار بين هذوله
كوثر: فدك كومي لتقهرين نفسج
فدك:(ادموعي كامت تنزل سره وكتلهة) ولج صار بينهم ولج بعد ماا يرجع
هاجر: شنو شكوو
كوثر: هسه نرجع
.
فدك: واني ابجي وضرب اديه بزروري واكول جايي اشوف اشصار بيه من بعدك جاييي تسمعني تعالل وشوف شنوو حالي ليش هلكد بعيد ليشش
كوثر كومتني كوه واني ميته قهر وصعدتني بالكوستر خلتني ابنصهة هيه وهاجر وبين ما احنه ابدربنه للامام غفيت اتحلمت ابكيان ابعيد عليه كلش ردت اروح يمه وما كدرت بس سمعته كالي بالحلم راح انتضرج لا تستعجلين ويضحك فزيت عله كوثر كعدتني واني كبل كمت ونزلنه وصلنه الامام رحنه كبل عليه صح ازدحام جان بس عبرت اني وكضيت الضريح مالته واني ابجي دعيت كلت
.
فدك: ياا علي اوصيك عليه بامانتك هسه هوه يمك اوصيك بي لا تخلي وحده نفس ما اني سويت وعفته اريد من وكت كون اني هم اجي يمك من صبرك اطيني يا ابو الشهداء
.
.
ورجعنه من النجف الساعه ب١١الصبح وصلنه ب٣ الضهر بس لحمد لله ما بجيت من رجعنه بس مقهوره اشوي حسيت نفسي ارتاحيت اشوي بعد ما زرت اول ما وصلنه دخلت سبحت وكبل صعدت الغرفتي وره ساعه هيج اتصل جهازي شفت رقم غريب جاوبت
.
فدك: الووو
حيدر: الوو هلو
فدك: انته بن خال كيان
حيدر: ايي اني
فدك: اي عرفتك من صوتك
حيدر: اشلون صرتي هسه
فدك: اشلوني يعني ميته (اني وابجي)
حيدر: صبري من نفسج ولا تبجين
فدك: الله كريم
حيدر: اتصلت عليج اريد اسال عليج بالي بقه يمج من يوم الرحتي من المستشفه
فدك: لحمد لله حالي
حيدر: فدك كيان وصاني بيج قبل لا ايروح للموصل ويصير ويا كل هاذ
فدك: ابشنو وصاك عليه
حيدر: انتبه عليج وايشي ايصيرلج اني احلج ايا وو
فدك: وشنو و
حيدر: هوه كال محد ياخذج غيره بس اذا ما رجع ميريدج اصيرين لغير شاب فكال وصاني اني اخذج وخليج كدام عيني
فدك: انته اشجاي تحجي اتخبلت اخذ اخو الحبيته
حيدر: موو اني هوه هيج كال وصاني
فدك: لا لا مستحيل انته منتبه عله الجاي تحجي اشلوون اكدر
حيدر: فدك ابكيفج بعد انتي تردين او لا راح ابقه وياج اتواصل لحد وره الاربعين اتقدملج تردين اتوافقين او لا ابكيفج بعد هاي بس كيان هيج وصه واني عليه امشي بوصيته
فدك: ما ادريي ماا ادريي
حيدر: يله اخذي راحتج بعد
.
.
وسد الخط وراح هاي شنو النوب طلعت يا رب شني السالفه ما اكدر هيج وحده وره اللاخ ما اكدرر والله اني كوه حامله موت كيان نوب هاذ اجه ايكلي يزوجني شنو هايي ليش كل هاذ فوك راسي
.
.
.
يتبع بالبارت القادم🥀
صح مرت ايام صعبه بس لحمد لله النهايه حلوه❤🦋
صح هاذ البارت اكصير بس ردت امشي اشوي من القصه ولحك بالبارتات